Dwagi Yai Gesi Po Makgo Asęani 1:34 - Godigo dwagi yai po buku

³⁴ Tama agai te gasi haniani elaluali we bidi hauwa usu ma ilili pali. Tama agai te dwai haubo noma bidi hauwa elaluali te sela sąwani. Tama te sę ebadi, te dwai haubo noma bagego aga Godigo Ogwa da konebaso, augwaligo tede po waidali weyu, agai augwalibolo habu selibo po bomonama wai.

Dwagi Yai Gesi Po Makgo Asęani 1:34 Referans Kwoze

Dwagi Yai Gesi Po Lukgo Asęani 4:41

Dwai haubo dabego we bidi hauwa taga pali. Tama te dwai haubo dabego hai olama, te po wali, “Nage Godigo Ogwa dao.” Augwaligo koneani, Jisas te Godigo we bidi tau somainu sa muani bidi Krais da. Tama tibaso, augwaligo te po te we bidibolo waidali weyu, agai augwaligo po tomode togwa sąyani.

Dwagi Yai Gesi Po Makgo Asęani 3:12

Tiali goli agai po bomonama augwaliba wali, augwaligo te aga nogi hanilama munu me wagio wai.

Matyu 4:23

Te Jisas aga te moni tǫ Galili te tigidali sesege badu aga biligi pai. Agai aga ola mabo po te Juda dabego bomo yai po ola mabo be tomode te we bidibolo ola mawai. Tama ola mayu, agai augwalibolo te Godigo we bidi tonalubo sęde te gesi dwagi yai po pusali, tama te tigidali haniani gasi dabe me te tigidali dwai naigo te tigi dolai we bidi augwali tigi usu ma ilai dao.

Dwagi Yai Gesi Po Makgo Asęani 1:25

Tiali goli Jisasgo te dwai mobobolo te po wai, “Nago pedauwali pania selama, tama te bidi nago taga soayu, buluba soao,” te po wai.

Matyu 4:24

Tama augwaligo agai te sę yali po tigidali te Siria genuai tǫde bidibo we bidibolo me te po pusai. Tama te po augwaligo odama, tama augwaligo te tigidali dwai gasi haniani eyu, te dwai dene sali bidi dabe me selasa asali, tama te dwai noma bidi elalubo bidi me, te esela pabo bidi dabe me, tama te sągą dili bomo isai bidi dabe me, te sela asai. Tama agai augwali wiegi yai ma ilai dao.