Matyu 5:18 - Godigo dwagi yai po buku

¹⁸ Te eno mu po dagebolo obao. Te dagalu dali tǫ si silisąbadi da, tama te asęani bomo yai po dwasianunu me deli munu me siligobeo. Menio. Te po tigidali augwali elaluaibao. Tama elalubadi te bomo yai pogo aga sę tigidali silaibao. Tama aga sę silibaso da, te sogo naga te bomo yai po me silaibao.

Matyu 5:18 Referans Kwoze

Dwagi Yai Gesi Po Lukgo Asęani 16:17

Eno te wali goli, te dagalu me, te dagalude bidibo nai dabe me, e tǫ me, augwali tigidali olo hagawaibao. Tiali goli, Godigo bomo yai po me dwasianunu te munu me olo hagagobeo.”

Aisaia 40:8

Te nosai wa pelama, te plaua dabe boga selama, tulalueibao. Tiali goli, te dena Godigo po da, te sesemane elalua pidu, elalua paibao. Te po pusao,” wali.

1 Pita 1:25

Tiali goli te Genuai Bidigo po bidada peyu, bidada pabo dao,” te po asęani. Tama te po da, te augwaligo dagebolo pusagasali wiegi yai gesi po dao.

Dwagi Yai Gesi Po Makgo Asęani 13:30

Eno mu po dagebolo obe dao: te megi e sogode bidalubo we bidi dabe augwali me isisąbadi, tama te sę tigidali pedalubo sueibao.

Aisaia 51:6

Dagego te dagaluba ugwaba tonoyu, te tǫba aiyaba tonoyu yao. Te dagalu tigidali te hano sia sabo tiwai mu yaibao, tama tǫ te gudubo ugwa dolobo tiwai yaibao. Te tigidali we bidi te dinai sibi isila pabo tiwai yaibao. Tiali goli, eno te we bidi tau siyu, ma sabo kolesaga, te sesemane sogo elalua pidubadi, te me sia sogobeo,” wali.

Kraisgo Geme Dualali Sę Pedelabo Po Jonbolo Ola Mani 20:11

Te eno suali, genuai tedela yai te tuni bidi duabo nai elaluali, tama bidi te duabo naide dulaluai. Tama tǫ dali dagalu si te agade wi pali, tama augwaligo bulu ma elalugobeo. Menio. Augwali si mu silalio.

Godigo Nogi Ugwaba Sabo Tęąbi Po Wabo Buku Dabe 102:26

Te tigidali nai te hagawaibao. Tiali goli, nage te sesemane bidaibao. Te augwali te poloba ugwa badia pabo tiwai pedelama, te dolaibao. Tama nago augwali hasegelama, te bidigo ugwa hasegelibo tiwai yaibao, tama augwali pela siliyu, tama me elalugobeo.

Dwagi Yai Gesi Po Jongo Asęani 5:19

Te Jisasgo po wei ponoyu, te po wai, “Eno dagebolo mu po tama obao, Godigo Ogwago agaduba homugo magi sę me ebo menio. Agai Ayago ebo sę naga sulama, agai ebo dao. Tigidali sę Ayago ebo, te aga Ogwago tama ebo dao.

Matyu 17:20

Tama agai te po augwalibolo wai, “Dagego homu Godiba dwasianu naga begi pobaso, dagego te sę yainogo ebo te usu meni dao. Awe, eno mu po dagebolo obe dao, te dagego Godiba duga homu begi pabo kolesaga te dwasianunu, te kemeni ge tiwai usu elalubaso da, teda dagego e bulu dubolo te po weyu da, ‘Nage hodaluama tama u badu pao’ wabo si da, tama aga teba paibao. Tama dagego te tiwai bomai sę tigidali ebo te usu yaibao.

Matyu 16:28

Eno mu po dagebolo obao, dage megi ede bidalubo bidi dabe me badu isisąbadi, dagego te Godigo Bidi Mu aga we bidi tonalubo sę yabo bomo dali asobo sueibao,” Jisasgo te po wai.

