Matyu 6:26 - Godigo dwagi yai po buku

²⁶ Dagego te ba dabe suao, te dagalude bola pobao. Augwaligo nai bulusiąma, tama te nai sisinama te nai mubo beba me mubo meni goli, augwali nai te Godigo mabo dao. Tama tiyu, God agai gedude te ba dabe augwali genuai nai meni yai goli, agai augwali bugagia tonalubo dao. Tama dage da, dage agai gedude genuai dao. Tama tibaso, agai dage me bugagia tonaluaibao.

Matyu 6:26 Referans Kwoze

Godigo Nogi Ugwaba Sabo Tęąbi Po Wabo Buku Dabe 147:9

Agai te tigidali kibu hasa dabeba nai mobao, tama te gesi tamadi dilibo ba tagadi dabego i wabo sogo, te agai augwaliba nai mabo dao.

Jopgo Po Asęani Elalubo Buku 38:41

Tama te sisi yai kotkot ba dabe tuabo nai menia sobaso, tama nai gege bilibadi yaide, tama augwa wai dabe ena Godiba nai sainu hanalubadi, tama dego mu augwali nai mabo dawe?” te po wali.

Matyu 6:32

Menio. Te kolesaga tigidali te Godigo po odisąbo we bidigo wali pabo homu kolesaga dao. Tama duga Aya dagalu bidi agai dage te haniani nai habuge ebo si agai koneyu, tama agai dage tau saibao.

Matyu 7:9

Tama dage tomode bidi me deligo waigo aga ayabolo te tubo nai bret mao po obaso da, teda aga ayago te waibolo te masigi me deli sela mawaibawe? Menio.

Jopgo Po Asęani Elalubo Buku 35:11

Agai da ola mabode da homu kolesaga hauwa mu sabo dao. Tama dago homu kolesagago bulu ba hasa dabego kolesaga edelai elalubo dao.’ Te sęgę tolobo bagego te po wabo dao.

Godigo Nogi Ugwaba Sabo Tęąbi Po Wabo Buku Dabe 50:11

Te tigidali ba, me te busi hasa dabe me, te kala nosa bulude bilibo ba sibi me, te tigidali eno muai nai naga dao,” Godigo te po wai.

Dwagi Yai Gesi Po Lukgo Asęani 12:18

Eno te ebao,’ agai te po weyu, aga homugo tiali, ‘Eno gide ebo nai me, olo dwagi yai nai me muai hagede te eno hasia nai mudali be dabe hųginama, genuai be ma sę yaibao,’ te homu yai.

Tigidali Nai Gagalama Nigali Side 6:21

Tama nago te naga tuabo haniani nai badi, te haniani hasa dabego tubo nai me, te ba dabego tubo nai me selama, te moni sip geba tomoba muao,” te po wai.