Dwagi Yai Gesi Po Makgo Asęani 10:39 - Godigo dwagi yai po buku

³⁹ Tama augwali sigo agabolo te po wai, “Te da si usu yaibao,” wai. Jisasgo augwali sibolo te po wai, “Mu dao, te megi eno ąį tubo kapde te dage sigo me tueibao. Te megi eno baptais sabo, te dage sigo me saibao.

Dwagi Yai Gesi Po Makgo Asęani 10:39 Referans Kwoze

Kraisgo Geme Dualali Sę Pedelabo Po Jonbolo Ola Mani 1:9

Ena Jon, ena duga ama dao. Ena dage dali hodobo te Jisasde wadolama, tama da deli hani elalubaso, tama gasa bage augwaligo dabolo dene dali, sęgę dali mayu elama, tama da tigidali hodobo bomo elama dolaluyu, sęgę bugagia tolobo dao. Tama ena Godigo we bidi tonalubo sę tomode dage dali hodobo bidibao. Tama eno te we bidi dabebolo Godigo po dali, te Jisasgo hania hanilali mu po dali, te po si augwalibolo pusubaso augwaligo ena sela sąnama, ena te tamu ąį tomode elalubo dwasianu tǫ nogi Patmos teba kalabus mugi pali dao.

Godigo Sęba Tagala Palai Bidigo Po 12:2

Tama agai enesigi bidi me deli tagala palama, Jon aga ama gomunai bidi Jems moni kago hwągo mage togwa sąyani.

Kolosi 1:24

Ena megi e kalabus bede bidiyu tama dene sobao. Tiali goli eno dage tau somainogo eyu, tama te dene sobaso, eno dwagi yai homu ebao. Magi baso menio. Da Godigo po odobo we bidi da, te Krais aga tigi tiwai bidibao. Tama aga tigi tobade te dene tolobo sę me elalubao. Tama eno tigide te dene me sobaso da, teda eno te agai aga tigi tau sabo dene meba toloyu, tama te dene silibo sę eno tama tau sabo dao.

Dwagi Yai Gesi Po Jongo Asęani 17:14

Nago po eno augwalibolo mawai dao. Tama tǫde we bidigo augwali dali boi bidi gagawai dao. Ena da e tǫde bidi menio. Te tiwai augwali me e tǫde bidi menio. Tama tibaso, tǫde we bidigo augwali dali boi bidi gagawai dao.

Dwagi Yai Gesi Po Jongo Asęani 15:20

Eno tamadi wali po dagego bugagia ma koneao. Eno dagebolo te po wai, ‘Te nogi meni yai sę ebo bidi agai aga genuai bidigo nogi aiyaba elalugobeo.’ Tama te tiwai me, te tǫde we bidi augwaligo ena dali dwai sę yaligo da, teda dage eno sę ebo bage dali me augwaligo dwai sę yaibao. Tama augwaligo eno po wali pigi sogo da, te dagego po me augwaligo wali pigi dao.

Dwagi Yai Gesi Po Jongo Asęani 13:37

Pitago agabolo te po wai, “Genuai Bidi, magi baso eno nage megi wali pogobewe? Eno nage tau somainogo ena isiyu da, te usu yaibao,” Pitago te po wai.

Dwagi Yai Gesi Po Makgo Asęani 14:36

Agai te po wali, “Aya, nago te tigidali sę ebo usu dao. Eno homugo nago enaba megi te pedalainu ebo te dene dagala samainu homu ebao. Tiali goli nago te eno homu wali me pelamuo. Menio. Nago te naga homu wali naga pao,” Jisasgo te po wai.

Dwagi Yai Gesi Po Makgo Asęani 14:31

Tiali goli Pitago po bomo elama mu weyu, “Tagalao, te ena nage dali isibaso, te usu dao. Tiali goli eno te nage konebeo po munu me wagobeo. Mu menio!” Tama Jisas wali pabo bidi dabe tigidali augwaligo me te tiwai po naga ola pai.

Matyu 10:25

Tama te skul ogomanigo te aga tisago ebo kolesaga tiwai ebo usu ebaso da, te usu dao. Tama te sę ebo bidigo aga tonalubo bidigo kolesaga tiwai ebo usu ebo si da, teda te me usu dao. Te augwaligo te nogi posobo po weyu, ‘Nage te dwai haubo bidigo tobolu bidi Belsebul dao’ po te hani tobolu bidibolo obaso da, teda dago koneao, te augwaligo dwai dwai nogi weyu posobo po wabo te aga dali bede bidibo bagebolo mu waibao,” Jisasgo te po wai.

Matyu 3:6

Tama augwaligo augwa yali sęgę dabe pusuyu, tama Jongo augwali te Jordan ąįde baptais mani.