Dwagi Yai Gesi Po Makgo Asęani 1:38 - Godigo dwagi yai po buku

³⁸ Tama agai augwaliba te po wali, “Te tagalama, te da meba te gasa pąde elalubo buluba pinao. Eno po augwaliba me pusainogo. Te sęde naga ena asai dao,” te po wai.

Dwagi Yai Gesi Po Makgo Asęani 1:38 Referans Kwoze

Dwagi Yai Gesi Po Lukgo Asęani 4:43

Tiali goli, agai wei ponoyu, te po wali, “Godigo eno sę emai hagede, tagala palali sę gasa hanuba me egi pabo elalubo. Godigo we bidi tonaluabo po pupusa memena bilabo sę elalubo,” te po wali.

Dwagi Yai Gesi Po Jongo Asęani 17:8

Nago enabolo wali po, te po tigidali eno augwalibolo pusai dao. Tama augwaligo te po sali. Te po selama, tama augwaligo mu koneai, polobadu ena nage dali bidilama, asai dao. Tama nago ena tagala palama, ena asai dao, te pode augwaligo homugo te po wali, ‘Te po mu po da,’ olama, tama augwaligo konealubo po te pode dąų wabo dao,” Jisasgo te po wai.

Dwagi Yai Gesi Po Jongo Asęani 17:4

Eno nago genuai nogi dali, bomo dali, te si te tǫde we bidi augwalibolo ola mawai. Nago enabolo yao olama mani sę, te sę eno tigidali mu ela silai dao. Tama tiyu, eno nago nogi dali bomo dali te we bidi augwalibolo ola mawai.

Dwagi Yai Gesi Po Jongo Asęani 16:28

Polobadu ena Aya dali bidai, tama eno aga taga soyu, ena e tǫba dulai. Tama megi ma eno e tǫ taga peyu, Aya God bidibo digi painogo ebao,” Jisasgo te po aga bidi dabe dali wai.

Dwagi Yai Gesi Po Lukgo Asęani 2:49

Tama agai augwali sigo po wei ponoyu, te po wali, “Magi baso dage sigo ena gasa bulude gegeduai dawe? Eno ayago bede bidabo da, dage sigo konebewe?”

Dwagi Yai Gesi Po Jongo Asęani 9:4

Megi ulade dao. Tama ulade dago ena tagala palali bidigo sę yao. Hulia sabo magade, hulia sabode, bidi me deligo sę me egobeo.

Dwagi Yai Gesi Po Makgo Asęani 1:37

Augwaligo aga gegela sulama, tama augwaligo te po wali, “Te tigidali we bidi augwaligo nage gegainogo ebo dao,” te po wai.

Dwagi Yai Gesi Po Makgo Asęani 1:39

Tama olama, aga te Galili tǫ pedai tigidaliba pelama, tama agai te wiegi yai po te augwaligo bomai po odobo lotu be dabe tomode pusuyu, tama agai te dwai haubo noma bidi dabe sela sąyu yai.