Dwagi Yai Gesi Po Makgo Asęani 12:29 - Godigo dwagi yai po buku

²⁹ Jisasgo po wei ponoyu, agabolo te po wai, “Te polalubo bomai po te e dao: ‘Dage Israel hani we bidi, dagego odiąo! Genuai Bidi, dago God, aga deli digi naga te dago Genuai Bidi dao.

Dwagi Yai Gesi Po Makgo Asęani 12:29 Referans Kwoze

Bomai Po 6:4

“Dage Israel dabe, dagego bugagia odiąo. Genuai Bidi deli tama dago God deli tama dao.

Dwagi Yai Gesi Po Lukgo Asęani 10:27

Te bidigo te po wali, “Te Godigo po wabo bukude te po wabo dao, ‘Nago Genuai Bidi God naga homu sese badi, naga noma sese badi, naga bomo sese badi, naga kolesaga sese badi elama, tigidaligo naga Godibolo homu kęąluao,’ wabo dao. ‘Me ma, naga digi naga homu godolo mu eyu kęąlubogia, te nago te bidi naga abagi hasi me godolo homu eyu me tama nage tiao,’ te po wabo dao,” wali.

Galesia 3:20

Te bomo yai po mabo sę te tiwai yali. Tiali goli te Godigo hasia polobadu dąų wali po tego te bomo yai po aiyaba elalubaso, God aga digi te dąų wali po te Abrahambolo pusali, te tomode bidibo bidibolo pusa mabeo.

Polgo Po Pas Rom Dabeba Asęani 3:30

God aga deli naga dao. Tama tialigo da, te tigiwali togolama Kraisde konealubo po dąų wabo Juda bidi, te Godigo aga doloba pai bidi nogi yaibao. Tama tigiwali togosiąma Kraisde konealubo po dąų wali bidi, te Godigo te bidi aga me te doloba pai nogi nogi yaibao.

Jutgo Asęani Pas 1:25

Tama God agaduba deli naga bidibo dao. Agai da tau siyu ma dobola somainogo, tama agai dago Genuai Bidi Jisas Krais e tǫba tagala palali. Tama tibaso, dago Godigo nogi ugwaba sinao. Awe, tama tiyu, God aga polalubo tuni bidi bidimainao, tama aga genuai bomo mu dali, agai moni ula dali si elalubaso, tama dago aga nogi ugwaba sinao. Te tigidali sogo polobadu aga tama bidai, te megi me aga tama bidibao, te tigidali sogo nosali God aga tama bidada peyu, bidada paibao. Te po mu po dao. Tama dao.

1 Korin 8:4

Te gasa we bidi augwaligo te tibo godiba ofa elama te mi dabe tubo kolesagade eno po megi obao. Dage mebago te tobage mi tuaio homu eyu tama dagego e po wabo dao, “Te tibo god te mu bidibo nai menio. Te olo piksa noma naga dao,” te po wabo. Awe, dago te po page koneani. Tama dage mebago e po me wabo dao, “Te god hauwa me elalubeo. Menio. Te God deli naga aga bidibao,” te wabo. Awe, te me dago koneani.

Jems 2:19

Tama nago konealubo po dąų wabo homu tama yai, “Te God deli digi bidibao,” wai. Te homu wiegi yai dao. Tama tiali goli te usu menio. Te dwai haubo noma bidi augwaligo me te homu tiwai ebo dao, tama te pode augwali homu didibili eyu midigi sabo dao.

2 Timoti 2:5

Magi baso meni. Te God deli naga bidibao. Tama te God de bidi si tomode naga dolalubo bidi deli naga te elalubao, te bidi te Krais Jisas dao. Agai God dali we bidi dali deliba sisinabo bidi dao.

Bomai Po 30:6

Tama Genuai Bidi dago God agai dage hauwa mu pedalomainu elama, tama nai dabe hauwa mu elalumainu yaibao, te duga polobadu bidali wąį dabe edelama elalueibao. Tama agai dage me duga wai puluba dabe dage homu kolesaga hasegelama, tama gesi noma bidi ma pedalomainu yaibao. Tama dagego agai po sese wali mu paibao. Tama tiyu, dagego duga homugo sese aga godolo mu yaibao. Tama dage te tǫde tigidali sogo mu bidaibao.

2 Timoti 1:5

Tama eno augwaligo te tobage po ola mabo tagalao wali po page e dao: augwaligo eno po wali pobaso da, teda augwaligo homu te meda meniama, tama te dwai sę me dwagi yai sę me dagalabo homu bugagia elaluama, tama augwaligo homu mu eyu, tama Kraisde konealubo po dąų mu waibao. Tama tiyu, tama te tigidali kolesagago augwaligo te gasa we bidi dali dwagi yai homu eyu godolo mu yabo homu kolesaga hodolaibao.

Matyu 23:9

Tama e tǫde te bidi me delibolo te dagego aya da po me wagio. Te bidi me deli naga te dagego Aya dao, te aga dagalude bidibo dao.

Matyu 10:37

Tama niwai bidi agai aga aya me ida naga mu godolo eyu tama ena kuna godolo me isąwani da, te bidi aga eno abagi bidigobeo, te usu menio. Tama bidi mego aga ogwa ma wegi naga godolo eyu, tama ena kuna godolo me isąbo bidi, te aga eno abagi bidigobe dao.

Bomai Po 10:12

Te Mosesgo po geninama weyu, te po wali, “Megi da, dage Israel dage bugagia odiąo, te God dago Genuai Bidigo te dagego yao wabo po odao. Dage tigidali sogo God dologode naga bidiąo, tama agai po tigidali wali piąo. Dagego aga godolo mu yao, tama dagego wiegi yai homu pemene dagego homude, me duga homu kolesagade eyu, tama agai sę iyąo. Te tebo yalawainu igimio, te dagego homugo sese tama te tobage kolesaga iyąo.

Bugagia Bidibo Kolesagade Po Asęai Buku 23:26

Ogwao, nago eno po bugagia odolama, tama eno kolesaga suyu, wiegi yai pemene yao.

Godigo Nogi Ugwaba Sabo Tęąbi Po Wabo Buku Dabe 86:10

Magi baso meni, nago naga te genuai bomo elaluyu, tama nago te we bidigo isiąbo genuai sę dabe ebo dao. Tama nago naga te haniani wiegi wiegi yai sę ebo dao. Nagaduba deli naga, nage God mu dao.