Matyu 6:19 - Godigo dwagi yai po buku

¹⁹ “Dagego duga wiegi yai doado bage e tǫde sabogimio. E tǫde dwai asibago me te yaba ilibo nai dabego te nai doloyu, me te nai wi sabo bidi dabego te be tomode munalubadi aselama, nai wi sabo dao. Tama tibaso, te nai e tǫde sabogimio.

Matyu 6:19 Referans Kwoze

Hibru 13:5

Dagego te monede pesą eyu godolo ebo kolesaga wali me pigio. Te dagego tolalubo naide te dagego e tiwai homu yao, “Te wiegi yai dao. Te ena usu yaibao.” Magi baso meni, Godigo digi te po walio, “Te ena nage munu me tagalogobeo. Te eno nage tudiba munu me mugobeo.”

Dwagi Yai Gesi Po Lukgo Asęani 12:21

Jisasgo te po silu, te po wali, “Te da e tǫde bidi dabego augwa tobade nai umabo selama, sabobo ąǫ te ebao. Tiali goli, Godigo gedude augwali te magi nai meni yai bidi bidaibao. Te nai dabe agade me elalugobeo,” Jisasgo te po wali.

Bugagia Bidibo Kolesagade Po Asęai Buku 16:16

Te nago wiegi yai homu kolesaga te koneama sobaso da, teda tego te gol hauwa me silva te aiyaba mu elalubo dao.

Bugagia Bidibo Kolesagade Po Asęai Buku 11:4

Te nago masigi hauwa elalubadi digi te tagalao, tego te Genuai Bidigo nageba te dwai sę yali wei ponainu ebo sogo te nage tau me sogobeo. Tiali goli, nago te doloba pai kolesaga wali pali da, tego te nage tau selama, tama nage polo me isigobeo.

Dwagi Yai Gesi Po Lukgo Asęani 18:22

Te Jisasgo te bidigo wali po odama, tama agabolo te po wali, “Magi nai me deli elalubuo, te sę nago ebeo. Nago beba pelama, naga doado bage tigidali selama, maketba munama, tama gasa bidi dabego abelaibao. Tama te doado bagede sali mone sobaso, te nai meni yai we bidi dobayao. Nago te sę ebaso, Godigo bidibo madide nago doado bage hauwa mu elaluaibao, nosali. Tama nago te sę elama, nage ena wali asao,” Jisasgo te po wali.

2 Timoti 6:17

Timoti, nago te tǫde doado bage hauwa elalubo bidi dabebolo e po bomo elama wao: “Dagego te gasa bidi dabe dali hagoma me elamuo, tama dagego te tiwai homu me egio, ‘Eno doado bage hauwa elalubaso, te bugagia bidaibao.’ Dagego te homu me egio. Menio. Dagego dąų wabo homugo te nai dabego augwali tau siyu bugagia bidaiba homu elamuo. Magi baso meni, te tǫde nai augwaligo da tigidali sogo tau sabo usu menio. Tama dagego e homu yao, ‘Eno Godiba konealubo po dąų mu olama, tama agai ena tau siyu, ena bugagia bidaibao,’ dagego te homu yao. Te dago homu dwagi yai pemene emainogo eyu, tama God aga digi te haniani dwagi yai nai te dabolo olo mu mabo dao.” Te doado bage hauwa elalubo we bidibolo te po pusao.

Dwagi Yai Gesi Po Lukgo Asęani 12:33

Duga munalubo nai dabe tigidali gasa bidibolo menama, mone ge selama, nai meni yai we bidibolo maiąo. Dagego tama tiyu da, ta duga wiegi yai nai dabe dagalude muiąo. Tama tede te nai me dologobeo, bidi mego wi sogobeo, mano dabego me tugobeo.

Sefanaia 1:18

Tama te bubugade Genuai Bidigo sębę hania haninama, mu suaibao. Tama augwaligo silva me gol dabego augwali tau me sogobeo. Mu menio. Genuai Bidigo sębę te dwai isi tiwai pedelama, tama tigidali tǫ dela silaibao. Tama deli sogo tama agai tǫde we bidi sese tama mu silaibao.

Dwagi Yai Gesi Po Lukgo Asęani 18:24

Tama Jisasgo te bidi aga homu sęgę mu ebo suyu, te po wali, “Te walu hauwa munalubo we bidi, sibage hauwa munalubo bidi, augwali Godigo bomo tomoba pai hagede, te moni sinabo sę mu yaibao, tabiaibao.