Matyu 13:17

Eno mu po dagebolo obao, polobadu te Godigo po pusali bidi hauwa dabego me, te doloba pai bidi hauwa augwaligo me te megi dagego te subo sę suainogo godolo yai, tiali goli augwaligo me subeo. Tama augwaligo me megi dagego te odobo po odainogo godolo yai, tiali goli augwaligo te po me odai menio,” Jisasgo te po wai.

Matyu 10:23

Tama augwaligo dage te hanu me delide dene mobaso da, teda dage wi peyu, gasa hanuba pao. Eno mu po dagebolo obao, te tigidali Israel hanude te dagego sę ebo silisąbadi yaide, tama te Godigo Bidi Mu aga ma asaibao.” wali.

Matyu 6:2

“Tama tibaso, dagego tama tiao. Nago te magi nai meni yai bidi tau siyu, te masigi madu gebo si, te nago polasa te bu wabo nai biugel bu wabo bidi bolo tagala paligio, te ugwadu homugo naga po wabo bidi dabego ebo tiwai egio. Te we bidigo augwali nogi ugwaba somainogo tama augwaligo te we bidi gesabidide te nai meni yai we bidibolo masigi mabo dao, te bomo yai po ola mabo bede me, te pabo tųde me te kolesaga augwaligo ebo dao. Eno mu po dagebolo obao, augwaligo te tobage sę elama, tama we bidigo augwaligo nogi ugwaba sai goli, te tama dao, te Godigo te sę ebode augwalibolo wiegi yai nai mu me magobeo.

Matyu 5:26

Tama eno mu po dagebolo obao, nago te po tųde sali negeli wei tigidali masiąbadi, teda nage kalabuside bidibo tagalogobeo,” Jisasgo te po wai.

Godigo Nogi Ugwaba Sabo Tęąbi Po Wabo Buku Dabe 119:152

Te bidada asali sogo polobadu mu eno nago po konea salio. Nago te wali pogo te sesemane sogo bidada pabo po wai dao.

Dwagi Yai Gesi Po Jongo Asęani 21:18

Eno mu po nage dali obao, polobadu nage gesi bidi bidiyu, tama naga digi kugulu gudulama, tama naga pabo mena mena bulu te naga homugo digi te buluba pai dao. Tialima nosali nage monu dabe ebo sogo, tama tebo sogo da te nago nogo ugwaba siyu, tama gasa bidigo nago nogo tulama, nago homugo pisąyabo homu isąwani te buluba nage odasa paibao,” Jisasgo te po wai.

Dwagi Yai Gesi Po Jongo Asęani 16:23

“Te sogo dagego ena dali magi nai me hanalugobeo. Eno dage dali mu po obao, dagego gedu haluasa po weyu, Ayago magi nai me dagebolo mao eno nogide weyu da, teda Aya agai dagebolo mawaibao,” Jisasgo te po wai.

Dwagi Yai Gesi Po Jongo Asęani 16:20

Eno mu po dage dali obao, dage genuai gela weyu, tama homu dene eyu, gela mu waibao. Tiali goli, enade konesiąwai we bidi augwali da dwagi yai homu yaibao. Tama dagego homu sęgę yaibao. Tiali goli dagego homu sęgę yali ma begelama, dwagi yai homu mu yaibao.

Dwagi Yai Gesi Po Jongo Asęani 14:12

Eno mu po dagebolo obao, bidigo enaba aga homu muyu da, eno ebo sę te agai me yaibao. Tama agai genuai sę mu yaibao, tama te sęgo eno yali sę aiyaba elaluaibao. Magi basowe? Ena eno Aya God bidibo digi paibao.

Dwagi Yai Gesi Po Jongo Asęani 13:38

Jisasgo po wei ponoyu, te po wai, “Mu dawe? Ena tobade nage ena tau siyu, isabo sisi ebawe? Menio. Eno mu po nagebolo obao, be posisiąbadi, te ba kakaruk po wasiąbadi, sela sogo nago eno nogi dualaibao,” Jisasgo te po wai.

