Matyu 5:33 - Godigo dwagi yai po buku

³³ Jisasgo te po wai, “Te Mosesgo dagego wąį dabebolo polobadu ola mani po me te po dagego odai dao, agai te po wai, ‘Nago te Genuai Bidi Godibolo te eno te sę mu yaibao po weyu, tama nago te po dąų olama, tama nosali nago te dąų wali po togogio. Menio. Nago te po dolo wali peyu te sę yao,’ Mosesgo te po wai.

Matyu 5:33 Referans Kwoze

Bomai Po 23:21

“Tialima, dagego Genuai Bidi dago God agabolo po me deli dąų olama wai baso da, teda dagego te po polo usu nao. Teda Godigo dagego dąų wali te po gegeda pogobeo, tama dagego te dąų wali te po usu nisąma ebaso da, teda Godigo gedude sęgę saibao.

Pris Sę Ebo Bomai Po 19:12

Te dagego bidi me deliba bomai po dąų walu, ena nogide te po dąų walai baso da, teda dagego te bomai po olo dali dąų walama, aga tibo po ola magio. Dagego duga te dąų wali bomai po wali pisąbaso da, teda dagego eno nogi aiyaba elalubao. Ena Genuai Bidigo, eno te po wai dao.

Bomai Po 23:23

Tiali goli, dagego duga digi duga homugo Genuai Bidiba po me dąų walai baso da, teda dagego te dąų wali te po wali pelama, tama mu tama yao,” wali.

Godigo Nogi Ugwaba Sabo Tęąbi Po Wabo Buku Dabe 76:11

Nago te naga Genuai Bidi Godiba te bomai po dąų walali, teda nago te dąų walali po wali pao. Nago tibo po me wagio. Dago te Genuai Bidide wi elama, tama tiyu, te tigidali we bidigo te agaba wiegi yai olo maiyabo nai dabe selasa pao.

Bomai Po 5:11

“‘Dagego God eno nogi olo dali nogi igio, duga Genuai Bidi. Magi baso meni, eno nogi olo dali nogi ebo bidi dene mawaibao.’”

Ma Dobola Sali 20:7

“Nago eno nogi God dwai odolali nogi egio, te nago Genuai Bidi dao. Magi baso meni, ena nogi olo nogi ebo we bidi te eno augwali dene ilaibao.”

Godigo Nogi Ugwaba Sabo Tęąbi Po Wabo Buku Dabe 50:14

“Te dagego enaba usu da mu waiyąo, tebo te dagego yabo ofa tiwai tama. Te dagego te enaba olo mabo tigidali nai maiyabo po wali, te Ugwadu Bidibo God Mu te enaba dagego maiyąo.

Nahum 1:15

Suao. Bidi me deli te bulu du sunumi dabedu asiyu, te wiegi yai po selasa asobao. Aga asobo te hwįani silali po pusagasu asobao. Tialima te Juda we bidi dabe, dage te genuai side sisinama, te Godiba lotu weyu, tama agabolo dagego te mawaiba po dąų wali nai maiąo. Tama te bidi dwai dabego te dagego tǫ somainu ma egobeo. Godigo augwali dolai dao.

Matyu 5:27

Te Jisasgo te po wai, “Te Mosesgo dagego wąį dabebolo polobadu ola mani po te po dagego odai dao. Agai te po wai, ‘Penani egio.’

Bomai Po 6:13

Dage God dago Genuai Bidi dologode naga bidiąo. Tama dage deli deligo gasa bidi dali po dąų omainogo eyu da, teda Genuai Bidigo nogi naga nogi elama, te po dąų walao.

Matyu 5:21

Te Jisasgo te po wai, “Te Mosesgo dagego wąį dabebolo polobadu ola mani po te po dagego odai dao. Agai te po wai, ‘Te nago bidi me ela mugio. Tama bidi mego bidi me deli ela mubaso da, teda dagego te bidi aga te po tų ebo bidiba odasa pao,’ te po wai.

2 Timoti 1:10

Te penani kolesaga ebo we bidi, te ogomani dali dwai dwai sę ebo bidi dabe, te we bidi wi sabo bidi dabe me, te tibo po wabo bage, te po tųde tibo po wabo bidi dabe me, te bomai po dabe te tobage we bidibolo muai dao. Te tobage kolesaga te Sodom de Gomora hanu side yali kolesaga tiwai dao. Me te gasa haniani dwai sę ebo bidi dabe me, te Godigo dwagi yai ola mabo po odisąbo bage, augwalibolo me te bomai pogo po elalubao.