Matyu 5:21 - Godigo dwagi yai po buku

²¹ Te Jisasgo te po wai, “Te Mosesgo dagego wąį dabebolo polobadu ola mani po te po dagego odai dao. Agai te po wai, ‘Te nago bidi me ela mugio. Tama bidi mego bidi me deli ela mubaso da, teda dagego te bidi aga te po tų ebo bidiba odasa pao,’ te po wai.

Matyu 5:21 Referans Kwoze

Bomai Po 5:17

“‘Dagego gasa we bidi elama isiligio.’”

Ma Dobola Sali 20:13

“Nago we bidi ela mugio.”

Matyu 5:38

“Te Mosesgo dagego wąį dabebolo polobadu ola mani po me te dagego odai dao, te po e dao, ‘Te bidi me deligo nago gedu dolobaso da, teda nago agai gedu me dolao. Tama bidi me deli agai nago kele me deli togobaso da, teda nago aga kele me deli me togwao.’

Israel Hanigo Namba 35:12

Te hanu dabe te duala sabo bulu tiwai elalumainao. Tama te isali bidi aga hanigo te isali bidi wei ponidali weyu. Tama te gasa bidi elali bidi aga bugagia bidama, tama aga po tų eboba bolo usu nigi pomainao. Tama te po tųde aga isimainao wali da, teda augwaligo aga ela mumainao.

Matyu 5:33

Jisasgo te po wai, “Te Mosesgo dagego wąį dabebolo polobadu ola mani po me te po dagego odai dao, agai te po wai, ‘Nago te Genuai Bidi Godibolo te eno te sę mu yaibao po weyu, tama nago te po dąų olama, tama nosali nago te dąų wali po togogio. Menio. Nago te po dolo wali peyu te sę yao,’ Mosesgo te po wai.

Matyu 5:27

Te Jisasgo te po wai, “Te Mosesgo dagego wąį dabebolo polobadu ola mani po te po dagego odai dao. Agai te po wai, ‘Penani egio.’

Matyu 5:43

Jisasgo te po wai, “Te dagego odai, polobadu augwaligo te po wai dao, ‘Nago naga abagi godolo eyu, tama nago naga boi bidi dali dwai homu yao.’

Bomai Po 16:18

Tama Mosesgo po geninama weyu, te po wali, “Te dage hani deli deli tomode, dagego te jas me te ofisa dabe sa mumuna pao, te Genuai Bidi dago God agai dage mawainogo ebo te hanu dabede bida bida pabo, te bidi dabe.

2 Samuel 20:18

Tama wego Joapba te tama po wai, “Polobadu augwaligo te tama po wai, ‘Te nago homude po me elalubaso da, nage te hanu Abelba pao,’ wai. Augwa te dena bulu Abelba aselama, tama te Abel dabego augwa te homu sęgę elalubo dodoliyu yai dao.

Tuni Bidi Dabego Po Elalubo Buku Si 19:5

Tama Jehosafatgo te po tų ebo odabo bidi dabe sa munama. augwali te tigidali bomai obo elalubo taunde tatagalo pali.

1 Jon 3:15

Bidigo aga ama dali boi bidi homu ebo bidi, aga te bidi ela mubo bidi dao. Tama dagego koneai, bidi ela mubo bidi, te bidi aga te dwagi yai bidada peyu, bidada pabo ula elalubo menio.