Matyu 6:34 - Godigo dwagi yai po buku

³⁴ Tama tibaso, dagego do yabo sęde homu hauwa mu egio. Te do pedalabo sęgę te augwa digi do dodololaibao. Te deli sogo ebo sęgę te sogo naga usu nama yaibao,” Jisasgo te po wai.

Matyu 6:34 Referans Kwoze

Matyu 6:25

“Tama tibaso, eno e po dagebolo obao, dagego duga bidibo ula tigi tau mabo naide homu hauwa eyu, te po wagimio, ‘Da magi nai tugowe?’ ma ‘Da magi wę tueibawe?’ Tama dagego duga tigi tau siyu gudabo ugwade homu hauwa elama te po olamuo, ‘Da magi ugwa gudugowe?’ Te bidabo ula elalubogo te tubo nai aiyaba elalubo dao. Me te tigi elalubogo te gudabo ugwa aiyaba elalubo dao.

Dwagi Yai Gesi Po Jongo Asęani 14:27

“Eno dage taga pabo sogo pąde dao. Tama dage wi idali weyu, tama eno dage homu nagame elama, dua bidimainogo eno dagebolo bomo mobao. Eno te dwagi yai homu nagame ebo kolesaga eno dagebolo mobao. Tǫde we bidigo nagame yai mabo homu kolesaga tiwai eno dagebolo mabeo. Dagego homu kolesaga polo midigi siyu, tama dage wi egio.

Dwagi Yai Gesi Po Jongo Asęani 16:33

Eno homugo dage ena dali wadoloyu, tama dwagi yai homu nagame elama bidimainogo eyu, eno e po tamadi tama dage dali wai dao. Dage tǫde bidibadi te tǫde we bidi augwaligo dwai sę dage dali yaibao. Tialima, dagego homu bomo elama, bidao. Eno e tǫde kolesaga aiyaba elaluai dao,” Jisasgo te po aga sę bidi dabe dali wai.

Dwagi Yai Gesi Po Lukgo Asęani 11:3

Da bidibo dononama dago homugo tubo nai mao.

Te We Bidi Dabego Jerusalem Hagede Gela Wali 3:23

Menio. Te agai te kolesaga tigidali bubugade gesi noma pedalobo tiwai ebo dao. Genuai Bidi, nago te homugo kęą pabo kolesaga da dali tigidali sogo ebo dao. Nago te kolesaga te wiegi yai mu dao.

Matyu 6:11

Dago homugo nago megi e sogode usu nama te da tuabo nai mao.

Godigo Sęba Tagala Palai Bidigo Po 14:22

Augwali sigo te Jisasgo po wali pabo we bidibolo dwagi yai po mobo mani, augwaligo Jisas konealubo homu dąų walomainu. Augwali sigo te genuai po ola mawai, “Dago te Godigo tųdu pobadi, gasa we bidi augwaligo dabolo haniani sęgę mawaibao, tama nosali Godigo da tonalubo buluba da sabolaibao,” te po wai.

Bomai Po 33:25

Tama augwaligo taun obo sunumi dabe te boma pai ain sunumi dabe elaluaibao. Tama tibaso, tigidali sogo augwali bugagia mu bidiyu, augwali wi me egobeo,” wali.

Matyu 6:27

Mu tama dao, dage tomode niwai bidigo moni homu ebogo te aga digi aga bidabo bubuga bobobage ma ilabo usu yaibawe? Te menio, usu me egobeo.”

Dwagi Yai Gesi Po Lukgo Asęani 10:41

Genuai Bidigo wei ponoyu, te po wali, “Marta, Marta, nage da te tigidali nai sulama, homu te tųą pobao.

Dwagi Yai Gesi Po Lukgo Asęani 12:11

Dagego Godigo po pusubaso, augwaligo dage te Juda dabego bomo yai po ola mabo beba odasa selama, po tų ela mawainu eyu, ma te gavman tobolu bidigo gesabidide me po tų ela mawainu ebaso da, eno mena po obaso, te ena sana pabo po wagowe te homu eyu, te nago moni homu egimio. Magi baso menio.

Dwagi Yai Gesi Po Lukgo Asęani 12:22

Jisasgo aga wali bilibo bage dabebolo te po wali, “Tama tibaso, eno dagebolo te tama po obao, dagego te po begelama pusali pode te homu hauwa elama, te tigi tau sabo nai tulama bidabo te naiba homu dogia pigio, ‘Te mena nai tugowe?’ Te dagego tigi tau sabo sęde homu hauwa dogia pelama, te po wagio, ‘Te dago mena ugwa dabe gudugowe?’ te homu me dogia pigio.

Filipai 4:6

Dagego haniani naide moni homu egimio. Te menio. Te dageba pedalobo sę tigidalide dagego Godibolo tede po weyu, tama agabolo buba hwi olama, tama te dagego sǫą pabo naide aga hanalu wao.

1 Pita 5:7

Tama bidiyu, tama God agai dagede homu eyu, tama agai dage bugagia tonalubaso te dagego moni homu ebo sę tigidali aga nogoba muiąo.