Matyu 5:3 - Godigo dwagi yai po buku

³ “Te kolesaga koneani we bidi augwali te Godigo gedude augwa digi usu elama aiyaba elaluama bidibo we bidi dabe, te augwali homu wiegi yai pemene ebao. Te Godigo obo tomode augwaligo bidabo madi elalubao.

Matyu 5:3 Referans Kwoze

Aisaia 66:2

Genuai Bidi ena digi, eno te dagalu me tǫ tigidali nai nigilama, te augwali pedelama, megi elalubao. Eno te tobage bidi dabeba bugagia haliga yaibao, te augwa digi aiyaba elaluama, te augwa yali dwai sęde homu dene eyu, enaba wi elama, te eno po dologoba aselama, bidibo bidi.”

Bugagia Bidibo Kolesagade Po Asęai Buku 29:23

Te bidigo hagoma homu eyu, tama aga digi aga nogi ugaba sobaso da, te augwaligo aga nogi aiyaba elaluaibao. Tiali goli, te bidi aga digi aga nogi aiyaba elalubo bidi da, te genuai nogi saibao.

Godigo Nogi Ugwaba Sabo Tęąbi Po Wabo Buku Dabe 34:18

God te sęgę elalubo we bidi dabe pąde bidaibao. Tama agai te we bidigo konealubo homu dąų wali te dolainu ebaso, te augwali tau sabo dao.

Bugagia Bidibo Kolesagade Po Asęai Buku 16:19

Te bidi te magi nai meni yai bidi mu elama, tama aga digi aiyaba elalubaso da, te kolesagago te hagoma bidi dabego te gasa bidi dabego doado bage hauwa wi selama, te augwade digi te dobola sabo kolesaga ebo bidi dabe te aiyaba mu elalubao.

Dwagi Yai Gesi Po Lukgo Asęani 18:14

Eno dagebolo obao, e bidi aga beba ma peyu, Godigo aga yali dwai sę sela sąwai bidi dao. U Farisi hani bidi te tiwai menio. Mena bidigo te aga nogi me ugwaba sobaso, Godigo te bidi aiyaba elaluaibao. Ma, mena bidi imilasa bidibaso, teda Godigo te bidigo nogi ugwaba saibao,” Jisasgo te po wali.

Godigo Nogi Ugwaba Sabo Tęąbi Po Wabo Buku Dabe 51:17

Tialima, God, ena digi ena aiyaba elaluama, nage dologode ena bidaibao. Te tobage kolesaga ebo da, te nago gedude te nago sabo ofa mu tiwai dao. Eno koneai, bidi aga yali dwai sęde aga ma koneyu, aga digi aga aiyaba elaluai magi basowe? Aga te yali dwai sęde homu dene eyu, tebo dao. Te tobage kolesaga ebogo te nagebolo ofa mabo sę hasegelama, te nago gedude te usu mu dao.

Aisaia 57:15

“Ena digi ena God, te ena sesemane sogo bidibao. Eno nogide te magi meda mu meni yai elalubao, ena te Wiegi Yai Doloba Pai Kolesaga Mu Ebo God dao. Ena te ena wiegi yai bulude digi ugwadu bidibao. Tiali, ena te augwa digi augwa aiyaba elaluama bidiyu, te augwa yali dwai sęde homu dene ebo we bidi dali bidibao. Te eno augwa haliga dąų waliyu, te augwa bidibo ula te wiegi yai ma pedalumainu ebo dao.

Jems 2:5

Eno ama dedeo, eno dagebolo dwagi yai homu eyu, godolo mu ebaso, eno dagebolo te po obao. Bugagia odao. Te tǫde tigidali bidi gedude magi nai meni yai bage, te Godigo te tiwai bidi sa munama, tama augwaligo te Godigo po dąų waligo te augwaligo te homu kolesagade te masigi me walu hauwa munalubo bidi tiwai yaibao. Te polobadu Godigo tama po wai, “Niwai bidi agai homu enaba muyu godolo ebo bidi, te aga eno we bidi bugagia tonalubo madi tomoba asagameo,” te po wai. Tama tiyu, agai te magi nai meni yai bidi augwali sa muyu, augwaligo te Godigo po mu dąų waligo da, te augwali te dąį ilali madi te pesage saibao.

Aisaia 61:1

Tigidali Bomo Elalubo Godigo Mobo Noma Bidi enaba bidagasali, magi baso meni, Genuai Bidi aga digi eno toboluba wel gelali, te ena dąį sa muyu, te aga wiegi yai po te magi doado bage meni yai bidi dabe selasa pomainu yai. Te agai ena tagala palali, te haliga sęgę genuai elalubo bidi dabego sęgę silimainu yai, te kalabuside bidibo bidi dabeba po pusu, te augwa kalabus tagalama, olo pao po omainogo yai.

