Dwagi Yai Gesi Po Makgo Asęani 12:38 - Godigo dwagi yai po buku

³⁸ Tama Jisasgo augwali ola mayu, tama agai te po wai, “Dage te bomai po page koneai bidi dabe dua dao. Augwali te bobage gudubo ugwa belama pabo homu godolo ebo dao. Te we bidi sisinibo pesagede te we bidi augwalibolo te siade da wabo te augwaligo godolo naga ebo dao.

Dwagi Yai Gesi Po Makgo Asęani 12:38 Referans Kwoze

Dwagi Yai Gesi Po Lukgo Asęani 11:43

“Dage Farisi dabe, dage dua dao. Te dage te Juda dabego bomo yai po ola mabo beba pelama, te nogi elalubo bidi duayabo pesageba dugawai homu ebo dao. Me ma, we bidigo maketde dage sulama, genuai bidi dao omaina homu ebo dao. Tama te ebogo dage dene genuai mu saibao.

Matyu 6:5

“Tama dagego gedu haluasa po wabo sogo, dagego te ugwadu homugo naga po wabo bidi dabe augwaligo ebo kolesaga tiwai egimio. Augwaligo te bomo yai po ola mabo be tomode dolaluyu, gedu haluasa po wabo godolo eyu, me te genuai pabo tų bagu badu me, te we bidi dabego augwali sulama, tama augwali nogi ugwaba somainogo tiwai ebo dao. Eno mu po dagebolo obao, augwaligo te tobage sę elama, tama we bidigo augwaligo nogi ugwaba sai goli, te tama dao, te Godigo te sę ebode augwalibolo wiegi yai nai mu me magobeo.

Dwagi Yai Gesi Po Makgo Asęani 4:2

Tama agai ola mani po hauwa te po habu sugunama, te begelebo pogo naga augwali dali wali. Agai e tama tiwai po augwaliba mawai.

Matyu 10:17

Tama dage te dwai kolesaga ebo bidi dabede dua dao. Te augwaligo dage augwa kaunsil bidi dabede po tų ilainogo sela peyu, tama augwaligo dage te bomo yai po ola mabo be tomode te keloago elaibao.

Jongo Sela Sogo Wabo Asęani Pas - 3JN 1:9

Eno po meba te nago bidibo digi bidibo Godigo we bidibolo asęna tolai. Tiali goli te bidi Diotrefes aga augwaligo polalubo bidi bidainogo homu eyu tama agai eno wabo po odobo menio.

Dwagi Yai Gesi Po Makgo Asęani 12:39

Augwali te bomai po ola mabo lotu bede te we bidi gesabidi badu te polalubo ni namide duayabo godolo ebo dao, tama te genuai nai da tubo sogode te augwali te polalubo ni namide duayabo homu godolo ebo dao.