Dwagi Yai Gesi Po Makgo Asęani 12:17 - Godigo dwagi yai po buku

¹⁷ Tama Jisasgo augwalibolo te po wei ponani, “Te Sisar gavmanigo nai, te dagego Sisarbolo maiąo. Tama Godigo nai, te dagego Godibolo maiąo,” wali. Tama augwali te pode noma mu sali.

Dwagi Yai Gesi Po Makgo Asęani 12:17 Referans Kwoze

Polgo Po Pas Rom Dabeba Asęani 13:7

Dagego te bidi dabe augwalibolo te haniani negeli elalubaso da, teda dagego te augwalibolo mao. Te haniani takis, te maket takis dali, kaunsil takis dali, te tobage negeli te tedali tedali takis mone sabo bidi dabebolo mao. Dagego te gavman dabede deli dologode bidabo negeli elalubao. Tama tibaso, dage augwali dologode bidao. Dagego te gavman bidi dabe nogi ugwaba sabo negeli elalubao. Tama tibaso, dagego augwaligo nogi ugwaba sao.

1 Pita 2:17

Tama dage tigidali bidi dali augwali nogi ugwaba sabo homu eyu, augwali dologode bidao. Godigo we bidi hani dali dwagi yai homu eyu, godolo mu yao. God aga wi eyu, tama aga dologode bidao. Te gavman tuni bidi aga nogi ugwaba muyu, aga dologode bidao.

Polgo Po Pas Rom Dabeba Asęani 6:13

Tama dagego duga nogo sągą te dwai sę ebo madi menama, te dwai kolesaga emainogo elamuo. Te menio. Godigo dage te gų pagede ma hodolali tiwai yaligo da, teda dagego duga tigi tigidali badi, te dagego homu kolesaga me te Godibolo mayu, te doloba pai kolesaga naga eyu bidiąo.

Bugagia Bidibo Kolesagade Po Asęai Buku 24:21

Eno waio, nage te Genuai Bidide wi eyu, aga dologode me bidiyu, te kingde wi eyu, aga dologode me bidao. Nage te Genuai Bidide me kingde te hagoma ebo we bidi augwalide digibulu bidao.

Polgo Po Pas Rom Dabeba Asęani 12:1

Eno ama dede, eno homugo te Godigo da dali homu dene eyu tama haniani olo tau mani wiegi yai kolesaga genuai mu yali, eno te homu ebaso, eno e po megi dagebolo hanilibao. Bidigo hasa ela munama tama Godibolo olo mabo sę, te ebo sę nogi poai te ofa dao. Tama te tiwai gilama dagego duga tigi te Godibolo olo mabo ofa tiwai yao. Te tigi bidibo ula elalubadi tama dagego Godibolo menama, tama te God aga deliba naga mao, te dwai sę me isąwai nai ofa dao, tama dagego te Godigo godolo ebo kolesaga yaibao. Dagego tama tiyu, tama dage te tiwai God dologode bidiyu, tama duga lotu po mu te Godibolo waiyąo.

Matyu 22:46

Tama niwai bidi me deligo Jisasgo te po wei ponabo te usu menio. Tama te side augwali agade wi ebo gagalali, tama nosali augwaligo agabolo te magi nai po me hanalubo menio.

Matyu 22:22

Augwaligo te po wabo odolama, tama augwali noma mu sai. Tama augwali aga tagalama, pai dao.

Malakai 1:6

Te Tigidali Bomo Elalubo Genuai Bidigo te tiwai po te pris dabeba wali, “Ogwago te aga ayago po wali peyu, te aya dologode bidaibao, me te sę ebo bidigo me te aga tonalubo bidigo po wali paibao. Odiąo. Ena duga aya dao. Magi baso dage ena dologoba aselama bidisąbo meniwe? Ena duga tonalubo bos bidi dao. Magi baso dagego eno po wali pisąma ebawe? Dagego ena tudiba muyu, te eno nogi te olo nai dao homu eyu ebo dao. Tiali goli dagego enaba hanalu, ‘Dago magi ilama nage tudiba mubawe?’ te po wali.

Dwagi Yai Gesi Po Makgo Asęani 12:30

Tama nago te Genuai Bidi godolo mu yao, te nago God dao, te nago homu tigidaligo me, te nago noma bidi tigidaligo me, te nago homu kolesaga tigidaligo me, te nago bomo tigidaligo me te aga godolo mu yao.’

Matyu 22:33

Tede sisinagasali we bidi hauwa augwaligo te po wabo odolama, tama augwali agai te wali pode noma mu salio.

Bugagia Bidibo Kolesagade Po Asęai Buku 23:26

Ogwao, nago eno po bugagia odolama, tama eno kolesaga suyu, wiegi yai pemene yao.

Matyu 8:10

Jisasgo te po odama, tama aga homu noma siyu, tama agai aga wali asobo we bidi dabebolo te po wali, “Eno mu po dagebolo obao, eno te Israel we bidi hanide te tobage konealubo po dąų wai bidi tiwai me deli eno subeo. Menio.

Matyu 22:21

Tama augwaligo te po wali, “Te Sisargo dao.” Tama agai augwalibolo te po wai, “Tama tibaso, te Sisargo nai, te dagego te Sisar agabolo wei ponoyu mao. Tama Godigo nai da, te dagego Godibolo mao,” wali.

Dwagi Yai Gesi Po Makgo Asęani 12:16

Tama augwaligo te mone ge me deli sela asali. Tama agai augwalibolo hanalu wali, “Te e mone gede elalubo noma me te asęani nogi te dego dawe?” Tama augwaligo te po wai, “Te gavman tuni bidi Sisargo dao.”

Dwagi Yai Gesi Po Lukgo Asęani 20:25

Tama Jisasgo augwalibolo te po wali, “Ao. Tama tibaso, te takis mabo sęde, te bidi Sisarbolo agai nai dabe mao, tama te lotude me te Godibolo maiabo nai yai baso da, te God agai nai dabe da agabolo dolo mao,” wali.