Dwagi Yai Gesi Po Makgo Asęani 10:52 - Godigo dwagi yai po buku

⁵² Tama Jisasgo agabolo te po wai, “Nage piduao. Te naga enade konealubo po dąų olama, naga homu enaba tialubo kolesaga ebogo te nage wiegi yai ma ilibao.” Te tama polo te aga gedu usu elama, tama aga bulu ula ma suali. Tama agai te Jisas dali te sunumidu wali pai.

Dwagi Yai Gesi Po Makgo Asęani 10:52 Referans Kwoze

Matyu 9:22

Te Jisas begelama, te we suali. Agai te webolo te po wai, “Eno wegi, nago homu te tegaluama bidao. Nago konealubo po enade dąų waibaso, nago tigi ma usu ilali.” Tama Jisasgo te po obadi yaide, polo tama te we dwagi yai ma yali.

Dwagi Yai Gesi Po Lukgo Asęani 7:50

Tiali goli, Jisasgo te webolo “Nago enaba homu beagasaligo nage sana palali dao. Nage dwagi yai homu dali pao,” wali.

Dwagi Yai Gesi Po Makgo Asęani 8:25

Tama Jisasgo nogo aga geduba ma muai. Tama te bidigo bomo elama tonono bilali, tama agai gedu wiegi yai pedelama, tama aga tigidali nai hania sula silai.

Dwagi Yai Gesi Po Makgo Asęani 5:34

Tama Jisasgo agabolo te po wai, “Eno wegi, te naga enade konealubo po dąų weyu, enaba homu tialubo kolesaga ebogo te nage usu ma ilali dao. Nage pao, tama naga homu nagame wiegi yai elaluao. Nago gasi silimainogo yai,” te po wai.

Dwagi Yai Gesi Po Jongo Asęani 9:32

Tigidali sogo polobadu bidi me deli aga idago gedu widai ame nani po dago odai. Tiali digi bidi me deligo te gedu pedalali po dago munu me odai menio. Dago wąį mu, augwaligo te tobage po odai menio, dago ayago me, tama megi dago me odai menio.

Matyu 15:28

Tama Jisasgo te wego po wei ponoyu, te po wai, “We, nago naga homu tigidali enaba mani sę, enade konealubo sę, te sę genuai mu dao. Tama tibaso, nago ena dali hanalu wali nai po te pedalaibao,” te po wai. Tama Jisasgo te po wabo side, tama te sogo polo tama te wego wegi gasi sana pelama, bidai.

Godigo Sęba Tagala Palai Bidigo Po 26:18

Tama nago augwali hulide bidibo pesage tagalama, ulaba kegasa asao. Tama nago augwali hulide bidibo kolesaga tagalama, nago augwali ula buluba kegasa asao. Augwali Satango bomode bidibadi, nago augwali ma sao, augwali God pageba asomainu tama yao. Tama augwaligo homugo ena konealu baso da, te augwaligo dwai kolesaga ebo Godigo tigidali sela sąwaibao, te Godigo sa muai we bidi dali wadolagasaibao,’ agai enabolo te po wai,” Pol agai te po wali.

Dwagi Yai Gesi Po Makgo Asęani 1:31

Te po olama, tama Jisas agaba pelama, tama aga nogo tola sigi pelama, hodolali. Tama te tigi posolo gasi agade elaluali tagalama, tama te wego augwali nai sisi ilibo sę yai.

Matyu 21:14

Tama aga te Moni Lotu Be tempel tomode bidibadi, tama te gedu widai we bidi dabe me, te sągą dwai bidi dabe me augwali aga bidibo pąba asali, tama agai augwali wiegi yai ma ilali.

Matyu 12:22

Tama te sogo augwaligo bidi me deli agaba sela asali, tama te bidide dwai haubo mobo bidi bidai. Aga gedu dali pedauwali dali te si pania sai. Tama Jisasgo aga usu ma ilali, tama te pedauwali pania sali bidi po ma weyu gedu ma pedeyu yai dao.

Dwagi Yai Gesi Po Jongo Asęani 9:39

Jisasgo te po wai, “Ena e tǫba asali, tǫde bidibo we bidi dagalai hagede asai. Te homu kolesaga tomode gedu halua sai bidi, gedugo ma sumainogo te ena asai. Me ma, we bidi meba augwaligo homu, ‘Ao, dago koneai dao, te da te gedugo subo bage dao,’ augwaligo te homu ebo dao. Tama tibaso, augwaligo Godigo homu koneidali weyu augwali gedu halua somainogo ena asai dao,” Jisasgo te po wai.

Matyu 11:5

Dagego e subao, te gedu widai bidi dabe augwali gedu usu ma iliyu, te sągą dwai bidi dabe augwali bugagia ma bilibo dao. Te oiyabe yai bidi dabe augwali tigi wiegi yai pedaliyu, tama olo degai bidigo po ma odobo dao. Te isai bidi dabe augwali ma hodoliyu, tama te magi nai meni yai bidi dabe augwaligo te Godigo wiegi yai gesi po odobo dao.

Aisaia 35:5

Tialima, te gedu widai bidi dabego gedu ma pedaibao, te olo degai bagego po ma odaibao.

Godigo Nogi Ugwaba Sabo Tęąbi Po Wabo Buku Dabe 146:8

Tama agai te gedu widai bage te ma tonono yabo usu ma elama, tama te sęgęgo augwali aiyaba elalubo bidi dabe te sęgę augwalide dagala sąyu ebo dao. Genuai Bidigo te aga doloba pai we bidi dabe wei mu ebo dao.

Godigo Nogi Ugwaba Sabo Tęąbi Po Wabo Buku Dabe 33:9

Magi baso meni, agai po naga obaso, tama te tǫ pedelali. Agai bomai po waligo, tama tigidali nai elalubao.

Dwagi Yai Gesi Po Lukgo Asęani 9:48

Augwalibolo agai te po wali, “Bidi mego enade homu kone palu te ena tobade e wai bǫų tiwai dali bugai homu eyu, tau sali da, te agai enade bugai homu eyu, tau siyu tebao. Bidi mego ena asobadi, bugai homu eyu tau sobaso da, teda ena tagala palali bidi dali bugai homu eyu tebao. Magi baso meni, bidi me aga digi nogi elaluama, te dage tigidali tomode aga nogi dwasianu mu elalubo bidi yai baso da, te aga polalubo bidi mu bidaibao,” Jisasgo te po wali.

Matyu 8:3

Te Jisasgo nogo te bidi tigiba munama, tama aga nogogo tigiba diąyu te po wali, “Ao, eno homugo nage gasi usu ilaibao. Tama nage wiegi yai pedalao, te meda meni yai bidi bidao.” Tialima, megi naga tama agai tigiwali dolali gasi silama, tama te bidi aga tigi wiegi yai yai.