Matyu 4:2 - Godigo dwagi yai po buku

² Tama Jisas nai tusiąbadi aga te bidi sese si siade me hulide me bidai. Tama nosali aga nasi yai.

Matyu 4:2 Referans Kwoze

Bomai Po 9:18

Tama deli sogo ma deli ena Genuai Bidi pageba pelama, tama ena gesabidi tǫ aiyaba ilama, pila muani. Ena pila mudubadi, te giligade me hulide te bidi sese si 40 dei tama yali. Tama eno magi nai me wę me tuai menio. Eno te tama tiali, magi baso meni, dagego Genuai Bidigo gedude dwai kolesaga elama, agabolo sęgę selama, tama aga sębę ilai baso.

Te Israel me Juda Hani Sigo Tuni Bidigo Po Elalubo Buku Deli 19:8

Tialima, Elaija hodaluama, te nai me wę ma tuali. Te naigo aga tigi dili ilama, te aga pidubadi, te giligade me hulide usu nama te bidi sese si, 40 dei wabo sogoba usu nai. Tama nosali aga te bulu du Horep ma Sainaiba sabolai, te Godigo bulu du dao.

Ma Dobola Sali 34:28

Tama Moses te Genuai Bidi dali te bulu dude te bidi sese si, 40 sogo bidai. Tama agai nai deli me, ąį me, te me tubeo. Mu menio. Tama Genuai Bidigo te bomai po te Mosesgo te sela holali masigi side asęai. Te po te Godigo bomo yai nogo si po dabe dao.

Dwagi Yai Gesi Po Lukgo Asęani 4:2

Jisas te bidi meni yai buluba pelama bidibadi yaide, Sarere a naga olama, a naga sogo, te 40 dei bidai elalubadi, Satango Jisasbolo dwai sę yanama sinayagasali. Te sogo usu nama Jisasgo nai munu me tubeo. Tama te sogo silibo si, Jisas nasi yali.

Bomai Po 9:9

Ena te bulu duba holama, tama te masigi si sigi painogo pai dao, te masigi pedai side agai dage dali dąų walali te po asęai dao. Ena te giligade me hulide te bidi sese si 40 bubugade tede bidai dao, tama eno nai me tuyu, wę me tuyu me yai menio.

Bomai Po 9:25

“Tama tialima, dage te bulu du sesegede bidibadi, ena te bulu duba holama, tama ena gesabidi tǫba ilama, tama ena bidi sese si 40 dei tama ena pila muai dao. Eno te tama tiali, magi baso meni, Genuai Bidigo dage sese tama dola silaibao obaso.

Ma Dobola Sali 24:18

Tama Moses te pǫ tomoba pelama, tama te bulu du ugwaba mu holai. Tama aga te bulu dude te bidi sese si 40 te tama sogo bidai.

Dwagi Yai Gesi Po Jongo Asęani 4:6

Ąį sabo tǫ dedage polobadu Jekopgo nigai, te bulude elalubuo. Jisas pelama, aga tigi dene baso, te ąį sabo tǫ dedage pąde dugulaluai. Te giliga tomo yagasobode.

Dwagi Yai Gesi Po Makgo Asęani 11:12

Te nosali sogode augwaligo te bulu Betani tagalama, tama Jerusalemba ma asobadi, tama Jisas aga nasi yali.

Bomai Po 18:18

‘Tama eno te we bidi hani tomode eno bidi me deli sa muaibao,’ po wali. ‘Tama aga te profet bidi nage yali gilama nigaibao. Tama eno po agabolo mayu yaibao. Tama eno po me deli te we bidibolo pusigi pao po obaso da, teda agai pusiyu yaibao.

Matyu 21:18

Te sogo kigamu digi mu aga te moni hanu tomoba ma pobadi tama aga nasi yai.

Matyu 25:35

Magi baso meni, polobadu ena nasi dali bidibadi, dagego ena nai mawai. Ena ąį nogone ebadi, tama dagego ena ąį mawai. Ena gasa bulu bidi asobaso, tama dagego duga beba ena odasa pai.

Matyu 25:42

Magi baso meni, polobadu ena nasi idubadi, dagego ena nai mabeo. Ena ąį nogone idubadi, tama dagego ena ąį mabeo.