Tuni Bidi Dabego Po Elalubo Buku Si 34:27

nago koneani, eno mena sę te Jerusalemba iyu, me tede bidibo we bidibolo eno yaibao wali sę po nago koneani dao. Tama nago te po odali sogo nago naga digi aiyaba eno gedude aiyaba elaluai dao. Tama me ma nago naga ugwa pisąlama, tama nago enaba gela olama, tama enaba i walio. Tama tialima, ena Genuai Bidi eno te po te obao, eno nago i wali po polo odalio.

Maika 6:8

Genuai Bidigo dabolo te wiegi yai kolesaga yabo po walio. Tama agai homugo dago te tiwai kolesaga naga emainu yai. Dago te doloba pai kolesaga wali pao, te gasa bidi dabe homu dene eyu, tau sao, te dena homu kolesaga digi tegaluama, te dena God dali deli haliga elama bidiyu, tama aga wali pabo usu dao.

Dwagi Yai Gesi Po Lukgo Asęani 11:28

Tiali goli, Jisasgo wei ponoyu, te po wali, “Te mu dao. Tiali goli, Godigo po odama, wali pabo we bidi augwali dwagi yai homu mu ebadi bogo dao,” wali.

Godigo Nogi Ugwaba Sabo Tęąbi Po Wabo Buku Dabe 112:1

Genuai Bidigo nogi ugwaba sao. Genuai Bidi dali wi eyu, agai bomo yai po wali pabo bidi, agai dwagi yai homu yaibao.

Godigo Nogi Ugwaba Sabo Tęąbi Po Wabo Buku Dabe 1:1

Niwai bidi agai te dwai bidigo po wali pisiąbo bidi, tama dwai sęgę sai bidigo tųde bilibo menio, tama God dali posobo po wabo bidi dali taluama, dulaluyu bidibo menio, tama tiyu, te bidi aga dwagi yai homu mu eyu bidaibao.

Jopgo Po Asęani Elalubo Buku 42:6

Tama tibaso, eno digi ena wali pode hale mu te ebao. Tama eno te po wali pode ge neyu, ena tǫ hogomude me kelide dualalubao. Te nagebolo ena homu begelalio olama, te ola mayu, tama tibao.” Jopgo Genuai Bidibolo te po wali.

Matyu 11:25

Tama te sogo Jisasgo Godibolo te po wai, “Ayao, nage te dagalu dali tǫ dali nigila tonalubo Genuai Bidi dao. Eno nage dali deli homu eyu, nagebolo usu da po obao. Tǫde homu kolesaga koneai bidi dabe augwaligo koneidali weyu tama nago te eno tamadi pusali po page nago geme dualai dao. Tiali goli te tǫde elalubo homu kolesaga konesiąwai we bidi augwalibolo nago te po page ola mawai dao.

Dwagi Yai Gesi Po Lukgo Asęani 4:18

“Genuai Bidigo Mobo Bidi ena dali bidibao. Agai dwagi yai po eno te nai meni yai we bidibolo ola momainu ena sa muai dao. Agai ena tama po pupusu bilimainu tagala palai dao, ‘Dage kalabus yali bage kalabus tagala piąo. Gedu widai bage, dage duga gedugo ma sueibao.’ Kalabus sęgo tabibo bage augwaligo sę togolomainu agai ena tagala palai dao.

Dwagi Yai Gesi Po Makgo Asęani 10:14

Jisasgo te tebo sulama, tama agai homu dwai yai. Agai augwalibolo te po wai, “Dagego te dwasianu wai puluba augwali enaba asomainu emainao. Dagego augwali panigimio. Te Godigo bomo dologoba peyu tede bidabo we bidi, augwaligo homu kolesaga te e wai pulubago homu kolesaga tiwai si dao.

Matyu 13:16

Tiali goli dage da, te wiegi yai homu pemene yao. Magi baso meni. Dagego gedugo te nai dabe te subo dao, tama dagego ologo po odobo dao.

Aisaia 30:18

Tiali goli, Genuai Bidi da, tigidali sogo doloba pai kolesaga naga ebo God dao. Tama tibaso, agai dage homu dene elama, agai hobede ebo dage ola mawainu te tonalubao. Te we bidi dabego Genuai Bidiba homu kolesaga dąų olama, tama agai augwali tau somainao olama, tonaluali we bidi dabe da, augwali wiegi yai homu pemene mu yaibao.

Godigo Nogi Ugwaba Sabo Tęąbi Po Wabo Buku Dabe 146:5

Te bidi me deligo te Jekopgo Godiba homu kęą pelama, te agai aga tau siyu, te God dali kęą pelama, te aga Genuai Bidi da homu eyu da, teda aga pemene emainao.

