Matyu 5:46 - Godigo dwagi yai po buku

⁴⁶ Tama te bidi dabe augwaligo dage godolo ebo bidi dabe te augwali dali naga dagego dwagi yai homu elama godolo eyu da, te Godigo dagebolo dwagi yai nai magi baso mawaibawe? Te takis mone sabo bidi dabe augwaligo te tiwai sę ebo dao. Tiali goli dagego homu augwali dwai bidi dabe dao.

Matyu 5:46 Referans Kwoze

Matyu 11:19

Me ma, te Godigo Bidi Mu asali, tama agai nai dali ąį dali tuyu yai, tama augwaligo agade te po wai, ‘Suao, aga te nai hauwa mu tubo bidi, tama agai te bomai wain wę me hauwa mu tubo dao. Aga te takis mone sabo dwai bidi dabe dali te sęgę sai bidi dabego kisasa bidibo abagi dao,’ te po wai dao. Tiali goli te God aga mu konebo homu kolesaga ebo po te we bidigo odama, tama te kolesagago yali sę nosali subaso da, teda augwaligo koneaibao, te homu kolesaga mu dao,” Jisasgo te po wai.

Dwagi Yai Gesi Po Lukgo Asęani 18:13

“Tiali goli, te gavman takis sabo bidi digibulu uba doligi pelama, tama aga gedugo dagaluba ogwaba tonalubeo. Ena dwai dwai sę yalio te homu eyu, homu dene eyu, aga hagawiaba nogogo eledu bidali. Agai te po wali, ‘God, enade homu dene eyu, tau mao. Ena dwai dwai sę ebo bidi dao,’ te po wali.

Dwagi Yai Gesi Po Lukgo Asęani 15:1

Te takis sabo bidi dabe dede, dwai kolesaga ebo bage me, augwali hauwa Jisas pageba asali, agai ola mabo po odainu hagede yali.

Matyu 18:17

Tiali goli agai augwaligo po odobo me hagela ebaso da, teda dagego te Godigo po odobo we bidi hanibolo te po pusao. Tama agai te Godigo po odobo we bidigo po me odisąbaso da, teda dagego homugo aga te Godigo po odisąbo bidi, ma te takis mone sabo sę ebo dwai bidi tiwai da homu eyu, aga sula tagalao,” Jisasgo te po wai.

Matyu 6:1

Te bulu du daide bididubadi, Jisasgo te po me wai, “Dage dua dao. Te we bidi dabe augwaligo dagego te wiegi wiegi yai kolesaga ebo sulama, tama augwaligo dagego nogi ugwaba somainogo te bidi dabe augwali gedude te duga wiegi yai kolesaga egimio. Te dagego tama kolesaga eyu da, te duga dagalude bidibo Aya agai te dage mawainogo sisi elama elalubo te wiegi yai nai te dagego me sogobeo.”

Dwagi Yai Gesi Po Lukgo Asęani 19:7

Te we bidi augwaligo te sulama, tama hagelabo po weyu, te po wali, “Jisas te dwai sę ebo bidigo beba nai tugi pali.”

Dwagi Yai Gesi Po Lukgo Asęani 19:2

Te be nanide bidali bidi me agai nogi Sakius. Agai mone sabo sę te Rom gavman takis sabo sę yai. Tama aga te takis sabo bagego polalubo bidi dao, agai mone me doado bage me kisu delalubo.

Matyu 5:47

Tama dagego duga abagi dedebolo naga te siade da po weyu da, teda dagego te sęde te gasa bidi augwali aiyaba elaluaibawe? Te menio. Te Godigo po odosiąwai we bidi augwaligo me te tiwai kolesaga ebo dao.

Dwagi Yai Gesi Po Makgo Asęani 2:15

Tama nosali Jisas me, aga wali pabo bidi dabe me, augwali te Livaigo beba duagi pelama, nai tuali. Tama te takis mone sabo bidi hauwa me te dwai sęgę sai bidi hauwa augwali Jisas dali me aga wali pabo bidi dabe dali hodobo dugulama nai tuali. Te tobage tiwai bidi hauwa augwali sesemane sogo te Jisas wali bilaluai.

Dwagi Yai Gesi Po Makgo Asęani 2:16

Te Juda bidi dabe tomode te hani me deli nogi Farisi hani elaluali. Tama Farisi bage meba augwali te Mosesgo bomo yai po page koneai bidi dabe, augwaligo suali, te Jisasgo te dwai sęgę sai bidi dabe dali, me te takis mone sabo bidi dabe dali, nai tubo suali. Tama augwaligo aga wali pabo bidi dabebolo wali, “Magi baso agai te takis mone sabo bidi dabe dali, me te dwai sęgę sai bidi dabe dali nai tubawe?” te po wai.

Dwagi Yai Gesi Po Lukgo Asęani 3:12

Takis sesa bilibo bidi dabe me badu Jon pageba te baptais sainu asama, hanalu wali, “Po ola mabo bidi, dago magi yagawe?” wali.

Dwagi Yai Gesi Po Lukgo Asęani 5:29

Tama Jisas moni nogi elalubaso, Livaigo agai bede nai ulubaso, te takis sabo bidi hauwa mu dali, te gasagi yai bidi dabe me, augwali te nai tuagasali.

Dwagi Yai Gesi Po Lukgo Asęani 5:30

Tama te Farisi hani sibi bidi dabe me, te Godigo bomo yai po konebo bidi dabe me, augwaligo te sulama, Jisas wali pabo bidi dabebolo wado po weyu, te po hanalu wali, “Dage te takis sabo dwai bidi dabe me, te dwai sę ebo dabe me, te augwali dali hodobo magi baso nai tubawe?”

Dwagi Yai Gesi Po Lukgo Asęani 7:29

Te bidi Jongo baptais mani we bidi dabe me, te baptais sali te takis sabo bidi dabe me, augwaligo Jisasgo wali po odolama te homu yai, Godigo mu po dolo wali da homu yalio.

Dwagi Yai Gesi Po Lukgo Asęani 7:34

Me ma, ena Godigo Bidi Mu asama, nai tuyu, ąį tuyu ebadi goli, dagego enabolo ‘Buluba sela sąwai bidi dabe, takis sabo bidi dabego abagi dao,’ wai dao. Me dagego enade ‘Bomai ąį me nai e tudu gebo dwai bidi dao,’ wai dao.