Dwagi Yai Gesi Po Jongo Asęani 13:16

Tama te sę page ola mayu, eno dagebolo mu po obao, sę ebo bidi agai aga genuai bidigo nogi aiyaba elalugobeo. Tama te po sela pabo bidigo aga tagala palali bidigo nogi aiyaba elalugobeo.

Dwagi Yai Gesi Po Jongo Asęani 12:24

Eno mu po dagebolo obao, te nai wit wai tǫba tulaluai, te pedama, kulubi holisiąyu da, te agaduba deli bidaibao, te tǫde daumua paibao. Tialima, aga pedama, kulubi pedaliyu da, te agai nai hauwa walaibao. Te ena me tiwai dao.

Dwagi Yai Gesi Po Jongo Asęani 10:7

Te augwaligo Jisasgo wali po digi begelai po page konesiąbaso, agai augwalibolo te po ma wai, “Eno mu po dage dali obao, ena digi ena da kibu sipsipgo tomogai tų palialubo bidi dao,” te po wai.

Dwagi Yai Gesi Po Jongo Asęani 10:1

Jisasgo te po wai, “Mu po eno dagebolo obao. Bidi kibu sipsip bidibo bagulali obo tomogae tomoba pabo tųdu dolo pisąbo bidi da, te tialima agai gasa badu tomogae bolama tomoba pabo bidi yai baso da, teda te tebo bidi aga te nai wi sabo bidi dao, mena nai anoma elama sabo bidi dao.

Dwagi Yai Gesi Po Jongo Asęani 8:58

Jisasgo augwalibolo te po wai, “Mu po eno dage dali obao. Polobadu Abraham tede bidu ame nesiąbadi yaide, te sogo ena bidai dao, megi tama me ena bidibo dao,” Jisasgo te po wai.

Dwagi Yai Gesi Po Jongo Asęani 8:51

Mu po eno dagebolo obao, eno po wali pabo bidi dabe augwali munu me isigobeo,” Jisasgo te po wai.

Dwagi Yai Gesi Po Jongo Asęani 8:34

Jisasgo augwali dali te po wai, “Eno mu po dagebolo obao, tigidali we bidi augwaligo dwai sę edu da, augwali te dwai sę sęgę dologode me bididu ebao, te augwali te nogo dąų wali olo sę ebo bidi dabe gagawai bidibao.

Dwagi Yai Gesi Po Jongo Asęani 6:53

Tama Jisasgo augwalibolo te po wai, “Eno mu po dagebolo obao, dagego Godigo Bidi Mu agai tigi tusiąwani da, agai kaneme tusiąwani da, tiali da, dagego te bidabo bomo elalugobeo.

Dwagi Yai Gesi Po Jongo Asęani 6:47

Eno mu po dagebolo obao. Bidigo enabolo aga homu dąų olama, enaba tialubo bidi, aga bidada peyu, bidada pabo bomo selama, mu bidaibao.

Dwagi Yai Gesi Po Jongo Asęani 6:32

Tama tibaso Jisasgo augwalibolo te po wai, “Mu tama eno dagebolo obao. Polobadu Mosesgo dagebolo mani nai te dagalu bret te dage mabeo. Menio. Eno Aya Godigo da te dage dagalu bret mu dage megi mabo dao.

Dwagi Yai Gesi Po Jongo Asęani 6:26

Jisasgo po wei ponoyu, te po wai, “Mu tama eno dagebolo obao, dagego eno yali bomo yai sę page homugo koneama, ena gegeyu ebeo. Menio. Dage eno te mani bret tulama, tama dage haliga pągąwai dao. Te tiali pagede dagego ena gegebo sę ebao,” wai. Jisasgo te po Juda bage dali wai.

Dwagi Yai Gesi Po Jongo Asęani 3:11

Eno mu po nagebolo obao, dago e wabo po da te dago koneani po obao, tama dago po pusali da, te dago suali sę po dao. Tiali goli dagego dago wali po te dagego tudiba muanio.