Tuni Bidi Dabego Po Elalubo Buku Si 33:12

Tialima aga sęgę genuai mu tolaluali, tama tibaso aga digi Genuai Bidi aga wąį dabego Godigo gedude aga digi aga aiyaba elaluali. Tama aga God pageba ma asali.

Godigo Nogi Ugwaba Sabo Tęąbi Po Wabo Buku Dabe 41:1

Bidigo te magi doado bage meni yai bidiba homu kone palama, tama augwali tau sabo bidi da, te bidigo homu wiegi yai pemene yao. Te sęgę agaba pedalubo sogode, te Genuai Bidigo aga tau saibao.

Godigo Nogi Ugwaba Sabo Tęąbi Po Wabo Buku Dabe 2:12

Dage aga dologoba mu pelama, tama kidu sugunao. Meni baso da, teda agai haliga sębę polo elama, te dage isaibao. Bidigo konealubo homu Godiba dąų weyu, tama agaba mu kęa pelama ebo bidi, te aga wiegi yai homu pemene eyu bidaibao.

Tuni Bidi Dabego Po Elalubo Buku Si 33:23

Tama tiali goli agai aga digi Godigo gedude aiyaba elalubeo, te aga ayago yali tiwai ebeo. Menio. Agai dwai sęgę sabo sę genuai mu ela pidu geani.

Jems 1:12

Niwai bidi me aga dali te dwai sę yanama sinayu bomo ebadi tama te bidigo dwai sę emainogo te bidi me deligo te dwai sę yao po weyu da, te bidigo te sę isiąma, te bidi aga bomo elama te dwai sę aiyaba elalubaso, te tiwai bidi aga dwagi yai homu eyu bidaibao. Magi baso meni. Agai te dwai sę usu sabo sogo aiyaba elaluama, tama Godigo aga bidabo ula mawaibao. Godigo te po polobadu wai dao, “Niwai bidi agai ena dali dwagi yai homu eyu, godolo mu ebo bidi agabolo te bidabo ula eno mawaibao,” te po wai dao.

Dwagi Yai Gesi Po Jongo Asęani 20:29

Tama Jisasgo Tomas aga dali te po wai, “Nago ena subaso naga, tama nago homu enaba mubawe? Niwai bidi augwaligo ena susiąma, augwaligo homu enabolo mubo we bidi, te augwali dwagi yai homu mu yaibao,” Jisasgo Tomas dali te po wai.

Matyu 24:46

Tama aga genuai bidi gasaba pelama, tama nosali ma asobode, tama te sę bidigo polobadu agai wali po selama, te sę bugagia yai suali da, teda te sę bidi aga homu wiegi yai pemene yagameo.

Godigo Nogi Ugwaba Sabo Tęąbi Po Wabo Buku Dabe 84:12

Godigo Te Tigidali Bomo Elalubao, te nageba konealubo homu dąų wabo we bidi dabe, augwa te wiegi yai pemene sesemane emainu yagameo!

Bomai Po 8:2

Dagego bugagia mu kone paliąo, God dago Genuai Bidi aga polasa peyu, tama agai dage te bobobage sunumidu asali tau sai dao. Dage te nai meni yai kemi sane bulude dage te kibu be bidi sese si 40, te tama te bulude bilai dao. Tama Godigo haniani sęgę taga palai dao, te dage usu sela suyu, te dagego te tigidali bomai po wali pogowe ma meniwe elama suainogo tiai dao.

Jems 1:10

Tama dage doado bage nai hauwa munalubo bidi dabe, dage me dwagi yai homu yao, God agai dage nai meni yai bidi tiwai bidimainogo yaibao. Te magi baso menio. Te nai hauwa munalubo bidi aga te noswai wiegi yai holobo tiwai elama, tama nosali te noswai ma isibo dao. Tama te tiwai te nai hauwa munalubo bidi isiyu tama tiaibao.

Bugagia Bidibo Kolesagade Po Asęai Buku 8:32

Tama wiegi yai doloba pai homu kolesagago po wadolama weyu, te tama po wali, “Te wai dabeo, dagego eno po bugagia odama, tama eno kolesaga dabe wali pao. Te tiwai dagego ebaso da, te dage wiegi yai homu pemene yaibao.

