Dwagi Yai Gesi Po Makgo Asęani 11:18 - Godigo dwagi yai po buku

¹⁸ Te genuai pris dabe dali, te Juda dabego bomai po page koneai bidi dabe dali, augwaligo te sę ebo po odama, tama augwaligo aga ela muabo sunumi gegebo sę gagalali. Augwali agade wi yali. Magi baso meni, te tigidali we bidi augwali te agai ola mani pode te midigi eyu noma mu sai.

Dwagi Yai Gesi Po Makgo Asęani 11:18 Referans Kwoze

Matyu 7:28

Jisasgo wali po silagasu te po wali, tama tibaso te genuai we bidi hani augwaligo te po odama, augwali te pode noma mu siyu bidai dao.

Dwagi Yai Gesi Po Makgo Asęani 12:12

Te Juda dabego tobolu bidi dabe augwaligo Jisas pageabi elama tuainu yali, tiali goli augwali te we bidide wi yai. Augwaligo koneani, Jisasgo te po digi po begelama, te augwali tobolu bagede wai. Tama augwaligo aga taga peyu, tama augwali palio.

Godigo Sęba Tagala Palai Bidigo Po 24:25

Tiali goli, Pol agai te po ola mayu, te po wai, “Tigidali we bidi dwagi yai doloba pai kolesaga mu elama, bugagia tonaluao, dagego dwai kolesaga egio.” Tama agai te po wali, “Godigo we bidi tigidali po tų yaibao,” wali. Tama te sogo Feliks agai te po odama, agai wi mu elama, agai Polbolo te po wali, “Nage megi te kalabus beba ma pao. Tama nosali me sogo eno sę meni baso, nage eno i obaso da, te nage ena pageba asagameo.”

Dwagi Yai Gesi Po Jongo Asęani 7:46

Te enesigi bidi dabego po wei ponoyu, te po wai, “Polobadu bidi mego Jisasgo wabo po tiwai munu me wai menio,” te po wai.

Dwagi Yai Gesi Po Lukgo Asęani 20:19

Te Godigo polobadu wali po page koneani bidi dabe me, te pris tobolu bidi dabe me, augwaligo suali, Jisas agai po digi po augwalibolo bomo yai naga walio, augwali aiyaba elalumainu. Tama tibaso, augwaligo te homu yai, “Megi tama dago e bidi Jisas nogo si dųwaibao.” Tiali goli, tuni bidi augwaligo te we bidide wi baso, augwaligo aga nogo si dųbe.

Dwagi Yai Gesi Po Lukgo Asęani 19:47

Te Jisas agai te sę yali. Te deli deli sogo agai te we bidi dabebolo ola mani po wali, te Moni Lotu Be tempel tomode. Tama te pris tuni bidi dabe me, te Godigo polobadu wali po koneani bage me, augwaligo Jisas elabo tų gegali. Te Juda dabe tuni bidi dabe me, augwaligo Jisas elabo tų gegebo gagalali.

Dwagi Yai Gesi Po Lukgo Asęani 4:22

Te we bidi tigidali augwaligo Jisas nogi ugwaba sali, tama Jisasgo dwagi yai po pusalide augwali tigidali noma sali. Tiali goli, augwaligo te po wali, “Mena tamawe, e bidi da, Josepgo ogwa meni yali wenagao,” te po wai dao.

Dwagi Yai Gesi Po Makgo Asęani 11:32

Tama dago te po obadi, ‘Te bidigo nai naga da’ po obaso da, teda te po usu meni yaibao,” wali. Magi baso meni, augwali te we bidide wi yai. Tigidali we bidigo homugo te Jon da, te Godigo po pusubo profet bidi da, te homu yai.

Dwagi Yai Gesi Po Makgo Asęani 6:20

Magi baso meni, Herot aga te Jonde wi yai. Agai koneani, Jon aga te wiegi yai tama doloba pai bidi bidali. Tama agai te aga bugagia tonaluali. Agai te Jongo pusubo po odama, tama aga homu hauwa elama, tama aga homu sęgę iduali. Tiali goli agai te agai po odobo te godolo mu yai.

Dwagi Yai Gesi Po Makgo Asęani 3:6

Tama te Farisi dabego te tebo sulama, tama polo te augwali hogodosa pelama, tama augwali te Herodion hani dali deliba sisinigi pali. Augwali tigidaligo po miyu, tama Jisas elabo po miani.

