Matyu 5:43 - Godigo dwagi yai po buku

⁴³ Jisasgo te po wai, “Te dagego odai, polobadu augwaligo te po wai dao, ‘Nago naga abagi godolo eyu, tama nago naga boi bidi dali dwai homu yao.’

Matyu 5:43 Referans Kwoze

Pris Sę Ebo Bomai Po 19:18

Te naga abagi me deligo nageba dwai sę ebo te nago wei me ponogio, te nago sesemane sogo aga dali wado po me udugio. Nago gasa we bidi dabe godolo mu yao, te naga digi naga godolo ebo tiwai yao. Ena Genuai Bidigo eno te po obao.”

Matyu 19:19

Nago naga aya idago po wali pao. Tama nago gasa bidi dabe dali dwagi yai homu eyu godolo yao, te nago naga digi naga dwagi yai homu eyu godolo ebo tiwai kolesaga te gasa bidi dabe dali me tama naga tiao,” wali.

Bomai Po 23:6

Tama tialima, dagego tigidali sogo te we bidi augwali dali abagi dao weyu, dwagi yai bidabo bomai po augwali dali dąų wagimio.

Jems 2:8

Te dago genuai tuni bidi God agai bomo yai po me deli bukude polobadu mu asęyu, te po wai, “Nago naga tigi dali dwagi yai homu eyu, godolo ebo tiwai, nago gasa bidi dali me tama naga tiyu, tama nago te bidi dali wiegi yai homu yao,” te polalubo bomo yai po asęani. Tama tiyu, dagego te bomo yai po wali peyu da, te dagego wiegi yai kolesaga naga wali paibao.

Godigo Nogi Ugwaba Sabo Tęąbi Po Wabo Buku Dabe 41:10

Genuai Bidi, nago te olo tau sabo wiegi yai kolesaga enaba eyu, tama e gasi silimainu yao, tama te eno te bidi dabe augwa yali kolesaga wei ponaibao.

Matyu 5:21

Te Jisasgo te po wai, “Te Mosesgo dagego wąį dabebolo polobadu ola mani po te po dagego odai dao. Agai te po wai, ‘Te nago bidi me ela mugio. Tama bidi mego bidi me deli ela mubaso da, teda dagego te bidi aga te po tų ebo bidiba odasa pao,’ te po wai.

Bomai Po 25:17

Tama Mosesgo po geninama ma weyu, te po wali, “Dagego te Amalek dabego dage Isip bulu tagalama asobadi yali dwai sę koneiąo, te gegeda pigimio.

Bomai Po 23:3

“Te Amon hani me Moap hani me, augwali te Genuai Bidigo we bidi hani tomoba aselamuo, augwaligo hani wąį nosali ame neyu, neyu idu gelama, tama hani sibi te nogo siba usu nubosi da, nosali mu, teda augwali te Genuai Bidigo we bidi hani tomoba asomainao.

Matyu 5:27

Te Jisasgo te po wai, “Te Mosesgo dagego wąį dabebolo polobadu ola mani po te po dagego odai dao. Agai te po wai, ‘Penani egio.’

1 Jon 4:21

Tama te bomo yai po dago God agade sai, te po tama wai: niwai bidigo God dali te dwagi yai homu eyu godolo ebo bidi, agai aga ama dali me dwagi yai homu eyu godolo mu yao.