Matyu 7:28 - Godigo dwagi yai po buku

²⁸ Jisasgo wali po silagasu te po wali, tama tibaso te genuai we bidi hani augwaligo te po odama, augwali te pode noma mu siyu bidai dao.

Matyu 7:28 Referans Kwoze

Dwagi Yai Gesi Po Lukgo Asęani 4:32

Tama agai po bomo yai mu wabo odama, te we bidi noma sali.

Dwagi Yai Gesi Po Makgo Asęani 1:22

Tama augwaligo agai po odama, tama augwali moni noma siyu, tama midigi sai. Magi baso meni. Agai augwali te Juda dabego bomai po koneani bidi dabego kolesaga ola mabo tiwai gilama me ebeo. Menio. Agai augwali te nogi dali bomo dali si elalubo bidigo kolesaga ola mabo tiwai mu yai.

Dwagi Yai Gesi Po Jongo Asęani 7:46

Te enesigi bidi dabego po wei ponoyu, te po wai, “Polobadu bidi mego Jisasgo wabo po tiwai munu me wai menio,” te po wai.

Dwagi Yai Gesi Po Makgo Asęani 6:2

Te Sabat sogo aga te bomai po odobo lotu be tomoba pelama, tama te we bidi augwalibolo te Godigo po pusa mani. Tama augwali hauwago agai po odolama, tama augwali dwai noma siyu midigi sali. Augwaligo te po wali, “Te bidigo te ola mani po menade saliwe? Te agade koneani elalubo kolesaga, te menagiai kolesaga dawe? Mena tama tilama agai te bomai sę ebowe?

Dwagi Yai Gesi Po Lukgo Asęani 4:22

Te we bidi tigidali augwaligo Jisas nogi ugwaba sali, tama Jisasgo dwagi yai po pusalide augwali tigidali noma sali. Tiali goli, augwaligo te po wali, “Mena tamawe, e bidi da, Josepgo ogwa meni yali wenagao,” te po wai dao.

Dwagi Yai Gesi Po Jongo Asęani 7:15

Tama te Juda bage tobolu bidi dabe augwaligo agai ola mabo pode noma sali. Augwaligo te po wai, “Te bidi aga te skulba pisąwai bidi dao. Te tiwai bidama, tama agai mena sę ilama, te po page hauwa konebo dawe?” augwa hasi te po wai.

Matyu 22:33

Tede sisinagasali we bidi hauwa augwaligo te po wabo odolama, tama augwali agai te wali pode noma mu salio.

Dwagi Yai Gesi Po Lukgo Asęani 19:48

Tiali goli, te Jisas elabo tų augwaligo sube. Magi baso meni. Te we bidi tigidaligo bomo mu elama, Jisasgo wabo po odai hagede.

Dwagi Yai Gesi Po Makgo Asęani 11:18

Te genuai pris dabe dali, te Juda dabego bomai po page koneai bidi dabe dali, augwaligo te sę ebo po odama, tama augwaligo aga ela muabo sunumi gegebo sę gagalali. Augwali agade wi yali. Magi baso meni, te tigidali we bidi augwali te agai ola mani pode te midigi eyu noma mu sai.

Matyu 26:1

Te Jisasgo te po wali tigidali silama, tama te sogo agai aga wali pabo bidi dabebolo te po wali,

Matyu 11:1

Te bidi Jisas aga wali pabo bidi nogo si olama sągą badu si bidi dabebolo te sę ebo po mawai. Te po silibode teda agai te bulu tagalama, te tǫ badu elalubo genuai hanu dabeba pelama, tama te we bidi augwalibolo agai po ola mayu, tama Godigo po pusai dao.

Godigo Nogi Ugwaba Sabo Tęąbi Po Wabo Buku Dabe 45:2

King bidi, nage te gasa sawi yai bidi mu dao. Te gasa bidi nage tiwai me menio. Nago po te wiegi yai naga elalubo. Tama te sesemane sogo Godigo nageba te wiegi yai homu ebo yai.

Matyu 19:1

Te Jisasgo te sę tonalubo bidi dabede po digi po begelai po wali silama, tama agai te Galili tǫde bidali tagalama, tama te moni pabo ąį Jordan bolama, te Judia tǫ badu pai.

Matyu 7:27

Tama tulubage tuluyu, te wę bomo yai asiyu, tama bomai wali pedaliyu, tama te nai dabego te be degelama, tama te be degelai dao. Te be dolama mu degai dao,” Jisasgo te po wai.

Matyu 7:29

Magi basowe, agai augwali ola mani po te augwaligo bomo yai po page koneai bidi dabego po wabo tiwai wabeo. Menio. Agai augwali po ola mani te po page bidi, bomo elalubo bidi bidiyu, te po augwalibolo ola mani.

Dwagi Yai Gesi Po Lukgo Asęani 2:47

Agai po odali we bidi dabe tigidali noma sali, “Agai homu poa pelamubao, agai pusali po dwagi yai po dao,” wali.

Dwagi Yai Gesi Po Lukgo Asęani 7:1

Te Jisasgo we bidibolo te po pusa silama, nosali Kaperneam be nani tomoba pali.