Dwagi Yai Gesi Po Makgo Asęani 1:35 - Godigo dwagi yai po buku

³⁵ Te sogo kigamu digi mu aga hodaluama, tama agaduba buluba dią solama, tama te bidi meni yai madiba me pelama, aga Godibolo po wainogo yai.

Dwagi Yai Gesi Po Makgo Asęani 1:35 Referans Kwoze

Dwagi Yai Gesi Po Lukgo Asęani 6:12

Te sogo Jisasgo Godibolo po wainu eyu, tama bulu duba holama, moni huli sesabi Godibolo po udali.

Efesus 6:18

Tama tiyu, tigidali sogo dagego po God dali wao, agai dage tau somainu yai. Tama te Godigo Mobo Bidi agai dage bomo mayu, tego Godibolo po wao. Te sę yainu, dage pila mugimio, hodaluao, nolǫ isiąbo ąǫ egimio. Te sę munu me tagaligio. Tigidali sogo dagego gedu haluasa po Godigo we bidi tau somainu wao.

Dwagi Yai Gesi Po Lukgo Asęani 5:16

Tiali goli, hauwa sogo agai te we bidi dabe bidalubadi pali. Aga te bidi meni yai sesawai digiba pelama, agai Godibolo gedu haluasa po wagi pidu geduai dao.

Godigo Nogi Ugwaba Sabo Tęąbi Po Wabo Buku Dabe 5:3

Genuai Bidi, te tigidali sogo kigamude nago te eno gedu haluasa po odobo dao. Te giliga pedalubode eno nageba bomonama, gedu haluasa po obao, te ena ofa ebo tiwai. Tama eno te gedu haluasa po wali wei ponobo te nageba tonalubo dao.

Hibru 5:7

Polobadu Jisas te e tǫde bidi tiwai bidibadi, te sogo agai po Godibolo wai. Godigo aga te isibode ma sabo homu yali, tama tiyu agai gedu haluasa po aga dali weyu genuai i wali, tama aga gela hauwa mu wai. Agai aga homu kolesaga te aga digi aiyaba elaluama tama imilai bidi bidama, tama aga God dologode bidali, tama tibaso Godigo agai gedu haluasa po wabo odai dao.

Dwagi Yai Gesi Po Jongo Asęani 6:15

Tialima Jisasgo koneai, augwaligo homugo Jisas aga dąų olama, tama Jisas aga augwaligo tuni bidi bidimainogo yaibao, augwali te homu yai Jisas aga dali. Tama tibaso, Jisas agaduba bulu duba ma pai.

Matyu 14:23

Agai te we bidi augwali tagala pala silama, tama agaduba deli naga te bulu duba holama, Godibolo po wainogo yai. Tama pio agaduba naga te bulude bidai.

Filipai 2:5

Dagego elaluabo homu kolesaga te Krais Jisasgo elaluali homu kolesaga tiwai gilama yao. Te kolesaga e dao:

Dwagi Yai Gesi Po Jongo Asęani 4:34

Jisasgo augwalibolo te po wai, “Eno nai da, e tama dao: eno ena tagala palali bidigo homu wali pabo dao. Tama eno agai ena nogoba muani sę polo silaio,” Jisasgo te po wai.

Godigo Nogi Ugwaba Sabo Tęąbi Po Wabo Buku Dabe 109:4

Eno augwali wei elama, tama eno gedu haluasa po weyu, augwali tau sali, tiali goli augwaligo ena wei me ebeo.

Matyu 14:13

Te Jisasgo te Jon isali po wabo odama, tama agai te bulu tagalama, tama geba me deli selama, tama ąį daidu peyu, aga te bidi meni yai bulu badu pali, aga wali pabo bidi dabe augwali naga aga dali pali. Tiali goli te we bidi augwaligo aga pali po odobaso, tama augwali te hanude bidali tagalama, tama augwali aga pali wali pai dao.

Dwagi Yai Gesi Po Makgo Asęani 1:36

Tama nosali, Jisasgo Godibolo po me odubadi, tama Saimon dali aga abagi solo me augwaligo Jisas gege pai.