Dwagi Yai Gesi Po Makgo Asęani 12:14 - Godigo dwagi yai po buku

¹⁴ Augwali aselama, tama augwaligo agabolo te po wai, “Tisa, po ola mabo bidi, dago koneani, nage mu po wabo bidi dao. Tama nago homugo te bidi delide homu naga me egobeo. Nago te nogi yai bidi dali gasa po me tedali weyu, te nogi meni yani bidi dali gasa po me tedali weyu me egobeo. Menio. Nago te mu pode naga te Godigo kolesaga te we bidi augwali ola mayu ebao. Nago mena homu ebawe? Te dago takis te Rom gavman tuni bidi mu Sisar agabolo mobaso, tebogo dago te Godigo bomai po bolobowe, ma meniwe? Dago mawaibawe, ma dago magobewe?” Augwaligo te po wai.

Dwagi Yai Gesi Po Makgo Asęani 12:14 Referans Kwoze

1 Tesalonaika 2:4

Te menio. God agai da osola sulama, tama da usu ebaso, tama agai dabolo agai dwagi yai po pusumainogo dabolo te sę mawai. Tama tibaso, dago te po hania hanilama te po pusubo dao. Dago te sę ebo tǫde we bidi augwali da dali homu dwagi yai emainogo te sę ebo menio. God agai deligo naga dago te sę ebo godolo emainogo te sę ebo dao. Tama God aga digi dago homu kolesaga tomode osola subo dao.

Galesia 2:6

Te Jems dali, Pita dali, Jon dali, te tobage bidi dabe augwali Jerusalem hanude bidiyu, te we bidigo gedude augwali te Godigo bidi hani tobolu bidi dabe tiwai bidai. Tiali goli, eno homu augwali da genuai bidi dawe, ma olo bidi dawe, te magigo menio. God agai we bidi osola subo si, agai augwaligo tigide osola subo meni. Tama te tobolu bidi nogi elalubo bidi sela augwaligo gasa po te eno te Juda hani isiąwai we bidibolo wabo pode wadolobeo.

Galesia 1:10

Te eno te tobage bomai po weyu, te we bidi augwaligo ena dali dwagi yai homu emainogo wabeo. Te menio. Eno homugo God agai ena dali dwagi yai homu yaibao. Eno te tobage po weyu, we bidi augwaligo eno nogi ugwaba sao, eno te homu ebowe? Woo, te menio. Eno te we bidi te enade homu bega sabo po wagi sogo da, teda ena Kraisgo sę ebo bidi bidigi menio.

2 Korin 5:16

Tama tibaso, megi dena digi te poloba te tǫde bidi dabego ebo homu kolesaga wali me pisąma tama bidi me deligo kolesaga me dagalogobeo. Mu tama, polobadu dago te tǫde poloba homu kolesaga wali peyu tama Krais dagaloyu tiwai. Tiali goli megi dago aga te dagalabo kolesagade me dagalobeo.

2 Korin 5:11

Te da tigidali te moni po tųde pedalaibao homu ebaso, da Genuai Bidide wi eyu, tama te bidi dabe augwaligo te da Godigo po sela pabo bidi dabe mu dao te hania konemainogo eyu, dago augwalibolo homu bega sabo po weyu bidibao. Godigo da gisiga koneani. Tama eno homu te dage me, dage deli deli duga te dwai sę dali dwagi yai sę dali dagalabo homugo ena hania koneai, te ena homu mu eyu te Godigo sę ebo bidi bidibao.

2 Korin 2:17

Tiali goli, da te bidi hauwa augwali tiwai me ebeo, augwali tedali tedela pelama, te Godigo pode masigi sabo bisnis sę tiwai me ebo, te tiwai dago egobeo. Menio. Dago te sę Godide sali, tama dago te Godigo sęde tibo po subigila me wagobeo. Menio. Dago sę dolasa mu tigidali ela pobao. Da te Krais dali wadolama, tama homu mu naga eyu, tama God gedude dago agai po te we bidi dabebolo pusubo dao.

2 Korin 2:2

Magi baso meni. Te eno dagebolo homu sęgę mayu da, teda dego te eno homu wiegi yai pemene iligowe? Te eno dage homu sęgę ilai digi da, teda ena wiegi yai homu pemene ilabo bidi menigi da.

Dwagi Yai Gesi Po Jongo Asęani 7:18

Bidi mego agai homugo digi po wabo bidi da, te bidi aga genuai nogi aga digi sainogo tibo dao. Tialima, bidi homugo tego ena tagala palama, ena asai da olama, agai Godigo nogi ugwaba siyu da, te usu yaibao, te tebo bidi da doloba pai bidi da, agade tibo dwai sę me isiąwai bidi dao.

Polgo Po Pas Rom Dabeba Asęani 13:6

Tama tede naga dagego te takis me abelebo dao. Magi baso meni, te gavman bidi dabe augwali te Godigo sę bidi bidibaso, tama sesemane sogo augwaligo bomo elama te sę naga tonalubo dao.

Dwagi Yai Gesi Po Lukgo Asęani 23:2

Augwaligo gagalama, Jisas tų ela mayu, te bidi Pailat gesabide. Augwaligo te po wai, “E bidigo da hanigo ebo kolesaga dolali. Jisasgo da dabe weyu, dago gavman tuni bidi Sisarbolo takis masigi magio homu ebo dao. Tama Jisasgo dabolo habu selebo po weyu, te po wai, ‘Ena da, Godigo sa muyu asaibao wali bidi Krais dao. Te ena tuni bidi dao,’ Jisasgo te po wai dao,” augwaligo te po wai.

