Matyu 5:39 - Godigo dwagi yai po buku

³⁹ Tiali goli megi eno dagebolo obao, te bidi mego dwai sę dagebolo ebaso da, te dagego agabolo te sę ebo wei ponogio. Menio. Te bidi me deligo nage nabo gede me badu nogogo elebaso da, teda nago gasa me badu nabo ge me te begelao, agai tede elemainao.

Matyu 5:39 Referans Kwoze

1 Tesalonaika 5:15

Gasa bidi dabe augwaligo dage dali dwai sę ebaso da, dagego augwali dali te dwai sę ebo wei ponogio. Dagego te tiwai idali weyu, bugagia tonaluao. Tigidali sogo dagego bomo elama, duga hasi augwali dali dwagi yai sę naga yao. Tama te sę tiwai tigidali bidi dali me yao.

1 Pita 3:9

Bidi mego dage dali dwai sę ebo si, tama dagego dwai sę eyu ma wei ponogio. Ma, bidi mego dage dali dwai dwai po wabo si, dagego te dwai po me weyu wei ponogio. Te menio. Dagego God hanalu wabo po wao, agai augwali dali dwagi yai sę emainogo yao. Te God agai dagego te tobage sę emainogo dage i wali dao, tama nosali agai dagebolo dwagi yai kolesaga mu yaibao.

Bugagia Bidibo Kolesagade Po Asęai Buku 20:22

Nago homugo te gasa bidigo nageba ebo dwai sę wei ponabo homu me igio. Menio. Nago te Genuai Bidi tonaluyu da, te agai nage tau saibao, tama agai nago te sęgę silaibao.

Te We Bidi Dabego Jerusalem Hagede Gela Wali 3:30

Te bidi dabego aga nabo gede nogo sawaligo elebaso da, tama aga dali dwai po waiyu ebaso da, teda agai augwaligo te tama sę emainu sula tagalamainao.

Pris Sę Ebo Bomai Po 19:18

Te naga abagi me deligo nageba dwai sę ebo te nago wei me ponogio, te nago sesemane sogo aga dali wado po me udugio. Nago gasa we bidi dabe godolo mu yao, te naga digi naga godolo ebo tiwai yao. Ena Genuai Bidigo eno te po obao.”

Bugagia Bidibo Kolesagade Po Asęai Buku 24:29

Nago te tiwai po weyu, “Megi da, eno te agai dwai sę yali wei ponaibao,” po wagio. “Te eno agai ena dali te yali tobage sę tiwai kolesaga te aga dali yaibao,” po me olamu dao.

Aisaia 50:6

Ena te bidi dabego keloago tudide elama, eno penane nisi gudumainu yalio. Te augwaligo enaba dwai posobo po weyu, eno gesabidiba pesą sąyu yali, eno ena gesabidi te augwaliba dualubeo.

1 Korin 6:7

Awe, dagego duga hasi te ama dabe po tų ilibo, tama te kolesagade digi te dage tulalualio. Magi baso augwaligo te dwai sę dagebolo emainu gogolobewe? Magi baso te augwaligo dagego doado bage anoma elama somainogo gogolobewe? Dagego te tiwai egi sogo da, teda tebogo dagego te Godigo po odisąwani bidigo gedude po tų ebo kolesaga aiyaba elalugi da.

Jems 5:6

Dagego te wiegi yai doloba pai bidi dabe po tų elama, te bidi dabe augwali ela muai. Tama dagego augwali dali te dwai sę ebadi yaide, augwaligo dage dali po wei ponobo usu ebeo.

Jopgo Po Asęani Elalubo Buku 16:10

“Bidi dabego ena bobegela sali, enade dwai sę yainu. Augwaligo ena gisugu mayu, eno naboge eleyu ebo.

Hibru 12:4

Te Godigo po odobo hagela homu ebo bage augwaligo dage dali dwai sę elama, tama dage bomonama eyu, te Godide konealubo po dąų wabo kolesaga tagalobeo. Tama tiyu dage bomonama ebadi te boi bidi dabe augwaligo dage elama, pąde isainu yai. Te gasa bidi dabe augwaligo Jisas dali dwai sę eyu aga ela muyu yali. Tiali goli te dagede meni.

Dwagi Yai Gesi Po Lukgo Asęani 22:64

Augwaligo Jisas ugwago gedu haluama, nogogo elama, agabolo hanalu wali, “Dego nage elaliwe? Te nosali asabo nai konea pai profet bidigo wali po tiwai wao,” te po wai.

Te Israel me Juda Hani Sigo Tuni Bidigo Po Elalubo Buku Deli 22:24

Profet Sedekaia, te Kenango ogwago, Mikaiago Ahapba te pusali po odama, te aga Mikaia pąba pelama, tama aga naboge badu nogo sawaligo eliyu, te tama po wai, “Te Genuai Bidigo Noma Mobo Bidigo ena magi elama tagalama, te nageba solama, tama nagebolo te po maniwe?”

Maika 5:1

Dage Jerusalem dabe, hodaluao, te tigidali ami selama, sisinagasao. Te boi bidi dabego da bagua salio. Augwaligo te Israel tuni bidi nabogede te donogo eliyu, aga te genuai hale ebo ilaibao.

Matyu 5:40

Tama bidi mego nage dali po tų elama, tama nago holobo ugwa sainogo ebaso da, teda nago holobo ugwa te agabolo mao, te nago kedau sogo gudubo kol siot te me mao.

Dwagi Yai Gesi Po Lukgo Asęani 6:7

Tama te Juda dabego bomo yai po konebo bidi dabe me, te Farisi sibi dabe me, augwaligo Jisas gedu diliasa tonaluali. Magi ebowe weyu, te Jisas po tų ela mawai hagede te page gegali. Augwaligo Jisasgo te Sabatde te nogo dwai bidi dodologowe weyu, tonaluali.

Dwagi Yai Gesi Po Jongo Asęani 18:23

Jisasgo te enesigi bidi dali po wei ponoyu, te po wai, “Eno dwai po wagi sogo da, nago te dwai po hania wagi da. Tialima, eno po dolo naga obadi da, teda magi baso nago ena elaliwe?” Jisasgo te enesigi bidi dali te po wai.