Dwagi Yai Gesi Po Makgo Asęani 12:34 - Godigo dwagi yai po buku

³⁴ Jisasgo te bidigo po wei ponobo po odali, te wiegi yai kolesaga koneai bidigo po wabo tiwai gilama yali, tama Jisasgo agabolo te po wali, “Nage te God dologoba pabo te nagede digibulu me elalubeo,” te po wai. Te sogo gagalama tama tigidali bidi dabe augwaligo usu sabo po meba te Jisasbolo hanalu wabo te augwali wi yai dao.

Dwagi Yai Gesi Po Makgo Asęani 12:34 Referans Kwoze

Kolosi 4:6

Tama tiyu dagego wabo po sesemane sogo dwagi yai eyu tama augwaligo odai hagede emainu tama pusu yabo po naga wao. Tama bidi mego dage Godigo po pagede po me hanalu obaso da, dagego agabolo bugagia wei ponobo po kuna homu kone palama wei ponao.

Dwagi Yai Gesi Po Lukgo Asęani 20:40

Te Sadyusi dabe augwali agade wi baso, po me deli ma hanalu wabeo.

Matyu 22:46

Tama niwai bidi me deligo Jisasgo te po wei ponabo te usu menio. Tama te side augwali agade wi ebo gagalali, tama nosali augwaligo agabolo te magi nai po me hanalubo menio.

Galesia 2:19

Tama eno te bomo yai po nedeyu tama te nedebogo eno koneani, eno te bomo yai po dabe bolama, tama eno Godigo gedude dwai sę yai dao, tama agai ena sęgę mawaibao, te eno konea sali. Tama koneyu, eno te me koneani, eno te dena wąį dabego bomo yai po wali peyu, tama tedu ena Godigo gedude te doloba pai bidi munu me pedalogobeo. Tama tibaso, megi eno Godigo po wali peyu aga sę eyu bidibo dao. Tama ena te bidi Jisas dali te ni pedaide isali tiwai ebo ąǫ te homu ebo dao.

Matyu 12:20

Te awi dili me deli dwasianu togwa painogo yali, te tigidali me agai togwa pogobeo. Tama te lamde mubo hobi dwasianu bogoli idubo, te me agai tigidali te isiligobeo. Menio. Agai te tobage bomo kimi meni yai we bidi tau sabo sę iduaibao, tama bomonama elama, te doloba pai sęgo te dwai sę aiyaba elaluaibao.

Matyu 12:15

Tiali goli Jisasgo augwaligo te po wabo koneama, tama agai te bulu tagalama gasaba pai. Tama te we bidi hauwa aga wali pai, tama agai augwali tomode tigidali gasi we bidi usu ma ilai dao.