Dwagi Yai Gesi Po Jongo Asęani 3:5

Jisasgo te po wei ponoyu, te po wai, “Mu tama eno nagebolo obao, bidi ąįde baptais sabo ąį dali Godigo Mobo Bidi dali gesi ma gagasiąyu da, te bidi God bidibo digi tomoba pogobeo.

Dwagi Yai Gesi Po Jongo Asęani 3:3

Jisasgo Nikodemusbolo po wei ponoyu, te po wai, “Mu tama, eno nagebolo obao, bidi me te ma ame nabo tiwai eyu, gesi ma pedalisiąyu da, te bidi agai Godigo we bidi tonalubo sę me sugobeo,” Jisasgo te po wai.

Dwagi Yai Gesi Po Jongo Asęani 1:51

Tama Jisasgo agabolo ma naga wai, “Mu tamao, eno mu po dagebolo obao, nosali dagego dagalu dala pabo sueibao. Tama dagego Godigo dagalude sę ebo ensel mobo bidi augwali ugwaba holoyu, aiyaba duluyu ebo dagego sueibao. Tama augwali enaba asiyu yaibao, ena da te Godigo Bidi Mu dao,” Jisasgo te po wai.

Dwagi Yai Gesi Po Lukgo Asęani 23:43

Tama Jisasgo agabolo weyu, te po wai, “Eno nage dali mu po obao, megi tama nage ena dali bugagia bida bida pabo bulude bidaibao,” Jisas te po te bidi dali wai.

Dwagi Yai Gesi Po Lukgo Asęani 18:29

“Ao,” Jisasgo wali, “tama eno dagebolo e po obao, bidi mego aga be dabe, aga we, aga ama dede, aga ida aya, aga wai puluba tagalama, Godigo we bidi tonalubo sę tobade,

Dwagi Yai Gesi Po Lukgo Asęani 18:17

Ogwa dali wegi dali augwaligo Godigo wabo po odama, tia sali. Tama te tobage homu isąwai we bidi augwali Godigo we bidi tonalubo madigi tomoba pogobeo,” Jisasgo te po wai.

Dwagi Yai Gesi Po Lukgo Asęani 13:35

Edao! Megi dagego bidibo be nani Godigo tagalali, olo elalubao. Tama eno dagebolo obao, nosali dagego ena ma sugobeo. Dagego ena susiąma bidu, hauwa sogo sia saibao. Tama sia selama, nosali me dagego ‘Dago te Godigo nogide asobo bidigo nogi ugwaba sao’ wabo si, teda dagego ena ma sueibao,” Jisasgo te po wali.

Dwagi Yai Gesi Po Lukgo Asęani 12:37

Te genuai bidi asu suagasali, te sę ebo bidi dabe te godege pisąma, te gedu dila pai bomonama bididubadi yaide, augwa genuai bidigo suagasobaso da, teda te sę ebo bidi dabe da dwagi yai homu pemene mu yaibao. Eno dagebolo obe dao, te genuai bidi agai digi te sę ebo bidi dabego sę ebogia, aga ugwa haganama, te kukulu dąų walama, ‘Dage dua yao’ olama, tubo nai augwalibolo mawaibao.

Dwagi Yai Gesi Po Lukgo Asęani 11:51

Polobadu augwaligo te Godigo po pusa mani profet dabe ela muani. Te bidi me nogi Abel elali. Te sogode gagalasa elala asali, te siminagasu, te bidi Sekaraia ela muani. Te bidi Sekaraia te Moni Lotu Be tempel tomoba pelama, dolalugi pali. Aga te Godibolo nai ula mabo sia nogobo alta pesage pagede bidali. Te habu mu selali pesage si tomo agebelede bidibadi yaide, augwaligo aga ela muani. Te tiali pode eno mu tama obe dao. Te tiali wei siyu megi bidibo we bidi dabe augwali moni dene mu saibao.

Dwagi Yai Gesi Po Makgo Asęani 14:30

Tama Jisasgo agabolo te po wai, “Eno mu po nagebolo obao, megi e sogo hulide, te ba kakaruk po si sogo wasiąbadi, tama nago ena konebeo po te sela sogo waibao.” wali.

