Matyu 9:37 - Godigo dwagi yai po buku

³⁷ Tama agai aga wali pabo bidi dabebolo te po wali, “Te nai hauwa mu te gide tau yai elalubao, tiali goli te tau yai nai sabo sę ebo bidi hauwa menio.

Matyu 9:37 Referans Kwoze

Dwagi Yai Gesi Po Lukgo Asęani 10:2

Tama agai aga wali pabo bidi dabebolo te po wali, “Te nai hauwa mu te gide tau yai elalubao, tiali goli te tau yai nai sabo sę ebo bidi hauwa menio. Tama tibaso dagego te gi aga ayabolo gedu haluasa po waiyąo, tama agai aga sę bidi tagala palama te gide elalubo nai sisinigi pomainogo wao.

Dwagi Yai Gesi Po Makgo Asęani 16:15

Tama agai po augwaliba weyu, te po wai, “Dage te tigidali tǫ habu pedaiba pelama, tama te enade gesi wiegi yai po te tigidali we bidiba pusa mao.

1 Korin 3:9

Magi baso meni, da si te Godigo deli sę naga ebo sę bidi dao, tama dage te Godigo gi tiwai dao. Tama dage te Godigo be tiwai, aga te be sędu bidibao.

Matyu 28:19

Tama tibaso, dage pelama, tigidali we bidi hani ena wali asobo we bidi pedelao. Tama dagego augwali te Aya me Ogwa me Mobo Bidigo nogide baptais mao.

2 Korin 6:1

Dago sę God dali eyu tama dago te tiwai po bomo elama dagebolo obao: dagego te Godigo olo mani wiegi yai tau sabo kolesaga salio, tiyu dagego agai te olo mu mani wiegi yai tau sabo kolesaga tagalabuo, te kolesagago agai sę dage tomode bugagia emainao.

Godigo Sęba Tagala Palai Bidigo Po 16:9

Tama te sogo hulide Polgo na gagawai yali. Agai Masedonia tǫ bidi me deli dolalubo suali. Aga aselama, Polbolo bomo elama, hanalu wali, “Nage e Masedonia tǫba aselama, da tau sagasao,” wali.

Dwagi Yai Gesi Po Lukgo Asęani 24:47

tama hodaluama, tama aga nogigo bomogo aga sę ebo bidi dabe augwaligo agai po tigidali bidi hanibolo ola mawaibao, te we bidi augwaligo homu begelemainogo yaibao. Augwaligo homu begelama, tama Godigo augwaligo yali dwai dwai sę sela sąwaibao. Te Godigo sa muani bidi agai sę ebo bidi dabego te tobage po tigidali bidi hanibolo wagi paibao, te sę augwaligo Jerusalem bulude gagalaibao.’

Godigo Nogi Ugwaba Sabo Tęąbi Po Wabo Buku Dabe 68:11

Genuai Bidigo te aga we bidi dabeba po mawai, tama we hauwago te po pusugi pai.

2 Timoti 5:17

Te Godigo po odobo we bidi hani tonalubo monu dabe, augwaligo te sę bugagia eyu da, teda te hanigo augwaligo nogi ugwaba siyu, tama augwalibolo te augwaligo sabo pe mone mayu, tama meba ugwadu manuma mao. Te tonalubo bidi dabe tomode te bidi dabe meba augwaligo te sę eyu, tama augwaligo me te Godigo po pusuyu tama te we bidi dabebolo ola mabo sę bugagia eyu te sę dene yali, te tobolu bidi dabe augwalibolo te manani masigi polasa mao.

Kolosi 4:11

Josua, augwaligo te bidi nogi me Jastas wabo, agai me dagebolo siade dao te po ola tolobao. Aga dali, Aristarkus dali, Mak dali, augwali sela naga te Krais wali pabo Juda bage ede bidiyu tama augwaligo ena dali sę eyu, te Godigo te we bidi tonalubo kolesaga pedalomainogo ebo dao. Te gasa Jisas wali pabo Juda bagego ena te sęde tau sabo meni. Tama te bidi selago ena tau genuai mu sabo dao.

Godigo Sęba Tagala Palai Bidigo Po 18:10

“Ena nage dali bidibao. Gasa bidigo nage dologobeo. Magi basowe? E be nanide bidibo we bidi umabo augwali eno sa muai dao. Augwaligo nago po odama, te augwali eno hani gagawaibao,” wali.

Matyu 9:38

Tama tibaso, dagego te gi aga ayabolo gedu haluasa po waiyąo, tama agai aga sę bidi tagala palama, te gide elalubo nai sisinigi pomainogo wao,” Jisasgo te po wai.

Matyu 20:1

“Magi baso menio. Te Godigo we bidi tonalubo kolesaga te bidi me deligo tǫ hauwa elalubo bidigo yali kolesaga tiwai dao. Te kigamu digi mu te bidigo aga du walobo bono gide sę yabo bidi sesa biligi pai.

Jems 5:4

Te po bugagia odao. Te sę ebo bidi dabe augwaligo te dagego moni gide dagego nai sabo sę yai. Tama dagego augwali ili po weyu, te augwali maiabo mone ge bogia siyu, tama meba duga geme halobageba dualobo dao. Odao. Dagego te geme dualali masigigo agai i olama, dwai po dage dali wabo tiwai po wabo dao. Tama te sę bidi dabe augwaligo masigi habuge eyu, dwai homu eyu, tama augwaligo i wabo te dagalude bidibo Genuai Bidi agai odalio, God aga tigidali bomo page bidi mu dao, te aga digi augwaligo gela wabo po odalio.