Matyu 5:27 - Godigo dwagi yai po buku

²⁷ Te Jisasgo te po wai, “Te Mosesgo dagego wąį dabebolo polobadu ola mani po te po dagego odai dao. Agai te po wai, ‘Penani egio.’

Matyu 5:27 Referans Kwoze

Bomai Po 5:18

“‘We sai me bidi pai we te we bidi dagego penani sę igio.’”

Ma Dobola Sali 20:14

“Nago bidigo sai we dali, me ma te we sai bidi dali, me dwai sę me igio.”

Bugagia Bidibo Kolesagade Po Asęai Buku 6:32

Tiali goli, te bidigo gasa bidigo we dali pibaso da, te mu geda munama, tama te esela peyu, te mu umuna pabo bidi tiwai ebao. Te kolesaga ebo bidi aga digi aga dolobo dao.

Pris Sę Ebo Bomai Po 20:10

“Te bidi me deligo abagi me deligo we penani yai baso da, teda dagego te bidi me te we dali si ela muao.

Matyu 5:21

Te Jisasgo te po wai, “Te Mosesgo dagego wąį dabebolo polobadu ola mani po te po dagego odai dao. Agai te po wai, ‘Te nago bidi me ela mugio. Tama bidi mego bidi me deli ela mubaso da, teda dagego te bidi aga te po tų ebo bidiba odasa pao,’ te po wai.

Pris Sę Ebo Bomai Po 18:20

Nago naga abagigo we dali penani me igio. Nago tama tibaso da, teda nage eno gedude meda pedelaibao,” wali.

Matyu 5:33

Jisasgo te po wai, “Te Mosesgo dagego wąį dabebolo polobadu ola mani po me te po dagego odai dao, agai te po wai, ‘Nago te Genuai Bidi Godibolo te eno te sę mu yaibao po weyu, tama nago te po dąų olama, tama nosali nago te dąų wali po togogio. Menio. Nago te po dolo wali peyu te sę yao,’ Mosesgo te po wai.

Matyu 5:38

“Te Mosesgo dagego wąį dabebolo polobadu ola mani po me te dagego odai dao, te po e dao, ‘Te bidi me deligo nago gedu dolobaso da, teda nago agai gedu me dolao. Tama bidi me deli agai nago kele me deli togobaso da, teda nago aga kele me deli me togwao.’

Matyu 5:43

Jisasgo te po wai, “Te dagego odai, polobadu augwaligo te po wai dao, ‘Nago naga abagi godolo eyu, tama nago naga boi bidi dali dwai homu yao.’