Dwagi Yai Gesi Po Makgo Asęani 14:25

Eno mu po dagebolo obao, eno te wain du kaneme ąį munu ma tusiąbadi te eno gesi ąį te Godigo we bidi tonalubo madide tubo sogoba usu nigi paibao,” Jisasgo te po wai.

Dwagi Yai Gesi Po Makgo Asęani 14:18

Augwali te tebol saide dudulaluyu tama nai tutuladu, tama Jisasgo te po wai, “Eno mu po dagebolo obao, te dage tomode bidi me deli agai ena te ena dali boi bidi ebo bidi dabe augwaligo nogoba mawaibao. Te ena dali megi nai tubo bidi me deligo tama tiaibao,” te po wai.

Dwagi Yai Gesi Po Makgo Asęani 14:9

Eno mu po dagebolo obao, te tigidali tǫ pedaide augwaligo te Godigo gesi wiegi yai po pusubo sę ela pabode, te augwaligo e wego te yali sęde po mimi peyu, tama augwali tede homu kone palaibao,” Jisasgo te po wai.

Dwagi Yai Gesi Po Makgo Asęani 12:43

Tama Jisasgo aga wali pabo bidi asomainu i olama, tama augwalibolo agai te po wai, “Eno mu po dagebolo obao, te aga bidi isai wilawe we, te doado bage meni yai wego, agai te mone ge muani, te tialigo te tigidali we bidigo te halobageba mone muani mone te aiyaba elalualio.

Dwagi Yai Gesi Po Makgo Asęani 11:23

teda dagego te bulu dubolo po weyu, ‘Nage hogodama, tama nage te tamu ąįba samonao,’ te po wagameo. Tama homu si me isąyu, tama duga homude Godide konealubo po dąų naga olama, te po weyu, ‘Eno te wali po te mu po pedalaibao,’ te homu mu eyu da, teda dagego te bulu dude wali po gilama te sę mu pedalaibao.

Dwagi Yai Gesi Po Makgo Asęani 10:29

Jisasgo te po wai, “Eno mu po dagebolo obao, tigidali bidigo enade homu kone palu, tama te Godigo wiegi yai gesi pode me koneama, tama te be, ma ama, me abe, me ida, me aya, me wai, me gi, te tigidali nai taga peyu da,

Dwagi Yai Gesi Po Makgo Asęani 10:15

Eno mu po dagebolo obe dao, te bidi me deli aga te dwasianu wai puluba tiwai gagayu, te God bidibo madi tomoba pabo homu me isiąwani bidi, aga te tomoba painu ebo usu me egobeo. Mu menio,” te po wai.

Dwagi Yai Gesi Po Makgo Asęani 9:41

Te bidi me deligo dage sulama, tama agai te homu elama, ‘Eno te Kraisgo bidi dabe tau saiba’ homu elama, tama agai te kapde wę dage mobaso da, teda eno mu po dagebolo obao, te bidigo nosali sabo wiegi yai nai da, te me hagagobeo,” Jisasgo te po wai.

Dwagi Yai Gesi Po Makgo Asęani 9:1

Te po silama, tama agai augwalibolo te po wai, “Eno mu po dagebolo obao, te ede dolalubo bidi dabe meba te augwali me isisąbadi, tama te Godigo te we bidi tonalubo sę te aga bomo dali pedalubo augwaligo sueibao,” agai te po wai.

Dwagi Yai Gesi Po Makgo Asęani 8:12

Jisasgo aga homu noma bidide sęgę ebo ąǫ ebaso, tama agai te po wai, “Magi baso te we bidi hanigo e sogode te bomai sę yao obawe? Eno mu po dagebolo obe dao, te e sogode te bidalubo bidi dabego suabo bomai sę me deli eno me egobeo. Mu menio!” wali.

