Matyu 8:34 - Godigo dwagi yai po buku

³⁴ Tialima te hanude bidali we bidi tigidali palima, Jisas tiąba pai. Tama augwaligo aga sulama, tama augwaligo po bomonama aga dali te po hanalu weyu, tama aga te tǫde bidibo tagalama, tama aga gasa buluba pao, te po wai dao.

Matyu 8:34 Referans Kwoze

Godigo Sęba Tagala Palai Bidigo Po 16:39

Tama tibaso, te Rom po tų ebo bidi dabe augwali te kalabus beba pelama, Pol dali Sailas dali sibolo te po wai, “Dago dwai kolesaga dage side yali ma, da homu dene mu ebao,” wali. “Dage si e bulu tagalama, gasaba pagameo,” te po wali.

Dwagi Yai Gesi Po Lukgo Asęani 5:8

Tama Saimon (me sogo Pita wabo bidi) agai te tebo sulama, Jisasgo sągą pagede aga kidu sugunama, Jisasbolo te po wali, “O Genuai Bidi, nago ena taga pao. Ena da, dwai sę ebo bidi dao,” te po wai.

Jopgo Po Asęani Elalubo Buku 21:14

“Te dwai kolesaga ebo bidi dabe bidibadi, augwaligo Godibolo e tama wabo dao, ‘Nago da taga palama, naga pao,’ wabo dao. ‘Dago nago po odama, wali pogobeo,’ wabo.

Jopgo Po Asęani Elalubo Buku 22:17

Te bidi dabe augwaligo Godibolo e tama wali, ‘Nago da tagalama, naga pa,’ me ma augwaligo e tama wali, ‘God Tigidali Bomo Elalubo Bidigo dade magi sę mu ebo usugowe?’

Te Israel me Juda Hani Sigo Tuni Bidigo Po Elalubo Buku Deli 17:18

Tama tialima, te wego te Elaijabolo te po wai, “Nage te Godigo sę ebo bidi dao, magi baso nago te tiwai kolesaga ena dali yaliwe? Tama nage aselama, tama Godigo homugo eno sęgę koneama, tama teyu, te eno wai isalio,” te wego te po wai.

Dwagi Yai Gesi Po Lukgo Asęani 8:28

Te bidigo Jisas suyu, moni hai gela olama, Jisas sągą pageba degagaselama, moni i hai olama, te po wali, “Jisas, nage moni genuai Godigo Ogwa dao. Nago enabolo magi sę egowe? Nago ena dene magio,” wali.

Matyu 8:29

Tialima, te bidi sigo bomonama i weyu, te po wai, “Nage Godigo Ogwa dao, nago magi sę da dali megi yainogowe? Te bodolu mani sogo me elalubadi digi, te nage eba asali te nago da dene mawainogo ebawe?” wali.

Te Israel me Juda Hani Sigo Tuni Bidigo Po Elalubo Buku Deli 18:17

Ahapgo aga sulama, te po wai, “Te megi da, eno nage sualio. Te sę yali page te nagede naga elalubaso, tama te tulubage tulisiąbaso, genuai sęgę Israelde elalubo dao,” wali.

1 Samuel 16:4

Tialima, Samuelgo te Genuai Bidigo po odama, tama hogodama, te Betlehemba pai. Aga sabaligi pabode, te taunde bidali tobolu bidi dabego te aga dali deliba gesabidi ununani. Augwali wi elama, dwai noma siyu, tama agabolo te po wali, “Haniani po page konebo bidi, magi yaliwe? Nage asali, te da wiegi yai bugagia ilagasu asaliwe, ma meniwe?” wali.

Bomai Po 5:25

Tiali goli, God dago Genuai Bidigo da dali po ma wabo dago ma odiyu da, teda da isaibao. Te dwai isigo mu da dolaibao. Te magi baso mu megi da isaibawe?

Amos 7:12

Tialima, Amasia pelama, Amosbolo te tama po waligi pali, “Profet, nago e Betelde bidibo gudama, wi pao. Nage Juda tǫba ma geasa pao. Nago profet po te Juda we bidiba wagi pobaso, te Juda dabe augwa digi nage mone momainao.