Dwagi Yai Gesi Po Makgo Asęani 11:32 - Godigo dwagi yai po buku

³² Tama dago te po obadi, ‘Te bidigo nai naga da’ po obaso da, teda te po usu meni yaibao,” wali. Magi baso meni, augwali te we bidide wi yai. Tigidali we bidigo homugo te Jon da, te Godigo po pusubo profet bidi da, te homu yai.

Dwagi Yai Gesi Po Makgo Asęani 11:32 Referans Kwoze

Dwagi Yai Gesi Po Makgo Asęani 12:12

Te Juda dabego tobolu bidi dabe augwaligo Jisas pageabi elama tuainu yali, tiali goli augwali te we bidide wi yai. Augwaligo koneani, Jisasgo te po digi po begelama, te augwali tobolu bagede wai. Tama augwaligo aga taga peyu, tama augwali palio.

Matyu 21:46

Tama augwaligo aga dąų wabo tų kegali, tiali goli augwali te we bidi augwalide wi yali. Te we bidi augwaligo homugo Jisas aga te Godigo po pusubo bidi dao te homu yalio.

Matyu 14:5

Tama Jongo te po obaso, Herotgo Jon ela muabo homu yali goli, aga te Juda we bidi augwalide wi yai. Augwaligo homugo te Jon aga da, te Godigo po pusubo bidi profet da te homu yai dao.

Godigo Sęba Tagala Palai Bidigo Po 5:26

Tama te po obaso, te genuai enesigi bidi dali, agai enesigi bidi dabe dali, augwali pelama, Jisasgo tagala palai bidi dabe odasa asali. Augwali sesali sogo elebeo. Wi elama, augwaligo homugo “Dago te bidi dabe elebaso, te we bidigo masigi sąnama, da elaibao,” te homu yai.

Dwagi Yai Gesi Po Jongo Asęani 10:41

Tama te we bidi hauwa Jisas bidibo digi asai. Augwaligo te po wai, “Mu tamao, Jongo e bidigo ebo bomo yai sę me deli yai menio. Tiali digi tigidali po Jongo Jisasde wali po mu tama wai,” augwaligo te po wai.

Dwagi Yai Gesi Po Lukgo Asęani 22:2

Tama te pris tuni bidi dabe me, te Juda dabego bomo yai po koneai bidi dabe me, augwaligo te Jisas elabo sunumi gegali. Tama augwali te we bidigo suidali weyu, wi yali. Tama tibaso, te we bidi suidali weyu, augwali te po geme miani.

Dwagi Yai Gesi Po Lukgo Asęani 20:19

Te Godigo polobadu wali po page koneani bidi dabe me, te pris tobolu bidi dabe me, augwaligo suali, Jisas agai po digi po augwalibolo bomo yai naga walio, augwali aiyaba elalumainu. Tama tibaso, augwaligo te homu yai, “Megi tama dago e bidi Jisas nogo si dųwaibao.” Tiali goli, tuni bidi augwaligo te we bidide wi baso, augwaligo aga nogo si dųbe.

Dwagi Yai Gesi Po Makgo Asęani 6:20

Magi baso meni, Herot aga te Jonde wi yai. Agai koneani, Jon aga te wiegi yai tama doloba pai bidi bidali. Tama agai te aga bugagia tonaluali. Agai te Jongo pusubo po odama, tama aga homu hauwa elama, tama aga homu sęgę iduali. Tiali goli agai te agai po odobo te godolo mu yai.

Matyu 11:9

Tiali goli, dage magi baso pai dawe? Ma, te Godigo po pusubo profet bidi me deli sugi pai dawe? Awe, eno dagebolo obao, e Godigo po pusubo profet bidigo da, agai te gasa te Godigo po pusali profet bidi dabe te tigidali aiyaba elalualio.

Dwagi Yai Gesi Po Makgo Asęani 11:31

Tama te tobolu bidi dabe augwa digi augwa hasi po miani, “Dago te mena pogo agai po wei ponaibawe? Dago te po weyu, ‘Te dagalude nai da’ po obaso da, teda agai te po waibao, ‘Magi baso dagego homu aga poba begi pabewe?’ te po waibao.

Dwagi Yai Gesi Po Makgo Asęani 11:33

Tama tibaso, te tobolu bage augwaligo Jisasba po wei ponoyu, te po wai, “Dago konebeo.” Tama Jisasgo augwalibolo te po wai, “Eno me te eno magi bomo elalu, te eno te sę dabe ebo po te dagebolo eno me wagobeo,” wali.