Dwagi Yai Gesi Po Makgo Asęani 10:19 - Godigo dwagi yai po buku

¹⁹ Nago te bomai po koneanio: ‘Nago te bidi ela mugio. Nago te penani sę egio. Nago nai wi sigio. Nago gasa bidibolo tibo po me olamuo. Nago tibo pode gasa bidigo doado bage anoma elama sigio. Nago te naga aya de ida sigo po wali pao,’ te bomai po dabe nago koneanio, te wali pao,” Jisasgo te po wai.

Dwagi Yai Gesi Po Makgo Asęani 10:19 Referans Kwoze

Polgo Po Pas Rom Dabeba Asęani 13:9

Dago koneani, te bomai pode te po wai, “Nago te penani sę egio. Nago bidi ela mugio. Nago nai wi sigio. Nago mena gasa bidigo nai dabe sulama pesa egio.” Te bomai po dabe me, tama gasa bomai po tigidali elalubo, te tigidali bomai po deliba sisinama, tama augwali page deli naga elalubao, te page po e dao, “Te naga digi naga godolo ebo tiwai gilama te nago gasa we bidi dabe augwali godolo eyu tiao.”

Jems 2:11

Te God agai te po wai, “Nago te we sabo kolesaga dologio.” Tama agai te pogo naga te po me weyu te po wai, “Nago bidi ela mugio.” Tialima, nago te we sabo kolesaga dolisiąyu da, tama nago te bidi me ela mugi sogo da, te nage te bomo yai po bolali bidi dao wagi da.

Dwagi Yai Gesi Po Lukgo Asęani 18:20

Nago te Godigo mani bomo yai po koneani. Te bomo yai po te da, penani sę egio, bidi ela mugio, bidi nai wi sigio, tibo po wagio, naga aya ida nogi ugwaba sao,” Jisasgo te po wali.

1 Tesalonaika 4:6

Tama God agai ebo homu e dao. Dagego te we sabo sę po bolama, tama duga abagi dali dwai sę egimio. Magi baso menio. Genuai Bidi Jisas agai te tobage dwai sę ebo kolesaga ebo bidi augwali tigidali agai wei ponobo dao. Tama polobadu da dage dali bidibadi, e sęgę yai po dao homu eyu, dago te po hanilama, dage dali wai dao, dage tau somainogo.

Galesia 5:14

Tama bidigo te bomo yai po me deli bugagia wali pobaso da, teda agai gasa bomo yai po tigidali usu nagasaibao. Tama te bomo yai po me deli e dao: dagego duga hasi dali dwagi yai homu eyu godolo ebo homu yao, te duga digi naga godolo ebo homu tiwai yao.

Galesia 4:21

Te dage Galesia dabe mebago ‘Godigo da doloba pai bidi dabe da waibao’ homu eyu, tama dage te Juda dabego bomo yai po dologoba painogo homu ebo dao. Tama tibaso da, te po eno megi dagebolo hanalu obao, dagego te bomo yai po page bugagia odobo dawe?

Polgo Po Pas Rom Dabeba Asęani 3:20

Magi baso meni, te bomai po wali pabo kolesagade te bidi deli agade Godigo ‘Aga doloba pai bidi dao’ po me wagobeo. Te bomai pogo dena dwai sę ebo kolesaga denabolo hania mu ola mayu ebo dao, te tama sę naga te bomai pogo ebo dao.

Aisaia 8:20

Te augwaligo te augwa Godiba pelama, tama agai homu kolesaga siyu, agai bomai po sigi peyu eyąo. Ma, augwaligo tama tisąma yali da, teda augwali hulia sai madi me bididuaibao. Tama wiegi yai sogo me sugobeo.

Dwagi Yai Gesi Po Makgo Asęani 10:18

Jisasgo agabolo te po wai, “Magi baso nago ena wiegi yai da nogi obawe? God agaduba deli naga te wiegi yai dao.