Dwagi Yai Gesi Po Makgo Asęani 6:11

Tama te meba bulude te augwaligo dage te augwa beba dage sela pisąma, tama augwaligo dagego po odisąyu ebaso da, teda dagego te bulu taga peyu, tama te dagego sągąde elalubo pobele bage sela sąyao. Tama tiyu augwaligo te augwa dage dali yali dwai kolesaga homugo kone palomainao,” agai te po wai.

Dwagi Yai Gesi Po Makgo Asęani 3:28

Tama Jisasgo te po olama, po me weyu agai te po wai, “Eno mu po dagebolo obao. Te we bidigo magi magi dwai sę ebo, ma augwaligo magi dwai posobo po Godibolo wabo, te tigidali dwai dwai kolesaga te God agai sela sąbo bomogo sela sąbo usu mu yaibao.

Matyu 25:45

“Tama agai augwaligo po wei ponoyu, te po waibao, ‘Eno mu po dagebolo obao, te dagego eno megi e wali tobage sę te e tiwai nogi meni yai bidi aga dagego tau me sabeo, te tobage sę dagego enabolo me te ebeo,’ te tuni bidigo te po waibao.

Matyu 25:40

Tama tuni bidigo po wei ponoyu, augwalibolo te po waibao, ‘Eno mu po dagebolo obao, te tigidali sę dagego te eno amanu e tiwai te nogi meni yai bidi dali yali wiegi yai sę, te sę dabe te dagego ena dali te yali dao.’ Tuni bidigo te po waibao.”

Matyu 25:12

Tiali goli agai po wei ponoyu, bomonama te po wai, ‘Eno mu po dagebolo obao, eno dage konebeo,’ wali.”

Matyu 24:47

Eno mu po dagebolo obao, teda agai te sę bidi aga te tigidali agai nai tonalubo bidi munama bidaibao.

Matyu 24:2

Tiali goli agai po augwalibolo wei ponoyu, te po wai, “Awe, dagego te haniani be dabe tigidali suao. Eno mu po dagebolo obao, augwaligo e gasa masigi daide ugwadu manama elalubo masigi dabe, te me gogolama me sula tagalogobeo. Te tigidali augwali pebedelama, te tǫba aiyaba sąsąwaibao.” Jisasgo te po wai.

Matyu 23:36

Eno mu po dagebolo obe dao, te dwai sę yali sęgę tigidali te megi e tǫde bidalubo we bidi haniba mu pedelaibao,” Jisasgo te po wai.

Matyu 21:31

Tama tilama, te ogwa sigo te mena ogwago mu te aga ayago homu kolesaga wali paliwe?” Jisasgo te po hanalu wai. Tama augwaligo te po wai, “Te aga hasia ogwago agai po wali pali.” Tama Jisasgo te Juda bage genuai bidi dabebolo te po wai, “Eno mu po dagebolo obe dao, te takis mone sabo dwai bidi dabe augwali badi, te penani yali we dabe dali, augwaligo ge neyu homu ma hasegelama, tama augwali dage aiyaba elaluama tama polasa te Godigo we bidi tonalubo kolesaga tomoba peyu, tama dage nosaliba ilalio.

Matyu 21:21

Tama Jisasgo po wei ponoyu, augwalibolo te po wai, “Eno mu po dagebolo obao, dagego te Godide konealubo po mu dąų olama, tama dagego homu si me isąbaso da, teda dagego eno e ni kayade yali tiwai sę dagego me ebo te usu yaibao. Tama dagego te sę naga egobeo. Menio. Te dagego e elalubo bulu dubolo te po weyu, ‘Nage hodaluama, nage te tamu ąįba samonao’ po obaso da, teda agai te tiwai yaibao.

Matyu 19:28

Tama Jisasgo augwali dali te po wali, “Eno mu po dagebolo obao, te tigidali nai gesi noma ma pedalobo sogo, te Godigo Bidi Mu aga genuai nogi me bomo dali te sogo te tuni bidi duabo sia saide dulaluyu, te sogo te dage, dage ena wali asali bidi dabe me, dage tuni bidi dabe bidiyu, tama te 12 wali te duabo sia saide dualama, tama te 12 te Israel hani augwali tonalubo sę yagameo.

