Matyu 9:22 - Godigo dwagi yai po buku

²² Te Jisas begelama, te we suali. Agai te webolo te po wai, “Eno wegi, nago homu te tegaluama bidao. Nago konealubo po enade dąų waibaso, nago tigi ma usu ilali.” Tama Jisasgo te po obadi yaide, polo tama te we dwagi yai ma yali.

Matyu 9:22 Referans Kwoze

Dwagi Yai Gesi Po Lukgo Asęani 7:50

Tiali goli, Jisasgo te webolo “Nago enaba homu beagasaligo nage sana palali dao. Nage dwagi yai homu dali pao,” wali.

Matyu 15:28

Tama Jisasgo te wego po wei ponoyu, te po wai, “We, nago naga homu tigidali enaba mani sę, enade konealubo sę, te sę genuai mu dao. Tama tibaso, nago ena dali hanalu wali nai po te pedalaibao,” te po wai. Tama Jisasgo te po wabo side, tama te sogo polo tama te wego wegi gasi sana pelama, bidai.

Matyu 9:2

Tama augwaligo gasi bidi me deli aga pageba tolasa asali, te bidigo sągą tigi dili tigidali mu isai, tama aga te gologobe wade pila muai. Tama augwaligo konealubo po agade dąų wali sulama, tama agai te gasi bidibolo te po wai, “Ogwa, nago homu ma tegaluama bidao. Eno nago yali dwai sę sęgę sela sąbao,” Jisasgo te po wai.

Dwagi Yai Gesi Po Lukgo Asęani 18:42

Tama Jisasgo te po wali, “Suao. Nago enade tia sobaso, nago gedu dwagi yai ma ilai dao,” wali.

Dwagi Yai Gesi Po Lukgo Asęani 17:19

Tama Jisasgo te nage usu dao wagasali bidibolo te po wali, “Nago naga homu kolesaga tigidali enaba mubaso, teda nago tigi sese ma yali dao. Tama tibaso, hodaloyu, naga beba pao,” wali.

Dwagi Yai Gesi Po Lukgo Asęani 8:48

Tama Jisasgo te webolo te po wali, “Eno wegi, naga enaba homu konealubo homu bealubogo nage te usu ilaliąo. Dwagi yai homu elasa pao,” wali.

Dwagi Yai Gesi Po Makgo Asęani 10:52

Tama Jisasgo agabolo te po wai, “Nage piduao. Te naga enade konealubo po dąų olama, naga homu enaba tialubo kolesaga ebogo te nage wiegi yai ma ilibao.” Te tama polo te aga gedu usu elama, tama aga bulu ula ma suali. Tama agai te Jisas dali te sunumidu wali pai.

Dwagi Yai Gesi Po Makgo Asęani 5:34

Tama Jisasgo agabolo te po wai, “Eno wegi, te naga enade konealubo po dąų weyu, enaba homu tialubo kolesaga ebogo te nage usu ma ilali dao. Nage pao, tama naga homu nagame wiegi yai elaluao. Nago gasi silimainogo yai,” te po wai.

Matyu 9:29

Tama agai te bidi si geduba nogo muyu te po wai, “Dage sigo konealubo po enade dąų wai. Tama tialigo da, te tiwai sę megi dage siba pedalomainao, te eno homugo.”

Godigo Sęba Tagala Palai Bidigo Po 16:18

Tama te wegigo agai umabo sogo tama naga tiali. Tibaso, nosali Pol aga hagela mu yali. Pol aga begegi solama, te dwai mobobolo te po wali, “Eno Jisas Kraisgo bomode nagebolo obao,” wali, “te wegi tagalama, nage pao.” Pol agai te po olama, tama te dwai mobogo te wegi polo taga pali.

Dwagi Yai Gesi Po Jongo Asęani 4:53

Tibaso, aga ayago koneai, do tama te sogo Jisasgo agabolo “Nago ogwa gasi silama, tama bidibadi paibao” wai dao. Agai te homu yai. Tama te bidi dali aga bede bidibo bage dali, augwaligo augwa homu tigidali Jisasba muani.

Hibru 4:2

Dago te Godigo bukude te toma nabo pesagede wiegi yai po pusali te odai, te Israel dabego polobadu odali po tiwai. Tiali goli augwaligo te po olo dali odolama, tama tede augwaligo homude te konealubo po dąų me wabeo. Tama tiyu, augwaligo te odali po, te pogo augwali tau me sabeo.

Godigo Sęba Tagala Palai Bidigo Po 14:9

Tama agai dugulalu, Polgo wabo po odali. Tama Pol agai suali, te bidi agai homu tigidali te Jisasba bugagia muani kolesaga te usu yali, aga dwagi yai ma ilainogo elalubo usu da homu yali. Tama Pol agai te bidi gedugo bomonama dolo ponama tonaluali.

Matyu 17:18

Tama te ogwa sesama, tama Jisasgo te dwai haubo noma bidibolo wado ilibo po obaso, tama agai te ogwa dali bidali tagalama pabo si da, tama megi naga tama te ogwago gasi sia sai dao.

Matyu 8:13

Tama Jisasgo te ami genuai bidibolo te po wai, “Naga beba pao. Eno homugo nago konealubo po dąų wali pode te sę nageba pedalaibao,” wali. Tama Jisasgo te po wali sogo naga tama te ami genuai bidigo sę ebo bidi gasi usu ma yai dao.