Matyu 7:22 - Godigo dwagi yai po buku

²² Tama te genuai sogo asobo si, te we bidi hauwa augwaligo enabolo te po waibao, ‘Genuai Bidi, Genuai Bidio, dago nago nogi weyu, dago Godigo po te we bidibolo pusai dao. Nago nogigo bomogo dago te dwai haubo te we bidide elaluali sela sąwai dao, dago te we bidi noma sabo bomai sę yai dao,’ augwaligo te po waibao.

Matyu 7:22 Referans Kwoze

Polgo Si Wali Pas Timotiba Asęani - 2TI 1:12

Tama tiyu, ena kalabus bidi megi bidiyu, tama te sęgę eno tolobao. Tiali goli, ena tede hale me egobeo. Menio. Ena da, te eno Godiba homu tia pai bidi da weyu, te aga eno konebaso hale egobeo. Tama eno koneani, agai ena nogoba te muani sę te agai mu tonaluyu, tama te sesemane sogo bugagia bidada peyu, te genuai bodolu pedalubo sogoba usu nigi pabo aga usu yaibao, te sę hagagobeo.

Polgo Si Wali Pas Timotiba Asęani - 2TI 4:8

Megi da te udabo dąį ilaliba pedalali bidigo genuai nogi yai namba te sisi elama ena tonalubao. Te genuai nogi sabo namba te tiwai yaibao: te Genuai Bidigo ena te doloba pai bidi nogi poaibao. Genuai Bidi aga te doloba pai po tų ebo bidi jas, tama te genuai sogo pedalubode agai te doloba pai bidi nogi enabolo mawaibao. Tama agai enaduba delibolo naga te me magobeo. Menio. Te aga hania pedalubo suainu godolo homu ebo bidi dabe tigidalibolo te doloba pai bidi nogi mawaibao.

Dwagi Yai Gesi Po Jongo Asęani 11:51

Agai po aga homugo digi wabeo. Te menio. Me ma, te kibu bede aga te pris hani bage tuni bidi bidiyu, agai te Jisasde nosali pedalabo sę po, te Juda we bidi tau siyu, aga nosali isabo sę pedalisiąbadi te agai te po wai.

Israel Hanigo Namba 24:4

Tama eno Godigo pusubo po odobo dao. God Tigidali Bomo Elalubo Bidigo te nade ebo sę tiwai enade pedalobo dao. Tama eno bomonama mu tonama, te nai dabe eno hania mu subo dao.

1 Tesalonaika 5:4

Tiali ma, abagi dede, dage hulide bidibo menio, te Genuai Bidi asabo sogo te nai wi sabo bidi tiwai geme eyu, polo aselama, dage noma sogobe. Menio. Dage te hulide bidibeo.

Dwagi Yai Gesi Po Lukgo Asęani 10:12

Eno dagebolo megi obe dao, Godigo we bidi po tų ela mabo sogode, te polobadu dwai bulu Sodom we bidi Godigo hobede elama, dwasianu sęgę mawaibao. Tiali goli, te dagebolo bugai homu isiąyu dawea sisąyane be nani we bidi dabeba mabo sęgę te genuagi mu yaibao,” Jisasgo te po wali.

Matyu 25:11

“Nosali te wel ąį abelegi pali te gasa a naga wegi ogwa we augwali aselama, tama augwaligo bego bego weyu te po wai, ‘Genuai bidi, genuai bidi, nago da be tų dalao.’

Matyu 24:36

“Tiali goli mena bidi mego te asabo sogo te bodolu munu me konebeo. Te dagalude bidibo mobo bidi ensel dabe augwaligo me konebeo. Ogwago me konebeo. Aga Aya deligo naga te bodolu konealubo dao.

Matyu 7:21

Te Jisas agai po me weyu, te po wai, “Te we bidi hauwa augwaligo enade bomonama te po wabo dao, ‘Dago Genuai Bidi, dago Genuai Bidi,’ te po augwaligo enade wabo dao. Tiali goli, augwali tigidali te Godigo we bidi tonalubo madi te dagalu tomoba pogobeo. Tigidali menio, meba we bidi naga tomoba paibao. Eno Aya aga bidibo madi dagalude bidibo dao. Tama niwai bidi agai eno Ayago homu wali pabo bidi, te bidi naga te Godigo we bidi tonalubo madi tomoba bidigi paibao.

Aisaia 2:17

Te Genuai Bidi sabalobo sogo da, agai te dene mabo kolesaga elama, augwa nogi ugwa sabo bidi dabego nogi aiyaba elaluaibao. Tama augwali hale mu yaibao. Tama me te tibo god dabe mu sia saibao. Tama te sogo Genuai Bidi aga deli naga te sogo genuai nogi saibao.

Aisaia 2:11

Te Genuai Bidi sabalobo sogode da, agai te dene mabo kolesaga elama, augwa nogi ugwa sabo bidi dabe aiyaba elaluaibao. Tama augwali hale mu yaibao. Tama te sogo Genuai Bidi deli naga genuai nogi saibao.

Polgo Si Wali Pas Timotiba Asęani - 2TI 1:18

Te genuai po tų yabo sogode eno homugo te Genuai Bidigo Onesiforus homu dene eyu tau sao. Tama te bidi agai ena te Efesus bulude hauwa sogo tau sali, te naga digi bugagia naga koneai dao.

2 Tesalonaika 1:10

Te we bidi dabe augwali te Jisas e tǫba asobo side augwali te tiwai mu hagawaibao. Tama agai e tǫba asobo sogode, agai doloba pai mu we bidi augwaligo aga nogi ugwaba mu saibao. Tama konealubo po Jisasde dąų wali we bidi, augwali noma siyu, Jisas dali dwagi yai po waibao. Tama dago Godigo po dage tomode pusulama, tama dagego konealubo po te pode dąų obaso, te dagego me augwali dali Genuai Bidigo nogi te sogo ugwaba saibao.

Matyu 10:15

Eno mu po dagebolo obao, te tigidali we bidi po tų ebo bodolu muani sogo, te dagego po odobo hagela yai we bidi augwaligo sabo sęgę te genuai mu saibao, te sęgęgo te hanu si Sodom me Gomora side polobadu bidali dwai dwai kolesaga yali we bidigo sabo sęgę aiyaba elaluaibao,” Jisasgo te po wai.

Israel Hanigo Namba 31:8

Tama augwaligo Midian dabego tuni bidi dabe a naga me ela muani. Te da te Evi, me Rekem, me Sur, me Hur, me Reba. Me augwaligo te Beorgo ogwa Balam me augwaligo ela muani.