Dwagi Yai Gesi Po Makgo Asęani 1:22

Tama augwaligo agai po odama, tama augwali moni noma siyu, tama midigi sai. Magi baso meni. Agai augwali te Juda dabego bomai po koneani bidi dabego kolesaga ola mabo tiwai gilama me ebeo. Menio. Agai augwali te nogi dali bomo dali si elalubo bidigo kolesaga ola mabo tiwai mu yai.

Matyu 21:15

Tiali goli te genuai pris bidi dabe me, te bomo yai po page koneai bidi dabe me augwaligo agai te bomai sę ebo sulama, tama odali te wai puluba augwaligo te Moni Lotu Be tempel be tomode bomonama i weyu te po wai, “Te Devitgo hani bidi dali wiegi yai homu pemene yao,” te wai puluba augwaligo te po wai.

Aisaia 49:7

Genuai Bidi, aga te Israelgo Wiegi Yai Doloba Pai Kolesaga Tigidali Mu Ebo God dao, aga te Israel tudibadu posolalu, tau sabo bidi elalubao, agai te po aga sę bidiba wali. Aga da te gasa we bidigo godolo homu isiąbo bidi, te gasa bulu tǫ kantri we bidigo te aga dwai nai mu tiwai tonani, te aga te genuai bidi dabego olo sę ebo bidi tiwai bidali. Genuai Bidigo te tiwai po wali, “Te king dabego nage sulama, te augwali dolagaselama, te genuai bidi dabe augwa gesabidi te tǫba basigulama, te nageba genuai nogi mayu tiaibao. Augwaligo tama tebo, magi baso meni, ena Genuai Bidi, te Israelgo God, ena te Wiegi Yai Doloba Pai Kolesaga Mu Ebo God da, nage sa muani, te eno sę emainu yali, te eno dąų wali po te eno me bologobeo,” wali.

Te Israel me Juda Hani Sigo Tuni Bidigo Po Elalubo Buku Deli 22:18

King Ahapgo te po odama, agai te king Jehosafatbolo te tiwai po wali, “Tes, te megi da, eno nagebolo walio. Te profetgo enabolo wiegi yai po me wagobeo. Sesemane sogo agai enaba te dwai nai naga pedelabo po naga wabo dao,” wali.

Te Israel me Juda Hani Sigo Tuni Bidigo Po Elalubo Buku Deli 22:8

Tama Ahapgo agaba te tama po wai, “Te profet me deli bidibao, aga nogi Mikaia, te Imlago ogwa da. Tiali goli, eno te bidi godolo homu me isąwai, magi baso meni, agai te wiegi yai profet po enabolo me pususąbaso. Sesemane sogo agai te dwai sę naga enaba pedelabo po wabo dao,” wali. Tialima, Jehosafatgo te po agaba wali, “Nago te tobage po me olamuo.”

Te Israel me Juda Hani Sigo Tuni Bidigo Po Elalubo Buku Deli 21:20

Elaijago Genuai Bidigo po odama, aga te Ahap bidibo madiba pali. Tama Ahapgo te Elaija subo sogo, aga te tama po wali, “Eno boi bidi, nage enaba ma pedaluba, agawe?” Tama Elaijago te tama po wei ponani, “Awe, eno nage suagasali, magi baso meni, nago godolo ebo homu, me te homu kolesaga tigidali bomo elama, te Genuai Bidigo gedude dwai kolesaga nago ebo dao.

Dwagi Yai Gesi Po Lukgo Asęani 2:47

Agai po odali we bidi dabe tigidali noma sali, “Agai homu poa pelamubao, agai pusali po dwagi yai po dao,” wali.

Dwagi Yai Gesi Po Jongo Asęani 7:1

Te silama, tama Jisas aga Galili genuai tǫba pelama, tede bidiyu, te me me buluba bilalio. Juda bage augwaligo Jisas elainogo yai, tama tibaso Jisas aga te Judia genuai tǫ te badu me bilibo te hagela yai.

Dwagi Yai Gesi Po Jongo Asęani 7:19

Polobadu Mosesgo dage te Godigo bomo yai po mawai dao. Tialima, dage tomode bidi mego te bomo yai po wali pabo menio. Magi baso dagego ena elainogo ebawe?” Jisasgo te po hanalu wai.