Godigo Nogi Ugwaba Sabo Tęąbi Po Wabo Buku Dabe 62:10

Tama tibaso, dagego te tama homu igimio, “Te hwįbo kolesaga me, te nai dabe wi sabo kolesaga me, te wiegi yai kolesaga da weyu, tama da te mone bidi pedalubaso, te usu yaiba,” homu me igio. Ma, te dagego mone me doado bage te hauwa pedalubaso da, teda dagego te nai dabeba naga duga homu mugio. Te usu egobeo.

Godigo Nogi Ugwaba Sabo Tęąbi Po Wabo Buku Dabe 39:6

Tigidali bidi te ni noma te giligade elalubo tiwai ebao. Augwa te doado bage hauwa sabo sę dene ebadi, tiali goli, augwa te sę dene odolali hagayu yai. Te bidi dabego doado bage hauwa sisinani, tiali goli, augwali isibo si, dego sogowe, te augwaligo me konebeo.

Matyu 19:21

Tama Jisasgo agabolo te po wali, “Te nage doloba pai mu pedalabo homu ebaso da, teda nage pelama, nago doado bage tigidali te bidi dabego abelemainogo munama, tama nago te sali mone te magi nai meni yai we bidi augwalibolo te mone mao. Teda nago nosali sabo wiegi yai nai hauwa mu te Godigo bidibo madide sisi ilai elaluaibao. Tama tilama, nage ena wali asao,” Jisasgo te po wai.

Jopgo Po Asęani Elalubo Buku 31:24

“Mu tama. Eno ena bomai sę elama, mone dabe hauwa mu sai dao. Tiali goli, eno tobolu gagea pelama, tama ena nogi ugwaba sai meni. Tama eno homugo e tama tiai meni, eno te dwagi dwagi yai gol dabe, mone dali sigo naga ena bugagia bidibo tau sabo usu yaibao, eno te homu me ebe.

Kolesaga Koneai Bidigo Pusali Po Elalubo Buku 2:26

Te we bidi mebago te Godigo homu wali pobaso, tama agai augwali dali dwagi yai homu ebo dao. Agai augwaliba te wiegi yai homu kolesaga menama, te augwali pemene ilibo dao. Tiali goli, te tobage kolesaga isąwai bage, te dwai sę ebo bage yaibaso da, teda agai augwaliba te sę dene menama, te sali nai hauwa te sisinama, te Godigo dwagi yai homu ilibo we bidi augwaliba momainu ebo dao. Te sę dene eyu, doado bage hauwa sabo kolesaga me te page meni yai elalubao, te bidi udayu, te wali nogogo tola sainu ebo tiwai ebo dao.

Ma Dobola Sali 22:2

Tama agai dolo ponomainao. Tiali goli, agai wei ponabo bulmakau me sipsip te meni baso da, te aga dagego te olo sę ebo bidi tiwai te gasa bidigo abelemainogo elama, tama te mone dagego selama, agai te wi sali kibu wei ponao. Tama agai te wi sali bulmakau, me sipsip, ma te bidi duabo donki, te nai dabe te agade elalubaso da, teda agai te nai si te aga te dwai sę yali wei ponao.” “Tama nai wi sabo bidi me deligo be hulide te be daga aluama, tama gasa bidigo aga dąų olama, tama aga ela mubaso da, teda te nai wi sali bidi ela muani bidi aga te sęgę menio. Tiali goli, agai aga te siade ela muyu da, te agai bidi ela mubo sęgę elalubao.”

Jopgo Po Asęani Elalubo Buku 24:16

Te hulide da, te nai wi sabo bidi dabe pelama, bidigo be paiai daga hųginama, tama tomoba nai wi sainu pabo dao. Tiali goli, giligade da, augwa be tomode dualalubo dao. Magi baso meni. Giligade da, augwaligo sogo meni.

Matyu 6:20

Te menio. Te dagalude te dwai asiba dabego me te doloyu, te dwai yaba ebogo te nai me dologobeo, tama te nai wi sabo bidi dabego te be aluama te nai wi me sagasogobeo. Tama tibaso, dagego duga wiegi yai doado bage te dagaluba naga saboama muiąo.

Dwagi Yai Gesi Po Lukgo Asęani 12:39

Dagego te sę homu kone palao. Te be page bidigo te nai wi sabo bidi te mena sogo asobo te konegi sogo da, te da tonalubadi, te nai wi sabo bidi aga be aluama, te be tomoba asobo sulama gogolama tagaligi menio. Te tonalubadi ebaso, te nai wi sagasigi menio.