Dwagi Yai Gesi Po Lukgo Asęani 20:22

Te moni Rom gavman tobolu bidi Sisar, dago te bidibolo te takis moni mabo sę, te sę dwagi yai sę dawe, ma dwai sę dawe?” te po augwaligo hanalu wali.

Dwagi Yai Gesi Po Makgo Asęani 14:45

Tialima, Judas aga sabolama, tama Jisasba polo pelama, tama te po wai, “Tisa, po ola mabo bidi,” te po wai. Tama agai Jisasba kisa sagaselama, nono nai.

Matyu 22:17

Tama tibaso, nago po dabolo wao. Nago magi homu ebawe? Dago te Rom gavman tuni bidi Sisar agabolo takis mone mobaso da, teda tama tiyu dago te Mosesgo mani bomo yai po dago bolaibawe, ma meniwe?” augwaligo te po Jisasbolo hanalu wai.

Maika 3:8

Tiali goli, ena Maika da, te Genuai Bidigo Mobo Bidigo enabolo te bomo mobaso, tama eno homu kolesagade te doloba pai kolesaga yali. Te agai eno haliga dąų waliyu, te Israel dabe augwaliba te augwa sęgę tigidali pusa mabo po hanilibo dao.

Jeremaia 42:20

Dagego enabolo te Genuai Bidiba gedu haluasa po omainogo hanalu wagasali, dena God, te enabolo dagego e tiwai po wali, ‘Jeremaia, Genuai Bidiba gedu haluasa po wao, dago God, te agai po dabolo momainogo hanalu wao. Te agai mena po nagebolo mobaso da, teda nago dabolo olama, te dago wali paibao,’ dagego tama wali. Tiali goli, megi dagego gasa kolesaga yainu ebao, te kolesaga mu geda mubao, te tama tebogo dage dolaibao.

Godigo Nogi Ugwaba Sabo Tęąbi Po Wabo Buku Dabe 120:2

Eno gedu haluasa po te tiwai wali, “Genuai Bidi, ena tau sao. Tiyu, te tibo po wabo bidi dabego ena dolidalio,” wali.

Godigo Nogi Ugwaba Sabo Tęąbi Po Wabo Buku Dabe 55:21

Te pedauwalide agai pusai po wali, tiali goli te haligade agai te boi bidi enade elaluali. Te agai pogo dago tabi nagame ilama bidibao. Tiali goli, te po te bobobage bainat hwą tiwai mu poa pelama, tama da togobao.

Nehemia 9:37

Dago te dwai sęgę sabo sę yalio, tama tibaso nago te gasa bulu tǫ pedai kingo da tonalumainu yai. Tama augwaligo te dago tǫde pedalubo nai tigidali siyu ebo dao. Te kingo te po obaso da, teda dago dali te dago tonalubo nai kibu dabego me te agai homu wali naga pabo dao. Tama tiyu, dago sęgę genuai mu elalubo dao,” augwaligo te po wali.

Tuni Bidi Dabego Po Elalubo Buku Si 19:7

Genuai Bidi dago God agai te po tų ebo pauli ebo, me abagi tau sabo, me te bidi dabego dage mone menama dage nagame yainogo ebo sula tagalabo, te tama kolesaga dabe agai godolo munu ma ebeo. Tama tialima, dage po tų ebo odobo bidi dabe, dagego God dologode mu elaluyu, tama dagego po tų ebode bugagia peda selama elaluao,” Jehosafatgo te po wali.

Tuni Bidi Dabego Po Elalubo Buku Si 18:13

Tiali goli Mikaiago te ofisabolo e tama po wali, “Te Genuai Bidi tigidali sogo bidibo bidigo nogide, eno nagebolo mu po e obao, mena po eno Godigo enabolo mani, te po naga eno pusaibao,” wali.

Bomai Po 16:19

Te bidi dabe augwaligo te po tų odobo kolesaga te doloba pai kolesagadu naga yao. Augwaligo te po tų ebo dolama, tama bidi meba naga tau selama, tama te bidi meba aiyaba me elaluamuo. Tama augwaligo te bidi mebago augwali nai momainogo me elamuo. Magi baso meni. Te bidi gugu po olama mabo te nai dabego te doloba pai bidi dabego kolesaga dolama, tama te wiegi yai homu kolesaga yai bidi dabe te po tų ebo sogo augwaligo te po tų eyu, po bugagia dodologobeo.

2 Korin 4:1

Godigo da homu dene eyu tau selama, tama te agai gesi dąų wali po pusubo sę dabolo mawai. Tama tialigo da, teda te sęde da bomo kimi isąyu me egobeo, te sę tagalabo homu me egobeo.

Matyu 22:16

Tama augwaligo augwa wali pabo bidi dabe augwali dali, te genuai gavman bidi Herotgo bidi dabe me tagala palama, tama augwaligo Jisas pageba pedalama, te po wai, “Po ola mabo bidi, dago koneani, nage te doloba pai bidi mu dao. Tama nago mu pode naga te we bidi augwalibolo te Godigo te yao wali wiegi yai kolesaga po ola mabo dao. Bidi me deli aga genuai nogi elaluyu da, te nage aga wi menio, nago deli po tiwai naga te tigidali bidibolo wabo dao.

Dwagi Yai Gesi Po Makgo Asęani 12:13

Tama nosali te Juda dabego tobolu bidi dabe augwaligo te Farisi meba dali, te Herot wali pali bidi meba me augwali tagala palama, te augwali Jisas bidiboba pali. Augwaligo te Jisas usu sabo po meba wainogo yai.

Dwagi Yai Gesi Po Makgo Asęani 12:15

Tiali goli Jisasgo augwaligo te tibo po wabo te agai koneama, tama agai augwalibolo te po wai, “Magi baso dagego ena usu sobawe? Te mone ge me deli sela aselama, eno sueibao,” te po wai.