Matyu 7:6 - Godigo dwagi yai po buku

⁶ “Te dagego te wiegi yai tedali nai te yowi dabebolo magimio. Tama dagego duga wiegi wiegi yai au yabo bis tiwai nai dabe te kibu dabeba sągimio. Tiyu augwaligo te nai dabe sągągo agalama, tama augwali ma begeleyu, tama dage ma tuidali weyu tama egimio,” Jisasgo te po wai.

Matyu 7:6 Referans Kwoze

Bugagia Bidibo Kolesagade Po Asęai Buku 23:9

Nago te wiegi yai homu elalusiąbo bidi dali po me migio. Te nago wiegi yai homude elaluali po agaba pusu baso da, teda agai dwai mu naga ilaibao. (10)

Bugagia Bidibo Kolesagade Po Asęai Buku 26:11

Te wiegi yai homu kolesaga meni yai bidigo te aga polasa yali esela pabo bidigo ebo kolesaga tobage me iduaibao, te yowigo bogulai bogu te ma begasa pelama, tugi pabo tiwai gilama ebao.

Filipai 3:2

Dage dua dao, te sę dwai ebo bidi dabe, te wili sulai yowi tiwai. Dage dua dao, dwai bidi dabego dagebolo “Te da Juda bidi dabe tiwai eyu, duga tigi togoyu, Godigo sa mubo dąį tigiba muao,” te po wabo bage, te augwalide dua dao.

Matyu 15:26

Tama Jisasgo te wego po wei ponoyu, te po digi po begelama, te po wai, “Te wai pulubago tubo nai te nai dago te dwasianu yowi dabebolo menamuo, te dolo menio,” Jisasgo te po wai.

Hibru 10:29

Te Mosesgo mani bomai po bolali bidi dali te bidi dabego tama tialigo da, teda dagego magi homu te Godigo Ogwa tudiba mubo bidi dali yaibawe? Magi baso menio. Te Kraisgo te Godigo da tau sabo po dąų wali kanemego te bidi wiegi yai ilali. Tiali goli te bidigo dwai kolesaga ma ebogo te po dąų wali kaneme te olo nai tiwai ilalio. Tama agai dwai kolesaga mu te olo tau sabo kolesaga mabo Mobo Bidi dali eyu, tama Mobo Bidi nogi posobo po tama wai dao. Kone palao. Te bidi aga sęgę genuai mu sobaso, te dolo mu dao.

2 Pita 2:22

Tama augwaligo ebo kolesaga te dago wąįgo polobadu wali mu po tiwai dao, “Te yowi ma geasa pelama, aga bugali bogu ma tugi pai.” Tama gasa po me weyu te po wai, “Te kibu aga wę pauwai digi, tiali goli te kibu aga pelama te tǫ pu yai digi pebege ma piligi pabo dao.”

Matyu 24:10

Tama tebo sogo te we bidi hauwa augwaligo enade konealubo po dąų wali tagalama, tama augwaligo augwa ama dabe boi bidigo nogoba munama, tama augwa me augwa digi augwa ama dabe dali boi bidi yaibao.

Bugagia Bidibo Kolesagade Po Asęai Buku 11:22

Te we deli te gasa sawi yai mu bidali, tiali goli agai te bilibo wiegi yai kolesaga te konesiąwai baso da, teda aga te kibu gunide te wiegi yai gol ring elalubo tiwai ebao.

2 Korin 11:26

Te hauwa sogo ena digibulu tųdu bilali. Ena te pabo ąį hauwade hagawainogo yali. Ena te tųdu bilibo bidi elebo aga nai wi sabo dwai bidi dabe augwaligo nogode dolainogo yali. Te eno hani bage, te Juda hani dabe augwaligo me ena dolainogo homu yali, tama Juda hani isąwai bidi dabe augwaligo me ena dolainogo homu yai. Ena te haniani hanude dolainogo yali, tama te bidi meni yai bulude me ena dolainogo yai. Ena te tamu ąįde dolainogo yai. Ena te tibo po wabo abagi dede dabe augwaligo nogode me elainogo yai dao.

Bugagia Bidibo Kolesagade Po Asęai Buku 26:4

Te wiegi yai homu elalusiąbo bidigo, agai te geda mubo po nage dali obaso da, teda nago agai po wei me ponogio. Tiyu, nage aga tiwai pedelabuo.

Matyu 7:5

Nage ugwadu homugo naga po wabo bidi, hasia bolo nago naga gedude te bǫ nami tiwai elalubo pobele bage guda sąyao. Tama tiyu nosali te nago gedu bugagia wiegi yai ebaso, teda naga amago gedude elalubo pobele bage sela sąyu guda sabode nage usu yaibao,” Jisasgo te po wai.

Kraisgo Geme Dualali Sę Pedelabo Po Jonbolo Ola Mani 22:15

Tiali goli te dwai dwai kolesaga ebo bage, augwali te yowi dabe tiwai da, augwali me, te pobi po wabo bidi dabe me, te penani kolesaga ebo we bidi me, te bidi ela mubo bidi dabe me, te tibo god dali lotu po wabo bage, tama te ili po wabo kolesaga godolo eyu wali pabo bidi dabe, te dwai kolesaga wali pabo bidi dabe augwali te Godigo hanu bulu badu bidaibao.