Matyu 5:13 - Godigo dwagi yai po buku

¹³ “Te dage konealubo po dąų wabo we bidi dabe, dage e tǫde bidibo we bidi tomode bidiyu, tama dage te tamu aga sę ebo tiwai eyu bidiąo. Te tamu aga pusu te tubo naibolo mabo dao. Tama dagego dwagi yai kolesaga ebogo te gasa we bidi augwaligo ebo kolesaga dwagi yai ilao. Tiali goli, tamu halia peyu pusu ebo tagaliyu da, teda dago magi ilama te tamu aga pusu yali ma saibawe? Menio, te tamugo da, te sę ma egobeo. Te bidi dabego sela sąyu naga eyu, tama augwaligo sągągo agabo dao.”

Matyu 5:13 Referans Kwoze

Kolosi 4:6

Tama tiyu dagego wabo po sesemane sogo dwagi yai eyu tama augwaligo odai hagede emainu tama pusu yabo po naga wao. Tama bidi mego dage Godigo po pagede po me hanalu obaso da, dagego agabolo bugagia wei ponobo po kuna homu kone palama wei ponao.

Pris Sę Ebo Bomai Po 2:13

Te dagego wit ulubo ofa ebo side tigidali sogo tamu muao, magi baso meni, tamugo dagego te God dali dąų walali bomai po dąį ebo tiwai ebao. Te dagego te duga God dali dąų wali bomai po gegeda pidali weyu, te tigidali ofade dagego tamu naga mudao. Dagego te ofa me delide tamu mubo me gegeda paligio. Mu menio,” wali.

Jopgo Po Asęani Elalubo Buku 6:6

Tiali goli, dago pusu menia nai meba elalubo, dago te nai subigila tuaibawe? Menima. Hasia dago tamu bolo munama, tama dago tubo da. Ma, te ba ge gani pusu ebo dawe? Mu menima.

Hibru 10:29

Te Mosesgo mani bomai po bolali bidi dali te bidi dabego tama tialigo da, teda dagego magi homu te Godigo Ogwa tudiba mubo bidi dali yaibawe? Magi baso menio. Te Kraisgo te Godigo da tau sabo po dąų wali kanemego te bidi wiegi yai ilali. Tiali goli te bidigo dwai kolesaga ma ebogo te po dąų wali kaneme te olo nai tiwai ilalio. Tama agai dwai kolesaga mu te olo tau sabo kolesaga mabo Mobo Bidi dali eyu, tama Mobo Bidi nogi posobo po tama wai dao. Kone palao. Te bidi aga sęgę genuai mu sobaso, te dolo mu dao.