Dwagi Yai Gesi Po Makgo Asęani 11:4 - Godigo dwagi yai po buku

⁴ Te po obaso, augwali pai, tama augwali sigo te gesi ogwa bidi donki me deli suali, augwaligo te be me deli te sunumi pąde bulu badu gebelama elaluai. Tama augwali pelama, te haliga gebelai elalubo bono pedali.

Dwagi Yai Gesi Po Makgo Asęani 11:4 Referans Kwoze

Hibru 11:8

Te bidi Abrahamgo konealubo po Godide dąų olama tama agade tiąluyu bidali. Tama tibaso, Godigo aga i obaso, tama Abrahamgo Godigo po wali pai. Tama tiyu, aga bidali bulu tagalama, tama Godigo aga tǫ mu dolo te agabolo mawaibao wali tǫ teba pabo gagalali. Abraham aga menaba pogowe te agai me konebeo. Tiali goli aga Godigo agabolo wali pode aga homugo tiąluama, tama aga page bulu taga pai dao.

Dwagi Yai Gesi Po Jongo Asęani 2:5

Jisas aga idago augwali te we sabo be page bidigo sę ebo bagebolo te po wai, “Jisasgo po me deli dage dali obaso da, teda dagego te po wali pao,” te po wai.

Matyu 26:19

Tialima, aga wali pabo bidi dabego te Jisasgo augwalibolo wali po selama, te tiwai yali, tama augwaligo te Pasova tubo nai sisi ilali.

Matyu 21:2

“Dage sigo te pąde elalubo dwasianu bulu tomoba pelama, suao. Tama polo dage sigo te kibu donki me deli augwaligo te bonogo gebelai dolalubo sueibao, tama te donki aga wai dali dao. Tama dage sigo te gebelali bono pisiginama, te kibu donki si ena pageba selasa asao.

Dwagi Yai Gesi Po Makgo Asęani 11:3

Tama bidi me deligo dage sibolo te po weyu, ‘Magi baso dage sigo te sę ebawe?’ obaso da, teda dage sigo te po waiyąo, ‘Te Genuai Bidigo agade te sę elalubo, tama agai te aga polo ma tagala palaibao’ po waiyąo,” Jisasgo augwali sibolo te po wai.

Dwagi Yai Gesi Po Makgo Asęani 11:5

Tama te pąde dolaluali bidi meba augwaligo te po augwali sibolo wai, “Dage sigo magi baso te ogwa bidi donki kibu haliga pedebawe?”