Dwagi Yai Gesi Po Makgo Asęani 10:21 - Godigo dwagi yai po buku

²¹ Jisasgo agaba tonaludama, tama aga dali dwagi yai homu eyu godolo mu yai. Agai agabolo te po wai, “Nage te nai me deli digi habuge yai elalubao. Nage pelama, te nago doado bage tigidali munama, tama nago tede mone selama, tama te magi nai meni yai bidi dabeba dobayao. Tama tiyu da, te nago wiegi yai nai mu te Godigo bidibo madide elaluaibao. Tama nage ena wali asao,” te po wali.

Dwagi Yai Gesi Po Makgo Asęani 10:21 Referans Kwoze

Kraisgo Geme Dualali Sę Pedelabo Po Jonbolo Ola Mani 2:4

Tiali goli, eno po me nage dali elalubao: polobadu nago enaba te konealubo po hasia dąų wali sogo, te sogo nago wiegi yai homu ena dali mu yai, tialima megi nago ena dali te hasia dwagi yai homu eyu godolo yali tiwai ebo menio.

Dwagi Yai Gesi Po Lukgo Asęani 10:42

Tiali goli, sęgę yai nai deli mu te elalubao. Tama Mariago homugo te saiba homu yali te segąį nai te saleao. Mego me dobagobeo,” Jisasgo te po wai

Jems 2:10

Tama bidi me deli agai tigidali gasa bomo yai po wali peyu, tama agai te bomo yai po me deli naga bolali, te bidi agai te bomo yai po tigidali bolali bidi te tiwai dao, te sęgę saibao. Magi baso meni.

Godigo Sęba Tagala Palai Bidigo Po 2:45

E tiwai yai. Te augwaligo me sogo be dabe me, te tǫde me, te munalubo me badu nai dabe me bidi dabeba menama, tama mone ge selama, me me nai habuge yai bidi dabe tau siyu yali. Tama tilama, augwali tigidali usu yali.

Dwagi Yai Gesi Po Lukgo Asęani 18:22

Te Jisasgo te bidigo wali po odama, tama agabolo te po wali, “Magi nai me deli elalubuo, te sę nago ebeo. Nago beba pelama, naga doado bage tigidali selama, maketba munama, tama gasa bidi dabego abelaibao. Tama te doado bagede sali mone sobaso, te nai meni yai we bidi dobayao. Nago te sę ebaso, Godigo bidibo madide nago doado bage hauwa mu elaluaibao, nosali. Tama nago te sę elama, nage ena wali asao,” Jisasgo te po wali.

Matyu 16:24

Tama te sogo Jisas aga wali pabo bidi dabe augwalibolo te po wai, “Te ena wali niwai bidi me deli asainu da, aga tobade aga digi aga homu aiyaba elaluama, tama agaba asobo niwai sęgę bugagia tolalu ena wali asao.

Kraisgo Geme Dualali Sę Pedelabo Po Jonbolo Ola Mani 2:20

Tiali goli, eno te po me nage dali elalubao. Nago te we Jesebel nage dali bidibo we, agai ola mabo po dagego odobo dao. Te wego te po wabo dao, ‘Ena da, te Godigo nosali yabo sę po megi pusubo we dao.’ Tiali goli agai eno sę bidi dabebolo te penani ebo kolesaga wali pomainogo ola mayu, tama augwaligo te tibo god dabebolo ula mani nai tumainogo ebo dao. Te kolesagade te wego augwali ili po ola mabo dao.

Kraisgo Geme Dualali Sę Pedelabo Po Jonbolo Ola Mani 2:14

Tiali goli eno po meba nage dali elalubao. Nage dali bidibo bidi meba, augwaligo te bidi Balamgo kolesaga wali pabo dao. Tama te Balamgo kolesaga e dao. Polobadu bidibadi agai te tuni bidi nogi Balak agabolo te Israel dabe gea gano bilabo kolesaga ola mawai. Tama ola menama, tama Balakgo te Israel we bidi homu hodolama, tama augwaligo te tibo god dabebolo ula mani nai tuyu, tama augwaligo te penani ebo kolesaga emainogo yai.

Hibru 10:34

Tama tiyu, dagego te kalabuside bidali we bidi augwali homu dene eyu tau sobadi, te dagego me te dene sali. Tama me sogo te bidi dabe augwaligo bomonama dagego doado bage dagala siyu yali goli, dagego homu wiegi yai pemene eyu, tama augwaligo te nai dabe sabo gogolali. Magi baso meni, dagego koneani, tama duga nai digi mu da, te tedali me elalubao homu yali, te Godigo dagebolo maiabo nai dabe, tama te nai da te sesemane sogo elalua pabo nai dao.

