Dwagi Yai Gesi Po Makgo Asęani 12:9 - Godigo dwagi yai po buku

⁹ “Tialima, te wain gi page bidi agai magi yaibawe? Te aga aselama, tama te gide sę yali bidi dabe te augwali ela muaibao. Tama agai te gi te gasa bidi meba augwaligo nogoba mawaibao.

Dwagi Yai Gesi Po Makgo Asęani 12:9 Referans Kwoze

Polgo Po Pas Rom Dabeba Asęani 10:20

Tama te Godigo po polobadu pusali bidi Aisaiago te po hanilama pusubo wi me ebeo. Agai Godigo te gasa hani we bidide wali po e tiwai asęani, “Te ena gegebo sę me isąwani bidi dabego, te augwaligo ena suali. Te bidi dabe meba augwaligo te bidi mebabolo te enade po hanalusiąbadi, tiali goli ena augwaliba hanilama pedalobo dao.”

Dwagi Yai Gesi Po Lukgo Asęani 19:27

Tama eno boi bidi odasa asao. Augwali ena dologode bidibo hagelabo wali. Tama te bage odasa asao, eno gabidide hwągo ela muao,’ te genuai bidigo te po wali,” Jisasgo te po wai dao.

Matyu 21:43

Tama tibaso eno e po dagebolo obao, te Godigo we bidi tonalubo sę dagede elaluali dagalama, tama te Godigo we bidi tonalubo sęde doloba pai kolesaga ebo we bidi augwaliba eno te nai mawaibao.

Matyu 22:7

Tama te tuni bidi sębę elama, tama aga te enesigi bidi me te ami bidi dabe tagala palama, augwali pelama, te sę ebo bidi dabe elali bidi dabe augwali tigidali mu ela siligi pai. Tama be me bulu dabe tigidali sia tulama ula silai.

Matyu 12:45

Tama aga pelama, gasa dwai noma te a naga olama me si sigi pali. Tama te gasa dwai noma haubo dabego te dwai dwai sę ebo kolesaga tebogo te hasia dwai mobo haubogo ebo dwai kolesaga aiyaba elalubo dao. Tama augwali aga dali aselama, tama augwali tomoba pelama, tama augwali te bede bidibo dao. Polobadu te bidi dwai bidai, tiali goli megi me te aga dwai mu bidibao. Te tiwai naga megi e sogo dwai sę eyu bidibo we bidi augwalibolo me te tiwai sę pedelaibao,” Jisasgo te po wai.

Malakai 1:11

“Te tigidali bulu tǫ kantri we bidi dabego enaba genuai nogi mawaibao. Te tigidali bulude bidi dabego te wiegi yai denami ofa hano iliyu, te tobage wiegi yai ofa dabe enaba mawaibao. Te tigidali we bidigo ena nogi ugwaba saibao.

Jeremaia 17:3

Dage te bulu du dabeba pelama, lotu wagi pabo dao. Tama tialima, eno te dagego mone tigidali, me te wiegi yai doado bage dabe, te boi bidi dabeba mawaibao. Dagego dwai sę hauwa te duga tǫ kantri tigidali usu nama ebao. Tama eno te boi bidi dabego dagego te lotu wabo pesage somainogo ilaibao wai dao.

Aisaia 65:15

Te eno hani dabe, te augwa gasa bageba po dwai wabo sogo da, teda augwa te tiwai po waibao, ‘God, Genuai Bidigo dage dolomainu yaibao, te agai te dwai hani dabe dolali tiwai yao,’ waibao. Tama te bidi dabego dage nogi te dwai nai homu tiwai yaibao, tiali goli eno te wiegi yai gesi nogi te ena sę bidi dabeba mawaibao.

Aisaia 29:17

Te pęwądage sogo tigidali nai dabe hasegelaibao. Te Lebanonde moni busi te gi yabo tǫ wiegi yai pedalaibao. Tama wiegi yai gi dabe te moni busi mu gagawaibao.

Josua 23:15

Mu tama, God, te dago Genuai Bidigo, te agai po weyu, te sę yaibao wali te tigidali wiegi yai sę ela silali. Tiali goli, dagebolo te Godigo wali bomai dąų wali po, te dagego boloyu, bugagia wali me pisąyu, tama dagego te tibo godiba lotu weyu, tama dagego te augwaliba kidu sugunubaso da, teda Genuai Bidigo dagebolo wado po weyu, tama agai dageba dene ilama, te dage tigidali agai te mani wiegi yai tǫde polo isimainogo yaibao,” Josuago te po wali.

Matyu 21:34

Nosali, te wain bono wai sisinabo sogo bodolu pąba yagasali, tama agai te sę bidi dabe augwali tagala palama, augwali te wain bono giba pelama, te gi page bidigo nai sigi pomainogo yai.

Dwagi Yai Gesi Po Makgo Asęani 12:8

Tama olama, te augwaligo aga selama, ela muai. Tama augwaligo aga tigi te gi sesege bulu badu sąwani.”

Dwagi Yai Gesi Po Makgo Asęani 12:10

Dagego te Godigo po bukude asęani po me deli dagego nedebewe? Agai e tiwai po wali dao: Te sę bidi dabego sela sąwani masigi, megi da aga te be polalubo kele ni tiwai dąų elalubo masigi pedalai elalubao.