Matyu 9:36 - Godigo dwagi yai po buku

³⁶ Tama bilidubadi, agai te genuai we bidi hani augwali sulama, tama agai homu dene augwalide genuai mu yali. Magi basowe, augwaligo homu dolo elalusiąwai baso, tama augwaligo augwa digi tau sabo usu isiąwai bidibo suali. Augwali dwai mu bidiyu, te kibu sipsip dabe augwa aya meni yai tiwai bidai.

Matyu 9:36 Referans Kwoze

Israel Hanigo Namba 27:17

Te augwali bugagia bidimainogo tau siyu, me wąbi hwįbode augwali bugagia tonaluyu yabo. Tama naga hani te sipsip kibu aga tolalubo bidi meni yai tiwai bidigobeo,” Mosesgo te po wali.

Dwagi Yai Gesi Po Makgo Asęani 6:34

Tama Jisas te gebadu pelama, te wę pedai badu tugi pelama, tama agai te we bidi hauwa bidalubo suali. Tama agai augwali homu dene genuai mu yali. Augwali te sipsip kibu tonalubo bidi meni yai tiwai bidaluali. Tama tibaso agai gagalama, te wiegi yai po hauwa augwaliba ola mawai.

Jeremaia 50:6

“Eno we bidi dabe augwali te hagawai sipsip hani tiwai bidali. Te augwali tonaluali bidigo augwali te wiegi yai sunumi tagalomainogo ilama, te bulu du pesagede tedela palama, bilaluali. Augwali te bulu dude bilalu, te augwali toma tuabo madi te homu kone me ebeo.

Matyu 14:14

Tama nosali Jisas aga te gebadu pelama, te wę u badu tugi pelama, tama agai genuai we bidi bidalubo suali. Tama agai augwali homu dene mu ebaso, tama agai augwaligo gasi sai bidi dabe usu ma ilali.

Sekaraia 10:2

Te bidi dabe augwaligo te augwa bede munalubo tibo god dabeba me, te mena sę page konea pabo bidi dabeba me hanalu te nosali mena sę dabe pedelabo po omainu ebo dao. Tiali goli, augwaligo tibo po wei ponoyu, te dwai po augwaliba wabo dao. Bidi mebago te na yali po page pusali, te augwaligo me dage tibo po ola mobao. Augwaligo te tama po weyu, te dage nagame yai homu saibao po wabo, tiali goli te menio. Te haliga sęgę me elaludalio. Tama tialima, te we bidi dabe tedela palama, te hagawai sipsip kibu wai tiwai yali. Augwa polalubo tuni bidi meni baso, tama augwali sęgę elaluai dao.

Matyu 15:32

Te Jisasgo aga wali pabo bidi dabe i olama asobode, tama agai te po wai, “Eno e we bidi augwali homu dene ebuo. Augwali sela sogo ena dali bidali, te augwa sesali nai tula silali. Te eno augwali nasi ebadi pao po weyu tagala palogobeo. Tiyu augwali tųde nasigo sidalio,” Jisasgo te po wai.

Matyu 15:24

Tama Jisasgo augwalibolo po wei ponoyu, te po wai, “Te Israel we bidi hani augwali te hagawai kibu sipsip tiwai dao. Tama God agai ena tǫba tagala palali, te eno augwali naga tau somainogo asai,” Jisasgo te po wai.

Tuni Bidi Dabego Po Elalubo Buku Si 18:16

Tama tialima Mikaiago Ahapbolo e tama po walali, “Te Israel dabego ami bidi dabe te sipsip kibu augwa tonalubo bidi meni yai te bulu du dabede bidibo tiwai elalubo eno sualio. Tama eno Genuai Bidigo po wabo odali, ‘Te bidi dabe augwali augwa tobolu bidi dabe menio. Augwali te boi hwįbo tagalama, augwa buluba pelama, tama augwali bugagia bidimainao,’ wali,” Mikaiago te po wai.

Hibru 5:2

Te bidi dabe augwa digi te Godigo po dolo wali pabo bomo meni yai bidi me sogo bidibaso, augwaligo te kolesaga konesiąbo te Godigo tų wali pabo tagalali we bidi dabe dali te dua digi kolesaga sesa pobaso te usu dao.

Hibru 4:15

Dago digi te sęgę aiyaba elaluabo bomo menio. Tiali goli dago genuai pris tobolu bidi aga tede da homu dene isąbo tiwai bidi da po wagobeo. Menio. Te daba usu siyu te pedalobo sęgę tigidali, te tigidali sęgę agaba me pedalama aga me usu sai. Tiali goli agai dwai sę munu me ebeo.

Matyu 10:6

Dage te Israel hani we bidiba naga pao, te augwali te hagawai kibu sipsip tiwai dao.

Te Israel me Juda Hani Sigo Tuni Bidigo Po Elalubo Buku Deli 22:17

Tialima, Mikaiago Ahapba te tiwai po wali, “Eno suali, te Israel ami bidi dabe te bulu du dabede bidalua pelawali, te kibu sipsip augwa tonalubo bidi wasman meni yai tiwai elaluali. Tama eno odali, Genuai Bidigo te po wai, te bidi dabe augwa tobolu bidi meni yai. Augwa te hwįbo tagalama, te augwa buluba ma pelama, te bugagia bidibaso usu yaibao,” Mikaiago te po wali.

Sekaraia 11:16

Magi baso meni, eno te ena hani we bidi dabe tonaluabo bidi me deli muani, augwali te sipsip hani dabe tiwai dao. Tiali goli te tonalubo bidigo te sipsip kibu dabe dolainu ebadi tau me sabeo, tama agai te hagabo kibu sipsip dabe gegeyu i ola bilibo sę me ebeo, tama agai te sipsip dabe keni yai sįsįbo sę me isąwai, tama agai te bugagia bidibo hani sipsip dabe nai mayu me ebeo. Menio. Aga digi te nisali kibu elama mi dabe tubo sę idu, te tigidali tula silibo sę yali, te augwaligo nogo sągą dani dabe dali tula siliboba usu nanio.

Aisaia 13:14

“Tama te sogo we bidi dabe wi pabo te bulu hasa dabe bidigo enainu ebaso, wi pabo tiwai yaibao. Me, te sipsip kibu dabe augwa tonalubo bidi meniama, gegede bilibo tiwai yaibao. Te augwali augwa bulu muba dabe wi ma paibao. Awe, augwali augwa page buluba dabe polo wi soaibao.

Dwagi Yai Gesi Po Makgo Asęani 8:2

“Eno te e bidalubo we bidi augwalide homu dene ebao. Augwali ena dali sela sogo bidalio, tama megi augwali nai meni yai dao.