Matyu 19:23

Tama Jisasgo aga wali pabo bidi dabebolo te po wai, “Eno mu po dagebolo obe dao, te mone hauwa munalubo bidi aga te Godigo we bidi tonalubo kolesaga te tomoba painogo te sinabo sę mu yaibao.

Matyu 18:18

“Eno mu po dagebolo obao, dagego e tǫde dąų weyu habu selali nai te nai tigidali te Godigo me te aga we bidi tonalubo madide me dąų weyu habu selaibao. Ma, dagego e tǫde pisigina sąbo nai te nai tigidali te Godigo me te aga we bidi tonalubo madide me pisigina sąwaibao.

Matyu 18:3

Tama agai te po wai, “Eno mu po dagebolo obao, te dage e wai bǫų tiwai pedelama hasegelesiąbaso da, ta dage te Godigo we bidi tonalubo bomo tomoba munu me pogobeo.

Matyu 11:11

Eno mu po dagebolo obao, Jon te we bidi baptais mani bidi agai te tǫde pedelali tigidali bidi aiyaba elaluai dao. Tiali goli te Godigo we bidi tonalubo madide bidibo nogi meni yai olo bidi, te bidigo Jon aiyaba elalubao.

Matyu 10:42

Tama bidigo te ena wali pabo olo nogi meni yai bidi me deli ąį nogone ebo sulama, tama aga tau siyu. tama te kedau wai wę naga mabo bidi da, teda eno mu po dagebolo obao, Godigo te bidibolo te wiegi yai nai mu mawaibao, te nai te munu me hagagobeo,” wali.

Matyu 10:15

Eno mu po dagebolo obao, te tigidali we bidi po tų ebo bodolu muani sogo, te dagego po odobo hagela yai we bidi augwaligo sabo sęgę te genuai mu saibao, te sęgęgo te hanu si Sodom me Gomora side polobadu bidali dwai dwai kolesaga yali we bidigo sabo sęgę aiyaba elaluaibao,” Jisasgo te po wai.

Matyu 8:10

Jisasgo te po odama, tama aga homu noma siyu, tama agai aga wali asobo we bidi dabebolo te po wali, “Eno mu po dagebolo obao, eno te Israel we bidi hanide te tobage konealubo po dąų wai bidi tiwai me deli eno subeo. Menio.

Matyu 6:16

“Te dagego Godibolo po wainu tama nai osogo gisilidu gebo si, teda dagego dwai gesabi siyu, te hulia sabo te tiwai te ugwadu homugo naga po wabo bidi dabego nai osogo gisilama gesabi hulia sabo tiwai egimio. Te menio. Augwaligo gesabi doloyu, hulia sabo te we bidigo augwaligo nai gisilali sulama konemainogo ebo dao. Eno mu po dagebolo obao, augwaligo te tobage sę elama, tama we bidigo augwaligo nogi ugwaba sai goli, te tama dao, te Godigo te sę ebode augwalibolo wiegi yai nai me magobeo.

Dwagi Yai Gesi Po Lukgo Asęani 4:24

Jisasgo wei ponoyu, te po wali, “Eno dagebolo mu tama te obe dao, Godigo po ola mabo bidigo po aga bulude bidu wabo, aga te bulu bidigo mu tama odobo menio.

Godigo Nogi Ugwaba Sabo Tęąbi Po Wabo Buku Dabe 111:8

Te Godigo bomai po sesemane elalubao. Godigo te wiegi yai doloba pai kolesaga naga elama, tama te bomai po dodolama, elalubo dao.

Aisaia 44:26

Te eno sę bidigo magi sę yabo po me deli pusubo sogo, tama te sę nosali badu pedelaibao, te po eno wabo sogo da, teda eno te po mu naga pedalumainu ebo dao. Te megi eno te tiwai po obao. Te we bidi dabe te Jerusalemde ma bidigi pelama, bidaibao. Me te Juda dabego taun augwa ma nigaibao. Te megi dolama elalubo hanu dabe te eno ma wiegi yai nigilaibao.