Biblia Todo Logo
Bib sou entènèt

- Piblisite -




Dwagi Yai Gesi Po Makgo Asęani 13:19 - Godigo dwagi yai po buku

19 Magi baso meni, te sogode te genuai sęgę mu elaluaibao. Te Godigo tigidali nai nigali sogo gagalasa, te megi e sogoba usu nagasu, te tiwai sęgę te polobadu me pedalisiąwai. Tama nosali me te tiwai sęgę meni yaibao.

Gade chapit la Kopi




Dwagi Yai Gesi Po Makgo Asęani 13:19
17 Referans Kwoze  

Tama te bidi te da tǫde bidi tiwai, agai te Danielba te tama po ma wali, “Te sogo te polalubo ensel Maikel te pedelaibao, te dage Israel dabe tonalubo ensel dao. Te sogo te genuai sęgę mu pedelaibao. Polobadu te tobage sęgę tiwai te bulu tǫ kantri me delide pedalubeo. Te sęgę pedalubo sogo, teda te Godigo dage te Israel we bidi tigidali dobola ma saibao, augwali nogi te agai bukude elalualio, tama te augwali bugagia bidaibao.


Genuai Bidigo te wabo side te be mu hulia saibao, tama te husugu yai pǫgo te dagalu mesega saibao. Te genuai kuli mano hani te ami tiwai elama, te bulu du dabe mesega sagaselama, te kigamu te be posobo asobo tiwai pedelaibao wali. Te polobadu te tiwai sę deli me pedalubeo, tama te tiwai sę me te nosali me pedalugobeo, wai dao.


Te sogo da, te sęgę genuai mu elaluaibao. Te e tǫ gesi sogo elalubadi te megi e sogode te usu nagasu, te tiwai sęgę te polobadu munu me pedalobeo. Tama nosali me te tiwai sęgę munu me ma elalugobeo. Menio.


Te 62 taims 7-pela yia wali, te silibo si da, teda augwaligo te Godigo Sa Munama Nigilali Genuai Bidi ela mubaso, tama aga nai deli me elalugobeo. Tama te bomai king me deligo genuai ami hani aselama, tama Jerusalem me Godigo be dali dolaibao. Te hwįnama dolobo sę me te genuai wę asiyu, te pobele bage daseasa soabo tiwai yaibao. Tama te genuai boi hwįbo te elalua pidubadi, te tigidali nai sia sabo sogoba usu nama, tama tigidali nai te Godigo wali po gilama te dolaibao.


Tiali goli polobadu mu, hasia bolo te Godigo tigidali nai nigali sogo, agai te bidi me we augwali si nigai dao.


Nago te sę yaibao wali gilama tama te sę nago te dabolo me, dago tobolu bidi dabeba me yali. Nago te Jerusalemba te dwai sę mu elama, tama mu dolali. Te gasa taun me deli te Jerusalem taun dolali tiwai munu me ebeo.


Jerusalem, eno nage hobede mu dwalio. O Jerusalem, te meba taun dabe nago te sali dene tiwai me sai menio. Tialima, eno mena po mu olama, nago homu dąų walaibawe? Nage dolali, te ene genuai mu tomoba pali tiwai yalio, te tamu ąį ge te aiyana mu dulali tiwai yalio. Tama nage dego wiegi yai ma pedelemainu egowe? Woo, bidi menio.


Tama tialima, agai te haniani dwai gasi dabe dageba me, duga wąį dabeba me, te dwai gasi dabe pedelaibao. Tama te boma pai gasi dabe bobobage sogo elaluyu, me sia sogobeo.


“Dagego polobadu bidaliba ma kone paliawe, te dage ame nisąbadi? Tama me te Godigo hasia bidi me deli nigaliba kone palawe. Te dage te tigidali tǫba pobadi goli, tagalao, dagego te tobage genuai sę tiwai me pedalobo sugobeo. Te tobage sę po polobadu bidi mego odai elalubawe? Menio.


Te Jerusalem dabe, eno we bidi, augwaligo dwai sę yalide sali sęgęgo te Sodom we bidigo sęgę edelalio. Tama tibaso, Genuai Bidigo Jerusalem dabebolo dene genuai mu te mani dao. Tiali goli, Genuai Bidigo te Sodom dabe dolali sogo da, te taun agai deli sogo mu tama te taun dolai dao. Tama te boi bidi dabego megi te Jerusalem dabe dali ebo tiwai te Sodom dabe dali yai menio.


Jerusalemgo aga pąde elalubo sunumide soabo we bidi dabeba i wabo sę ebao. Agai te po obao. “Suiąo, ena genuai sęgę genuai mu elama, tama Genuai Bidi agai ena dene genuai mu manio, te aga sębę moni posolo tiwai mu yali sogode. Te polobadu te bidigo te tobage dene me sai meni yali bogo, tiali goli, dagego homugo te olo nai da weyu ebao.


Tama dagego te Godibolo gedu haluasa po waiyąo, te sę dabe te moni kedau sogode pedelabuo.


Tama Genuai Bidigo te sogo bodolu te hagana selama, pęwadage iligi menigi da, teda te tigidali we bidi hagagi dao. Tiali goli agai te sa muyu dąį ilali we bidi augwalide homu kone palama elaluali. Tama tibaso agai te bodolu sogo pęwadage sogo ilama elalubo dao.”


Tama eno agabolo te po wei ponai, “Genuai bidi, naga digi nago koneai.” Tama agai enabolo te po wai, “Te we bidi dabe augwali te boi bidigo nogode genuai sęgę dali te dene dali sali we bidi dabe dao. Tama augwaligo te sęgę bugagia tolaluama, tama te sęgę tolalubo sogo silalio. Tama augwaligo augwa ugwa te kibu sipsip wai kanemego ąį telawai, tama augwaligo ugwa te tedela yai dao.


Swiv nou:

Piblisite


Piblisite