Matyu 5:25 - Godigo dwagi yai po buku

²⁵ “Tama bidi me deligo nage po tų ilainogo ebaso da, tama te po tų yabo sogo dage si tųdu pidubadi, tama polo nago po duga si te po dola sao. Te sogo nago aga dali dodola sisąwani da, te po tų yabo bidigo nage te po tų dodolobo bidi jasgo nogoba muaibao, tama jasgo nage enesigi bidigo nogoba munama, tama enesigi bidigo nage kalabusiba muaibao.

Matyu 5:25 Referans Kwoze

Bugagia Bidibo Kolesagade Po Asęai Buku 25:8

nago homugo agai te dwai kolesaga eba homu elama, tama nago asesa polo te aga po tųba sela mugio. Te gasa bidigo te sę ebo mu koneama, tama nosali agai nago po aiyaba elalubaso da, teda nago magi yaibawe?

Hibru 3:13

Tama tiwai pedalidali weyu, megi e sogo Godigo nogi yali “te megi” te me elalubadi, tigidali sogo deli deli dagego wiegi yai po te ama dedebolo mayu, tama augwali homu hodoloyu tau sao. Duga hasi tama tiluao. Tiyu te sęgę sabo kolesagago dage tomode bidi me deli ili po ola mayu, tama te sęgo aga olo palia selamuo.

Hibru 3:7

Te dago Kraisde konealubo po bugagia dąų obaso da, teda da te Godigo we bidi hani mu bidaibao wali. Tama tialigo da, dago te Godigo dabolo wabo po mu odao, te Godigo Mobo Bidigo polobadu wali po tiwai. Agai po te bukude asęani, te po e dao: “Megi e sogo tama dagego Godigo pedauwalide po odali da,

Hibru 12:17

Dagego koneani, nosali agai te yali sęde ge neyu, tama te gomunai ogwa da wali bomo dali nogi dali si ma sainogo yali, tiali goli aga ayago te menio po wai. Iso aga te gomunai bidi nogi ma sainogo te gela hauwa wali, tiali goli te aga dąų wali po togobo te tų menio.

Jopgo Po Asęani Elalubo Buku 22:21

“Megi da, Jop, odao. Megi nago God dali po dodolama, tama dedeli homu yao. Ma, naga tama tiyu da, teda agai nage usu ma ilama, tama nage bugagia ma bidaibao.

2 Korin 6:2

Magi baso meni. Polobadu Godigo aga we bidi hanibolo te po wai dao, “Te eno bodolu mani wiegi yai sogo, eno nago po odai dao. Tama te bidi dabe augwali ma dobola sabo sogode, eno nage tau sali.” Odao! Megi naga te bodolu mani wiegi yai sogo. Megi e sogo naga te Godigo da ma dobola sabo sogo dao. Tama tibaso, dagego agai olo mabo wiegi yai tau sabo kolesaga sula tagaligimio.

Godigo Nogi Ugwaba Sabo Tęąbi Po Wabo Buku Dabe 32:6

Tama tibaso, nage wali asobo tigidali we bidi, te augwaliba sęgę pedalubo sogo, te augwaligo gedu haluasa po nageba omainao. Tama te sęgę genuai mu pedaliyu, tama te ąį genuai asiyu, tama te bidi sainu ebo tiwai gilama ebaso da, teda te sęgęgo augwali aiyaba me elalugobeo.

Matyu 26:58

Tama Pita Jisas aga wali pai, tiali goli aga digibulu gana dwasianu bidai. Aga te tuni bidi Kaiafasgo obo tomoba pelama, tama te enesigi bidi dabe dali te be mesalode dulaluai. Agai te magi sę Jisasde pedalobo te agai sula sainogo yali.

Dwagi Yai Gesi Po Lukgo Asęani 18:3

Tama te be nanide te bidi isai wilawe we me deli bidali. Tama te wilawe we te po tų dodolobo bidi pageba asidu geali. Asiyu, ‘Nago eno po tų odao, eno boi bidigo po aiyaba elaluaibao,’ te po wagasidu geali.