Dwagi Yai Gesi Po Makgo Asęani 12:32 - Godigo dwagi yai po buku

³² Tama te bomai po page ola mabo bidi agai te tiwai po Jisasbolo wai, “Tisa, po ola mabo bidi, nago po te wiegi yai. Mu dao, God agaduba deli naga te Genuai Bidi, tama gasa bidi me bidibeo.

Dwagi Yai Gesi Po Makgo Asęani 12:32 Referans Kwoze

Bomai Po 4:39

Tama tialima, dagego te tiali sę gegeda pelamuo. Genuai Bidi aga te dagalude me tǫde God dao. Tama te gasa God me menio. Mu menio.

Dwagi Yai Gesi Po Makgo Asęani 12:29

Jisasgo po wei ponoyu, agabolo te po wai, “Te polalubo bomai po te e dao: ‘Dage Israel hani we bidi, dagego odiąo! Genuai Bidi, dago God, aga deli digi naga te dago Genuai Bidi dao.

Aisaia 46:9

Tama dagego eno te polobadu mu yali sę homu kone palao, magi baso meni, enaduba deli naga ena te God, te gasa god me bidibeo. Ena naga ena God, te ena tiwai god me bidibeo.

Aisaia 45:18

Genuai Bidi naga te God. Agai te dagalu dali, tǫ dali si nigali bomo mu pedelali. Agai te tǫ olo elalumainu nigibeo. Menio. Agai te tǫ page bugagia dodolama, tama tigidali nai tede elalumainu nigali. Agai te tiwai po obao, “Enaduba deli naga ena Genuai Bidi, te gasa god munu me bidibeo.

Aisaia 45:14

Genuai Bidigo te po wai, “Te Isip tǫ kantrigo mone doado bage tigidali, me te tǫ kantri Sudango doado bage tigidali me, te dage Israelgo saibao. Te boi bidi dabego te tǫ kantri Seba bobobage bidi dabe te kalabus ilama, te augwali dageba tagala palaibao. Tama augwaligo nogo te sen dabego dunama, augwali dage wali asu, te augwali dagego olo sę ebo bidi dabe pedelaibao. Te augwaligo dageba kidu sugunama, tama wi eyu, te tiwai po waibao, ‘Mu tamao, God dage dali bidibao,’ waibao. ‘Aga deli naga te God mu, te gasa god me bidibeo,’ waibao.

Aisaia 44:8

Eno we bidi dabe, dage wi elama, dili tidibi igio. Polobadu digi eno dageba weyu, te sę pedelaibao po wali. Tama dage te eno ebo sę po te mu po da wabo bage dao. Te ena tiwai gasa god me bidiba homu eba, agawe? Eno te me deli munu me konebeo. Ena deli naga te dagego toma nabo bomai pesage tiwai elalubo dao.”

Bomai Po 6:4

“Dage Israel dabe, dagego bugagia odiąo. Genuai Bidi deli tama dago God deli tama dao.

Bomai Po 4:35

Genuai Bidigo te sę dabe ola mani da, teda dagego konemainu te yali dao, te aga deli digi naga God bidibao olama konemainu te yali dao. Tama te gasa God me bidibeo. Mu menio.

Bomai Po 5:7

“‘Dage gasa God meba lotu po me olamuo. Dagego ena deliba naga lotu po wao.’”

Dwagi Yai Gesi Po Makgo Asęani 12:33

Dago aga godolo mu ebo, te tigidali homugo me, te tigidali kolesagago me, te tigidali dago bomogo tama tiao. Tama dago gasa bidi godolo yainu te denade godolo ebo tiwai gilama yao. Dago te bomai po si wali pali da, teda te kolesagago te dago te Godibolo siaba tigidali te hasa ulubo ofa ilibo te tigidali aiyaba elaluama, tama te gasa ebo ofa tigidali me te aiyaba elalua silaibao,” te bidigo te po wai.