Dwagi Yai Gesi Po Makgo Asęani 11:7 - Godigo dwagi yai po buku

⁷ Tialima, augwali sigo te ogwa bidi donki Jisasba sela asali. Tama augwali sigo te augwa bulubo ugwa te donki tudi daiba pasugulama, tama te daide Jisas duayali.

Dwagi Yai Gesi Po Makgo Asęani 11:7 Referans Kwoze

Sekaraia 9:9

Dage Saion taun Jerusalem we bidi dabeo, dage homu pemene umagia mu eyu, hae wao. Suiąo. Dagego king te asobao. Te agai bidi dabe aiyaba elaluali genuai nogi elalubao. Tiali goli, agai nogi aga digi ugala me sabeo. Menio. Aga te nogi meni yai bidi asobo tiwai eyu, aga te donki kibu me deli daide ugadu dugulasa asaibao. Aga te ogwa bidi donki kibude dugulasa asaibao wali.

Te Israel me Juda Hani Sigo Tuni Bidigo Po Elalubo Buku Si 9:13

Te ofisa bagego te po odobo si, polo tama augwaligo te bobobage bulubo ugwa dia sasa pelama, tama augwaligo te be togobiliba hagalu pai, tama te Jehu te be togobili ugwa badu mu dolalugi ulali. Tama augwaligo te bu wabo nai biugel selama, te bu weyu, te i weyu, te po wai, “Te Jehu te king nigalio,” po wai.

Dwagi Yai Gesi Po Makgo Asęani 11:6

Tama augwali sigo te Jisasgo wali po tiwai gilama augwalibolo wali. Tama augwali sibolo te donki sela pao olama, augwaligo usu da po wai.

Dwagi Yai Gesi Po Makgo Asęani 11:8

Tama bidi hauwa augwaligo te augwa holobo ugwa dabe te sunumide wawa sili pai. Tama meba augwali te giba pelama, tama te yabe hauwa elalubo ni nologo togolama, tama te sunumiba muna muna pali, aga soabo sunumi au iliyu tama yali.