Dwagi Yai Gesi Po Makgo Asęani 13:23 - Godigo dwagi yai po buku

²³ Tama tiyu dage dua dao. Te sę me pedalisiąbadi eno te tigidali sę yabo po te dagebolo wai dao,” Jisasgo te po wai.

Dwagi Yai Gesi Po Makgo Asęani 13:23 Referans Kwoze

2 Pita 3:17

Abagi dede dabe mu, dagego te tibo po ola mabo bage nosali pedalabo te polo konealigo da, teda dagego duga digi bugagia tonaluao. Tiyu te bomo yai po sela sąbo tibo po wabo bidi dabego dage te geda muani poba kegelama tama dage pasega sąyu tulaluidali weyu, bugagia suiąo.

Dwagi Yai Gesi Po Jongo Asęani 14:29

Te sę pedalisiąbadi, megi eno dagebolo e po wai dao. Tama tibaso, nosali te sę pedalobaso da, teda dagego enade te duga homu mumainogo yaibao.

Dwagi Yai Gesi Po Lukgo Asęani 21:8

Tama Jisasgo po weyu, te po wali, “Bidi hauwa asiyu, Jisas ena nogi waibao, Jisas asaibao wali, ena te Jisas ena e asalise, te po waibao, dage dali. Dage dua dao. Augwaligo dage ili po ola mawaibao. Tama augwaligo te po me waibao, ‘Asobo si te pąba maga yagasobao.’ Tiali goli, dagego te po wabo bidi wali pigio.

Dwagi Yai Gesi Po Makgo Asęani 13:5

Tama Jisasgo po augwaliba pusa mayu, te po wai, “Dage dua dao. Tiyu te bidi me deligo dage ili po ola mayabuo.

Dwagi Yai Gesi Po Lukgo Asęani 21:34

“Te dage dua dao, bugagia suao. Dagego tigidali sogo bomai wę tulama, aiyoge elamu dao. Tiyu dagego tigi tau sabo homu naga egio. Te tiwai kolesagago dage mesegelebaso da, teda te Bidi Mu asobo sogo dage polo asaibao, te enego hasa enebo tiwai yaibao.

Dwagi Yai Gesi Po Makgo Asęani 13:33

Dage dua dao. Dagego tonalu bidiąo. Te nisu sogo pedalabo te dagego me konebe dao.

Dwagi Yai Gesi Po Makgo Asęani 13:9

“Duga digi te bugagia tonaluiąo. Te augwaligo dage te augwa kaunsilba po tų ela mawaibao. Tama augwaligo dage te Juda dabego bomai po odobo lotu be tomode elaibao. Te augwaligo ena nogi aiyaba elaluabo homu elama, tama augwaligo dage te gavmaniba me te tuni bidi gesabidiba dodolaibao. Tama tebode te dagego te Godigo gesi wiegi yai po te augwaliba pusa mao.

Matyu 7:15

“Te tibo lotu po ola mabo po wabo bage augwali asidali weyu bugagia suao. Augwali dageba asobo si, te augwali kibu sipsip tiwai asaibao, te augwali dwai sę isąbo bage tiwai augwaligo dagede dwai sę yabo homu geme dualama, tama augwali dageba asaibao. Tiali goli, augwaligo homude dage mu dolabo homu kolesaga ebo dao, te dwai bulu yowi tiwai dao.

Matyu 24:25

Odiąo, te sę pedelasiąbadi eno dagebolo te po hasia bolo wai dao.

Dwagi Yai Gesi Po Makgo Asęani 13:22

Magi baso meni, te bidi meba te sogo aselama, tama tibo po weyu, te tiwai po waibao, ‘Ena Krais da,’ ma ‘Ena te Godigo po pusubo profet bidi me deli dao,’ tama augwaligo te bidigo susiąwai bomai sę eyu, tama gasagi gasagi yai sę dabe yaibao. Mu tama, te augwali usu yali homu ebogo da, teda augwaligo te Godigo augwali sa muyu dąį ilali we bidi tibo po ola menama, tama augwali tulalumainu yaibao.

Dwagi Yai Gesi Po Makgo Asęani 13:24

Jisasgo po me weyu, te po wai, “Tiali goli te genuai sęgę hasia bolo ela silama, tama te sogode te giliga ge hulia selama, tama te polua me ula isiąma,