Tuni Bidi Dabego Po Elalubo Buku Si 33:19

Tama king Manasego meba po dabe te gasa buku mede elalubao. Augwaligo te Profet Dabego Po Bukude elalubao. Te bukude agai dwai dwai sę dabe yali te po dabe me pusuyu, me agai Genuai Bidibolo tudi ola mani po dabe me pusa elalubao, tama te bukude te lotu wali pesage po, me te tibo godiba lotu wali pesage, me god we Asera piksa noma, me agai nogogo nigali tibo god piksa dabe po me tede elalubao. Te aga digi tibo god nigilama lotu weyu yali po me te Profet Dabego Po Bukude te elalubao. Tama te bukugo agai homu begelama, tama aga digi aga aiyaba elaluali po me tede te bukude pusai dao. Tama me agai Godibolo gedu haluasa po obaso tama Godigo agai gedu haluasa po odali po dabe pusali po me te elalubao.

Kraisgo Geme Dualali Sę Pedelabo Po Jonbolo Ola Mani 22:14

Te we bidi augwaligo augwa ugwa we telabo bage, te we bidi augwaligo wiegi yai homu yao. Augwaligo te bidabo ula sabo nide te du sabo usu yaibao. Tama augwali te hanu tomoba pabo tųdu pabo usu yaibao.

Kraisgo Geme Dualali Sę Pedelabo Po Jonbolo Ola Mani 19:9

Tama te ensel mobo bidigo enabolo te po wali, “Nago te po asęąo: te we bidi dabe augwali Godigo te genuai nai tubo digi asomainogo i wai, te Kibu Sipsip Wai aga we kębode te sogo te i wali we bidi augwali wiegi yai homu pemene eyu bidaibao,” agai te po wai. Tama olama, agai enabolo te po me wai, “E po, eno nagebolo tama wali po, e po te Godigo wali mu po dao,” te ensel bidigo enabolo te po wai.

Matyu 25:34

Tama te tuni bidigo aga dolo nogo badu bidibo bidi dabebolo po weyu, te po waibao, ‘Dage da, te eno Ayago dage dali wiegi yai sę mu yai dao. Polobadu mu agai te tǫ nigali sogode agai we bidi tonalubo kolesaga sisi ilama, tama tede dage bidabo madi sisi ilali elalubo. Dage aselama, te bulu tomoba dage asiąo.

Godigo Nogi Ugwaba Sabo Tęąbi Po Wabo Buku Dabe 128:1

Te Genuai Bidide wi elama, tama agai po wali pabo we bidi dabe, augwali te wiegi yai pemene ebo dao.

Matyu 11:6

Tama bidi enade homu si isiąma tama ena aga tudiba musiąbo bidi, te bidi aga wiegi yai homu pemene yao,” Jisasgo te po wai.

Matyu 8:11

Eno dagebolo obao, te sia pedalobo badu me, te sia aiyaba dega sigi pabo badu me, te si badu te we bidi hauwa aselama, tama augwali te polobadu e tǫde bidali bidi te Abraham me Aisak me Jekop te bidi dabe dali deliba dualama, tama dagalude te Godigo we bidi tonalubo madi tomode bidiyu moni nai tueibao.

Matyu 3:2

“Dage dwai kolesaga yalide ge neyu, homu geasa peyu bidiąo. Magi baso meni. Te dagalude bidibo bidi God agai we bidi tonalubo sę yabo bomo te pąba asai dao, dage te bomo dologoba asiąo,” te po wali.

Matyu 19:14

Tiali goli Jisasgo te po wai, “Dagego te wai puluba augwali ena pageba asomainao,” po wali. “Dagego augwali dąų me wagimio. Menio. Te e wai pulubago ebo homu kolesaga tiwai ebo we bidi te augwali Godigo we bidi tonalubo madigi tomoba asagameo,” wali.

Dwagi Yai Gesi Po Lukgo Asęani 22:29

Eno Ayago we bidi tonalubo sę enabolo mawai. Tiali gilama, eno te sę dagebolo mobao.

Dwagi Yai Gesi Po Lukgo Asęani 22:30

Nosali eno tigidali we bidi tonalubo side, dage ena dali hodobo nai tuagameo. Tama dage te tobolu bidigo duabo ni namide dualama, tama dagego te Israel bidi hani nogo si olama, sągą badu si te we bidi hani po dodolobo hani bidagameo,” Jisasgo te po aga bidi dabe dali wai.

Kraisgo Geme Dualali Sę Pedelabo Po Jonbolo Ola Mani 3:17

Nago te po wabo dao, ‘Eno nai hauwa selama, tama eno walu hauwa elalubao. Tama ena magi nai me sǫą pabeo,’ nago te po wabo dao. Tiali goli nago naga bidibo page bugagia konebeo. Nage da, nage te dwai mu bidibo, nage mu hobedagia bidibao. Tama nage magi nai meni yai mu bidiyu, tama nago gedu halua sai bidiyu, tama nago tigi bolu olo bidibao.