Dwagi Yai Gesi Po Makgo Asęani 1:31 - Godigo dwagi yai po buku

³¹ Te po olama, tama Jisas agaba pelama, tama aga nogo tola sigi pelama, hodolali. Tama te tigi posolo gasi agade elaluali tagalama, tama te wego augwali nai sisi ilibo sę yai.

Dwagi Yai Gesi Po Makgo Asęani 1:31 Referans Kwoze

Godigo Sęba Tagala Palai Bidigo Po 9:41

Pitago agai nogo tola selama, dodolali. Pitago te Jisasgo po wali pabo we bidi me i olama, augwali aselama, agai te we augwalibolo ola mawai, “Dorkas te bidibao,” wali.

Dwagi Yai Gesi Po Makgo Asęani 5:41

Tama agai te wegi nogo tolalu, tama agabolo weyu, te po wali, “Talita kumi.” Te po begelama tama dena pogo te po page e tiwai dao, “Dwasianu wegi, eno nagebolo obao, nage hodaluao,” wali.

Godigo Nogi Ugwaba Sabo Tęąbi Po Wabo Buku Dabe 116:12

Genuai Bidigo enaba wiegi yai sę mu yalio. Tama tialima, eno magi nai agaba mawaibawe?

Dwagi Yai Gesi Po Makgo Asęani 15:41

Polobadu Jisas te Galili tǫde bidibadi, tama te we dabe augwali aga wali biliyu, tama aga tau sai. Tama te gasa we dabe hauwa me bidali, augwali te moni hanu Jerusalemba Jisas dali asai dao.

Matyu 27:55

Tama we hauwa bidali, augwali te Galili tǫdu Jisas tau sainogo aga wali asai. Te we dabe augwali te dwasianu digibulu gana dolalu tononaluai.

Dwagi Yai Gesi Po Makgo Asęani 1:30

Tama Saimon aga au te be tomode te pibo be saide pila muai, te tigi posolo gasi elaluali. Tama te we gasi elalubo po augwaligo te Jisasbolo polo wali.

Dwagi Yai Gesi Po Makgo Asęani 1:32

Te be pio eyu, giliga dega sigilubode, te we bidi augwaligo te gasi yai we bidi dabe me, te dwai haubo noma bidi elalubo we bidi dabe te augwaligo agaba selasa asai.