Dwagi Yai Gesi Po Lukgo Asęani 12:33

Duga munalubo nai dabe tigidali gasa bidibolo menama, mone ge selama, nai meni yai we bidibolo maiąo. Dagego tama tiyu da, ta duga wiegi yai nai dabe dagalude muiąo. Tama tede te nai me dologobeo, bidi mego wi sogobeo, mano dabego me tugobeo.

Dwagi Yai Gesi Po Makgo Asęani 8:34

Tama agai te we bidi agaba asomainu i weyu, te aga dali wali pabo bidi dabe me asomainu yai. Tama aselama, tama agai augwalibolo te po wai, “Te bidi me deligo ena wali asainogo da, te aga digi aga aiyaba elaluama, tama agai e homu yao, aga ena wali pobadi aga dene sobaso da, teda te usu da, te homu ebo bidigo agai aga ni pedai tolasa pabo tiwai eyu, aga ena wali asao.

Bugagia Bidibo Kolesagade Po Asęai Buku 23:23

Nago te mu kolesaga sainu bomo eyu, tama te wiegi yai homu, me te tobage wiegi yai kolesaga dabe sabo bomo yao. Nago te wiegi yai kolesaga tagalabo homu me igio.

Dwagi Yai Gesi Po Lukgo Asęani 19:41

Te Jisas te Jerusalem moni be nani pąba asiyu, te be nani suyu, agai te be nanide bidibo we bidide homu dene eyu, gela wali.

Dwagi Yai Gesi Po Lukgo Asęani 9:23

Jisasgo tigidali we bidibolo te po wali, “Te ena wali me niwai bidi asainu da, aga tobade homu konebo gegeda pelama, ena tigide ebo dene tiwai aga bidibo donolama iduabo bidi, ena wali asao.

Matyu 19:21

Tama Jisasgo agabolo te po wali, “Te nage doloba pai mu pedalabo homu ebaso da, teda nage pelama, nago doado bage tigidali te bidi dabego abelemainogo munama, tama nago te sali mone te magi nai meni yai we bidi augwalibolo te mone mao. Teda nago nosali sabo wiegi yai nai hauwa mu te Godigo bidibo madide sisi ilai elaluaibao. Tama tilama, nage ena wali asao,” Jisasgo te po wai.

2 Korin 12:15

Tama dwagi yai homu eyu, dage tobade eno ena nai tigidali maiabo homu elama, tama ena bidibo ula me maiabo homu ebao, te dage tau sabo homu ebao. Eno dage dali dwagi yai homu eyu godolo mu ebo kolesaga genuai mu ebaso, tama te dagego magi baso ena dali homugo dwasianu naga kone palobowe?

Dwagi Yai Gesi Po Jongo Asęani 16:33

Eno homugo dage ena dali wadoloyu, tama dwagi yai homu nagame elama bidimainogo eyu, eno e po tamadi tama dage dali wai dao. Dage tǫde bidibadi te tǫde we bidi augwaligo dwai sę dage dali yaibao. Tialima, dagego homu bomo elama, bidao. Eno e tǫde kolesaga aiyaba elaluai dao,” Jisasgo te po aga sę bidi dabe dali wai.

Dwagi Yai Gesi Po Jongo Asęani 12:26

Niwai bidi me deligo eno sę yainogo ebo bidi, te bidi aga ena wali asao. Tama ena bidibo bulu, te bulude naga eno sę ebo bidi ena dali bidaibao. Bidigo eno sę ebo bidi, te eno Ayago te genuai nogi mawaibao,” Jisasgo te po wai.

Dwagi Yai Gesi Po Lukgo Asęani 16:9

Te po olama, Jisasgo po me maneyu, te po wali, “Te eno dagebolo e po obao, te sibage me doado bage me, me sogo te naigo we bidi te dwai kolesaga tomoba kekebo dao. Tiali goli, duga doado bagego we bidi bugagia tau siyu, abagi hauwa nigiliyu, bidao. Tama te tiwai elama, tama nosali te doado bage sia sobaso da, Godigo dage pageyu, ‘Eno bidibo madi tomoba asia,’ waibao.

Polgo Si Wali Pas Timotiba Asęani - 2TI 3:12

Te mu po dao, tigidali bidi te Krais Jisas dali kęą selama, tama Godigo kolesaga wali pabo bidi, teda te boi bidi dabego dwai sę eyu, sęgę augwalibolo me mawaibao.

Tigidali Nai Gagalama Nigali Side 34:19

Tama Sekemgo augwaligo te po polo wali pali, magi baso meni, agai te Jekopgo wegi godolo yali. Sekem te aga deli hani bagego aga te polalubo bidi da te yai.

Dwagi Yai Gesi Po Makgo Asęani 10:22

Te bidigo te po odama, tama aga gesabidi hulia selama, tama aga homu sęgę ebaso, tama aga pai. Magi baso meni, te agai doado bage hauwa elalubaso te homu yai.