Matyu 5:47 - Godigo dwagi yai po buku

⁴⁷ Tama dagego duga abagi dedebolo naga te siade da po weyu da, teda dagego te sęde te gasa bidi augwali aiyaba elaluaibawe? Te menio. Te Godigo po odosiąwai we bidi augwaligo me te tiwai kolesaga ebo dao.

Matyu 5:47 Referans Kwoze

Dwagi Yai Gesi Po Lukgo Asęani 6:32

“Dagebolo dwagi yai homu ebo bidi dabebolo naga duga dwagi yai homu eyu da, magi baso Godigo te dagebolo dwagi yai homu yao po waibawe? Dwai dwai sę ebo bidigo me augwalibolo dwagi yai homu ebo bidi dali dwagi yai homu ebo dao.

Matyu 5:20

Tama tibaso, eno dagebolo obao, te dagego doloba pai kolesaga ebogo te bomo yai po koneani bidi me te Farisi dabe dali augwaligo kolesaga dagego aiyaba me elalusiąbaso da, teda dage te Godigo we bidi tonalubo obo tomoba pogobeo.”

1 Pita 2:20

Me ma, dage dwai sę idu geyu, tama augwaligo nogogo dage elama, tama dagego te sęgę bugagia toloyu da, te mena bidigo dagego nogi ugwaba saibawe? Bidi meni. Tiali goli, me sogo dage dwagi yai sę yai goli augwaligo dage dene mawaibao. Tama te sogo dage nagamea homu eyu, te sęgę bugagia toloyu da, teda God agai dage dali dwagi yai homu yaibao.

Matyu 10:12

Tama dage te be tomoba pobadi, dagego te bede bidibo we bidi augwalibolo dwagi yai homu eyu te po wao, ‘Te dago homugo te wiegi yai sogo mu dageba asomainao.’

Matyu 5:46

Tama te bidi dabe augwaligo dage godolo ebo bidi dabe te augwali dali naga dagego dwagi yai homu elama godolo eyu da, te Godigo dagebolo dwagi yai nai magi baso mawaibawe? Te takis mone sabo bidi dabe augwaligo te tiwai sę ebo dao. Tiali goli dagego homu augwali dwai bidi dabe dao.

Matyu 5:48

Tiali goli dage, te dage wiegi yai kolesaga dali bugagia doloba pai mu bidiąo, te duga dagalude bidibo Aya aga bugagia doloba pai mu bidibo tiwai gilama yao,” Jisasgo te po wai.

Kolosi 4:14

Luk, te dago aga dali dwagi yai homu eyu godolo ebo dokta bidi dao, aga dali Demas augwali sigo dage Kolosi we bidibolo siade dao po ola tolobao.

Kolosi 4:15

Dagego eno siade dao wabo po te Laodisia hanude bidibo ama dabe, te Godigo po odobo bage augwalibolo wao. Tama eno te siade dao wabo po te we Nimfa dali, agai beba sisinibo Godigo po odobo we bidi augwalibolo me wao.