Matyu 5:36 - Godigo dwagi yai po buku

³⁶ Tama nago naga tobolu nogi elama te nago po wabo me deli te me dąų waligio. Magi basowe, te nago tobolu nisi me te tedela yai me te sisi yai te pedalainogo ilibo te me nage usu egobeo. Te Godigo sę naga dao.

Matyu 5:36 Referans Kwoze

Dwagi Yai Gesi Po Lukgo Asęani 12:25

Dage bidi mego moni homu ela pabogo aga isabo bodolu didigili pabo usu egowe? Menio. Dagego te tama homu eyu da bugagia bidada piduaiba te homu ebo usu egobeo.

Matyu 6:27

Mu tama dao, dage tomode niwai bidigo moni homu ebogo te aga digi aga bidabo bubuga bobobage ma ilabo usu yaibawe? Te menio, usu me egobeo.”

Matyu 5:35

Tama dagego te tǫ nogi elama, te po me deli dąų waligio. Magi basowe, tǫ te dwasianu sai te Godigo sągą mubo madigi dao. Tama dagego te moni hanu Jerusalemde te po me deli dąų waliyu te nogi wagio. Magi basowe, te Jerusalem te genuai tuni bidigo moni tedali hanu dao.

Matyu 5:37

Tama dagego ‘Awe’ obaso da, teda ‘Awe’ naga waiyąo. Me ma, dagego ‘Menio’ obaso da, teda ‘Menio’ naga waiyąo. Teda usu yaibao. Tiali goli dagego duga wabo po mu dąų omainogo te gasa po me obaso da, te po te dwai bidi Satan aga te po page bidi dao,” Jisasgo te po wai.