Dwagi Yai Gesi Po Makgo Asęani 10:32 - Godigo dwagi yai po buku

³² Augwali te sunumidu pelayu, tama augwali te Jerusalem moni hanuba pabo homu yai. Te Jisas poligi pelama pali. Tama aga wali pabo bidi dabe augwali homu hauwa yai. Tama augwali wali asali we bidi, augwali wi yali. Jisasgo aga wali pabo bidi te nogo si olama sągągo si te augwali tedali ma selama, tama agaba pedelabo sę po te po augwaliba wabo gagalali.

Dwagi Yai Gesi Po Makgo Asęani 10:32 Referans Kwoze

Dwagi Yai Gesi Po Lukgo Asęani 9:51

Te Godigo Jisas dagaluba odasa holabo magabadi yaide, Jisasgo koneama, aga te Jerusalemba pabo homu mu elama, pabo gagalali.

Dwagi Yai Gesi Po Jongo Asęani 11:16

Tomas, augwaligo aga nogi me Didimus wabo, te nogi page aga ama name dali deli sogo ame nai bidi, te bidi te Jisas wali pabo bidi me deli dao. Agai te Jisas wali pabo bidi mebabolo te po wai, “Da aga dali pinao, da me aga dali isimainogo pinao,” Tomasgo te po wai.

Dwagi Yai Gesi Po Jongo Asęani 11:8

Aga wali asobo bage augwali noma selama, tama te po wai, “Po ola mabo bidi, polobadu gana Juda bagego nage masigi sąnama elai hagede te homu yai. Nage teba ma pelamuo,” te po wai.

Dwagi Yai Gesi Po Lukgo Asęani 10:23

Tama aga wali bilibo bidi dabeba ibaba gelama, geme te po wali, “Te dagego megi subo sę tiwai te bidi dabe augwaligo me subaso da, te dwagi yai homu pemene iyąo.

Dwagi Yai Gesi Po Makgo Asęani 4:34

Agai te po te we bidi augwalibolo hanilama me pusubeo. Menio. Agai te po begelama naga pusali. Tama aga te wali pabo bidi dabe naga aga dali bidibadi, agai te po page tigidali hanilama augwali dali pusuyu yai dao.

Matyu 13:11

Agai po wei ponoyu te po wai, “Godigo agai we bidi tonalubo sę geme dualaluali po page haninama te agai dagebolo ola mawai dao. Tiali goli e bidi dabebolo te geme dualali po page te haninai menio.

Sekaraia 3:8

Polalubo pris Josua, odao, me dage meba pris dabe me dagego me odao, dage te nosali pedalabo wiegi yai nai te magi tiwai me dage dao. Odao. Eno ena sę bidi odasa asaibao. Agai nogi da e dao, Ni Abu.

Matyu 11:25

Tama te sogo Jisasgo Godibolo te po wai, “Ayao, nage te dagalu dali tǫ dali nigila tonalubo Genuai Bidi dao. Eno nage dali deli homu eyu, nagebolo usu da po obao. Tǫde homu kolesaga koneai bidi dabe augwaligo koneidali weyu tama nago te eno tamadi pusali po page nago geme dualai dao. Tiali goli te tǫde elalubo homu kolesaga konesiąwai we bidi augwalibolo nago te po page ola mawai dao.

Dwagi Yai Gesi Po Makgo Asęani 1:27

Tama tigidali we bidi augwali noma siyu, tama augwa hasi tomode digi po miani, “Te e da mena sę dawe? Te gasagi yai gesi ola mabo po dao,” te po wai. “Te bidigo bomo elalubaso, tama agai te dwai haubo noma bidi dabeba po pusubaso, tama augwaligo agai po odali,” te po wai.

Dwagi Yai Gesi Po Lukgo Asęani 19:28

Te Jisas agai po ola mena silama, tama agai te Jeriko be nani tagalali. Te aga te we bidi polasa peyu, Jerusalem moni taunba pabo ma gagalali, ogwaba.