Matyu 5:37 - Godigo dwagi yai po buku

³⁷ Tama dagego ‘Awe’ obaso da, teda ‘Awe’ naga waiyąo. Me ma, dagego ‘Menio’ obaso da, teda ‘Menio’ naga waiyąo. Teda usu yaibao. Tiali goli dagego duga wabo po mu dąų omainogo te gasa po me obaso da, te po te dwai bidi Satan aga te po page bidi dao,” Jisasgo te po wai.

Matyu 5:37 Referans Kwoze

Jems 5:12

Ama dedeo, dagego polasa te yabo sęgę sę e dao: Dagego te God aga bidibo madi dagalu me, tǫ me, te gasa nai me nogi eyu, tama dagego te po wabo dao te pogo dąų wagimio. Tama dagego “Awe” weyu duga wabo po dąų walomainu, “Awe” naga wao, te usu yaibao. Me ma, dagego mu po weyu, “Menio” weyu, duga wabo po dąų walomainu, “Menio” naga wao, te usu yaibao. Bidi mego aga wabo po dąų walomainu Godigo nogi weyu da, te bidibolo Godigo sęgę mawaibao. Tama Godigo dagebolo sęgę maidali weyu, dagego te Godigo nogi olo nogi igio.

Kolosi 4:6

Tama tiyu dagego wabo po sesemane sogo dwagi yai eyu tama augwaligo odai hagede emainu tama pusu yabo po naga wao. Tama bidi mego dage Godigo po pagede po me hanalu obaso da, dagego agabolo bugagia wei ponobo po kuna homu kone palama wei ponao.

Kolosi 3:9

Dagego duga hasi ama dabe tibo po wabo tagaliąo. Magi baso meni, polobadu dagego tigigo dwai sę yabo kolesaga dologode bidibo dagego tagalalio, tama te tobage dwai kolesaga ebo dagego tagalali.

Dwagi Yai Gesi Po Jongo Asęani 8:44

Dage da duga ayago wai dabe dao. Dagego aya te Satan dao. Tama dage me bomo elama, duga ayago ebo homu kolesaga wali painogo ebo dao. Polobadu mu, tigidali nai gagalama nigali, te sogo te bidi Satan agai te bidi elebo sę tama ela asiyu, megi tama me te sę ela pabo dao. Tama agai mu po me wali pai menio. Magi basowe? Mu po agade bidibo menio. Tibo po wabo da te agai po mu dao. Satan aga tibo po wabo bidi mu dao. Tama aga tibo po wabo page bidi mu dao.

Efesus 4:25

Te God agai dage te gesi noma we bidi nigaligo da, teda dagego dwai tibo po wabo kolesaga tagalama tama munu me egimio. Te menio. Tama dage tigidaligo duga hasi tomode mu po naga wao. Magi baso meni. Dagego koneani, da tigidali te deli tigide naga wadolama bidibo dao.

2 Tesalonaika 3:3

Awe, we bidi mebago dwagi yai kolesaga mu ebo menio. Tialima, Genuai Bidi Jisas agai da dali dwagi yai kolesaga naga mu ebo dao. Tama tibaso, da we bidi agade homu dąų olama bidibaso, te usu yaibao. Agai dage bomo menama, tama dage tonaluyu, tama dwai haubo bidi Satan agai dage dali dwai kolesaga me egobeo.

Matyu 13:19

Te Godigo we bidi tonalubo kolesagade po wabo odobo digi te po page koneyu dąų wasiąwai bidi, te bidi te aga da te soabo tųba olo tudulaluali nai wai ge tiwai dao. Tama te Satan agaba aselama, tama polo te po Godigo aga homuba budali po te Satango te dagala sabo dao.

Matyu 13:38

Tama te nai ge tedelalo pali gi da, te e tǫ dao. Tama te wiegi yai nai ge da, te Godigo obo tomode bidibo we bidi dao. Tama dwai noswai da, te Satango we bidi dabe dao.

1 Jon 5:18

Dago koneai, tigidali bidi Godigo wai dabe bidalubo bidi, augwaligo dwai kolesaga wali me pabo menio. Magi baso meni. Godigo Ogwago augwali bugagia palibo dao, tama Satango augwaliba aga nogo mugobeo.

Matyu 6:13

Te da te dwai sę yanama sinawainogo ebo sogo daba asidali weyu, nago te habu selao. Tama te dwai sę page bidi agai da dolidali weyu te nago da tau sao. [Tama nago te genuai bomo me ula, te genuai nogi me te nagede sesemane sogo bidada paibao. Mu dao, te tama tiwai pedalomainao, te dago homugo dao.]’ Te tiwai eyu, gedu haluasa po wao,” wali.

1 Jon 2:13

Aya dede, dagego te tigidali nai gagalali sogode bidali bidi, aga megi me bidibo, te bidi dagego koneai dao. Tama eno te po dagebolo asęna tolobao. Dage gesi bidi dabe, dagego Satango bomo aiyaba elaluai dao. Tama eno te po dagebolo asęna tolobao.

1 Jon 3:12

Da te polobadu bidali bidi Kein bidali tiwai bidamuo. Aga te Satango bidi bidai, tama agai aga ama ela muai. Tama magi baso aga ama ela muaniwe? Agai dwai kolesaga naga yali, tama aga amago yali kolesaga tigidali dwagi yai doloba pai kolesaga yai. Tibaso, aga sębę elama, aga ama ela muai.

Dwagi Yai Gesi Po Jongo Asęani 17:15

Tama eno e po nage dali weyu, eno nage augwali te tǫde bidibo tagalomainogo hanalu wabeo. Te meni. Nago augwali bugagia tonalumainogo eno te po nagebolo obao, tama te dwai bidi Satan agai augwali dolidali weyu, eno e po nagebolo obao.

Matyu 15:19

Tama bidigo homu kolesagadu te haniani dwai sę ilabo homu pedalobo dao. Tama te tobage homu eyu, augwaligo po weyu, tama augwaligo te bidi ela mubo kolesaga me, te we sabo sę dolobo kolesaga me, te hale ilibo penani kolesaga dabe me, te nai wi sabo kolesaga me, te po tųde tibo po wabo kolesaga me, te bidi nogi posobo po wabo kolesaga me, te tobage dwai dwai sę ebo dao.

Matyu 5:36

Tama nago naga tobolu nogi elama te nago po wabo me deli te me dąų waligio. Magi basowe, te nago tobolu nisi me te tedela yai me te sisi yai te pedalainogo ilibo te me nage usu egobeo. Te Godigo sę naga dao.

Efesus 6:16

Tama enesigi bidi agai aga sabele abibo tiwai tama dagego Godide konealubo po tigidali sogo abilasa bilao. Tama tiyu, te sabelego te boi bidigo sia dage ponai ene dabe sela sąwaibao. Te boi bidi nogi te Satan dao.