Matyu 8:15 - Godigo dwagi yai po buku

¹⁵ Tialima Jisasgo aga nogogo te wego nogo diąyu, tama te gasigo aga tagalali. Tama aga hodaluama, tama Jisasgo nai sisi ebo sę ebo gagalali.

Matyu 8:15 Referans Kwoze

Te Israel me Juda Hani Sigo Tuni Bidigo Po Elalubo Buku Si 13:21

Me sogo deli te Israel hanigo te bidi me deli isai bidi te gų pageba pubulainu edubadi, tialima augwaligo suali, ma te Moap hani bidi dabe me badu asobaso, tama augwaligo te isali bidi tigi polo tama augwaligo te Elisa pubulali digi te Elisago dili munalubo madigi augwaligo te isali bidi tigi te gų page dedageba polo subigila munama, tama taga pali, tama augwali wi pela silali. Tama te isali bidigo tigi te Elisago dili munalubo madigi dagana sigi pali, tibaso te isali bidigo mobo bidi aga tigiba ma begasa asobo si, tama te isali bidi ma hoda holali.

Dwagi Yai Gesi Po Lukgo Asęani 8:54

Tiali goli, Jisasgo nogogo te wegi nogo tulama, bomonama, “E wegi, nage hodaluao,” te wali. Aga noma ma bula sagasama, te sogo tama polo hodaluali.

Dwagi Yai Gesi Po Makgo Asęani 1:41

Tama Jisasgo aga homu dene mu ebaso, tama agaba nogo munama diąyu, tama agabolo te po wai, “Awe, eno homugo nage gasi usu ilaibao. Tama nage wiegi yai pedalao, te meda meni yai bidi bidao,” te po wai.

Matyu 20:34

Tama Jisasgo augwali si homu dene yali, tama agai nogo te bidi si geduba muani, tama megi naga tama te bidi sigo gedu pedama wiegi yai ma yai. Tama augwali sigo Jisas aga wali pai.

Matyu 14:36

Tama augwaligo agabolo hanaluyu, te gasi yai we bidi augwaligo nogo naga te agai ugwa sesegeba mumainao wai. Tama te gasi yai we bidi dabe augwaligo te tiwai yali bage tigidali augwaligo gasi usu ma ela silai dao.

Matyu 9:29

Tama agai te bidi si geduba nogo muyu te po wai, “Dage sigo konealubo po enade dąų wai. Tama tialigo da, te tiwai sę megi dage siba pedalomainao, te eno homugo.”

Matyu 9:20

Tama augwali pobadi yaide, we me deli augwali wali asai. Tama te we aga moni kaneme pidubadi, kibu be 12 kibu be bidai. Te we Jisas aga pabo wali asiyu, tama aga homude te wego te po wali, ‘Te eno agai ugwa sabi badu nogogo diąyu da, teda ena usu yaibao,’ te wego te homu yai. Tama te homu elama, te we Jisas tudi badu pelama, tama agai ugwa sabi badu nogogo dią yani.

Matyu 8:3

Te Jisasgo nogo te bidi tigiba munama, tama aga nogogo tigiba diąyu te po wali, “Ao, eno homugo nage gasi usu ilaibao. Tama nage wiegi yai pedalao, te meda meni yai bidi bidao.” Tialima, megi naga tama agai tigiwali dolali gasi silama, tama te bidi aga tigi wiegi yai yai.

Aisaia 6:7

Agai te isi eno pedauwalide munama, agai te po wali, “Eno te isi nago pedauwalide muani dao. Tama nago dwai sęgę sia selama, tama megi Genuai Bidigo nago yali dwai sę sela sąwai dao,” wali.

Matyu 8:14

Tama Jisas Pitago be tomoba pobadi, tama Pitago we aga ida gasi eyu pila mubo suai. Aga tigi posolo gasi yai.

Matyu 8:16

Tama te sogo pio naga augwaligo te dwai haubo augwalide elalubo we bidi hauwa augwali odasa aselama, tama Jisas pageba pedalai. Tama agai pogo naga po obadi tama te dwai haubo noma bidi dabe sela sąwai. Tama agai tigidali gasi yai bidi dabe wiegi yai ilai dao.

Dwagi Yai Gesi Po Makgo Asęani 1:29

Te bidi Jisasgo te dwai mobo bidi sela sąnama, tama te Juda dabego bomai po odobo lotu be taga pelama, tama te Saimon dali Andru dali sigo be tomoba pali. Tama Jems me Jon augwali si me hodobo pali.