Dwagi Yai Gesi Po Makgo Asęani 11:14 - Godigo dwagi yai po buku

¹⁴ Tama Jisasgo te niba te po wai, “Nago te du munu me walamuo. Mu menio,” te po wai. Tama aga wali pabo bidi dabe augwaligo te po wabo odai.

Dwagi Yai Gesi Po Makgo Asęani 11:14 Referans Kwoze

Matyu 21:19

Tama aga pelama, te tų sesegede elaluali ni kaya sulama, tama te ni pąba pali, aga du sela tuainogo yai. Tiali goli tede nai me deli walai elalubo subeo. Menio. Yabe naga elaluai. Tama agai te ni kayabolo te tiwai po wali, “Nago nai ma walogobeo. Mu menio.” Tama polo mu te ni kaya aga sasia pai dao.

Dwagi Yai Gesi Po Jongo Asęani 15:6

Bidi me deli ena dali wadoloyu bidisiąyu da, te aga da te sasia pai ni nologo tiwai dao. Te augwaligo te tobage ni nologo sela sąbo dao. Tama sela sąnama, augwaligo te sasia pai nologo sisinama, tama augwaligo siaba sąnama, dabo dao.

Matyu 7:19

Tama te wiegi yai du walosiąwai ni te augwaligo gelama, tama siaba ulubo dao.

Matyu 3:10

Tama megi te sigi hwą ni pagede muai elalubao, te ni gelemainogo. Tama te nigo wiegi yai nai du walisiąbaso da, te tobage ni tigidali augwaligo gelama siaba sąwaibao.”

Kraisgo Geme Dualali Sę Pedelabo Po Jonbolo Ola Mani 22:11

Tama te dwai kolesaga ebo bidi agai te dwai kolesaga mę ela pomainao. Bidigo dwai meda yai kolesaga ebo, te bidi agai te meda yai kolesaga mę ela pomainao. Tama te wiegi yai doloba pai kolesaga ebo te bidi, agai te wiegi yai doloba pai kolesaga mę ela pomainao. Tama magi sę me isiąma olo mu bidibo bidi, te bidi aga te sę me isiąma aga olo mu mę bidimainao,” te ensel mobo bidigo te po wai.

Matyu 21:44

[Tama bidi te masigi daiba ugwadu tulalubo bidi da, teda te bidi aga te dwasianu dwasianunu mu pebeda paibao. Ma, te masigi te bidi deli daiba ugwadu tulalu baso da, teda agai aga mu dolama, tama pobele bage naga tiwai pedalaibao.]”

2 Pita 2:20

Mu tama, augwaligo te Jisas Krais koneani, aga dago Genuai Bidi tama da ma sali bidi dao. Tama tede koneyu augwali wi pelama, te tǫde elalubo dwai meda yai kolesaga tigidali tagalai. Tama augwali te kolesagade dąų ma weyu, tama te kolesagago augwali aiyaba elalubaso da, teda augwali tama tiwai bidaibao: te hasia mu augwali dąų olama, augwali dwai bidali, tiali goli nosali augwali ma dąų wai, tama augwali dwai mu bidibao.

Matyu 21:33

“Dagego te gasa po digi po begelama wali po me odao. Bidi me deligo genuai tǫ elalubo bidigo agai te bono du wain gi bulama, tama obo bagulali. Tama te gi tomode agai te wain bono du agayabo te tank nai nigilali, tama te gi tonalubo bidigo bobobage be me me deli sę yani. Tama agai te gi te sę yabo bidi meba augwaligo nogoba muani, te augwaligo te gi tonalubo sę eyu, te gi nai meba naga somainogo yai. Tama te gi page bidi aga digi digibulu bulu me deli teba pai.

Dwagi Yai Gesi Po Makgo Asęani 11:13

Agai te ni kaya me deli te dwasianu digibulu gana dolalu, tama yabe te hauwa elalubo suali. Aga te ni pąba pelama, te du meba walai elalubowe naga gegainu yai. Tama aga te ni pageba sabolali, tiali goli tede te nai du walai elalubo me deli subeo. Menio. Te yabe naga elaluali. Magi baso meni, te ni fikgo du walobo sogo pedalubeo.

Dwagi Yai Gesi Po Makgo Asęani 11:15

Augwali ma pelama, te Jerusalemba ma sabolali. Tama Jisas te Moni Lotu Be tempel be tomoba pelama, tama te be tomode bisnis sę ebo bidi dabe sela sąyu, ela gudulubo sę gagalali. Agai te mone ge dobu si ebo bidi dabego tebol sai gea palobadi, te ba dabe dobu si ebo bidi dabego duabo sai dali gelibadi yai.