Matyu 4:13 - Godigo dwagi yai po buku

¹³ Tama aga te Nasaret hanude osogo bidama, tama tedu pelama, te Kaperneam buluba pelama bidigi pai. Te Kaperneam hanu te sigi wę sesegede elaluali, te Sebulun bidi hanigo tǫ me te Naptali bidi hanigo tǫ me te tǫ si te badu elalubo dao.

Matyu 4:13 Referans Kwoze

Dwagi Yai Gesi Po Jongo Asęani 4:46

Jisas te Galili tǫ tomoba pelama, tama aga te Kana be naniba sabolai. Te bulude polobadu Jisas agai ąį mugo te pusu ebo ąį wain nigai. Tama te be nani me nogi Kaperneam te digibulu gana. Tama Kaperneam bulude genuai gavman bidi bidai, te bidi aga ogwa gasi yai.

Dwagi Yai Gesi Po Makgo Asęani 1:21

Te Jisas dali, aga bidi me si me si dali, augwali te Kaperneam hanuba pelama, tama teba sabolali. Tama te Sabat sogo dwasianu Sarere Jisas te Juda dabego bomo yai po ola mabo be tomoba polo pelama, tama agai po te we bidi augwalibolo ola mani.

Matyu 11:23

Tama dage Kaperneam hanude bidibo bage, te dagego homu te dagego nogi ugwaba siyu, te sigiba mu, te dagaluba paio, te homu yali. Tiali goli, mu menio. Te dage tigi dene ebo dwai sia dabo dedage pageba sąwaibao. Tama bidi me deli agai bomai sę dabe te eno dagego hanude yali bomai sę dabe tiwai te bomai sę te Sodom hanude egi sogo da, teda megi me te Sodom hanu elalugi dao.

Dwagi Yai Gesi Po Jongo Asęani 6:59

Jisasgo augwali te bomo yai po ola mabo be tomode te po ola mawai, te Kaperneam be nanide.

Dwagi Yai Gesi Po Jongo Asęani 6:24

Te we bidi augwaligo suali, Jisas dali aga bidi dabe dali bidibo subeo. Tialima, augwali te tamadi asai geba dabeba holama, tama augwali Kaperneam buluba Jisas gegegi pai.

Dwagi Yai Gesi Po Jongo Asęani 6:17

Megi hulia sai, tama Jisas augwali bidibo digi pedalobeo. Tama tibaso, augwali moni gebaba holama, te ąįdu pai. Augwali Kaperneam be naniba painogo yai.

Dwagi Yai Gesi Po Jongo Asęani 2:12

Te sę silama, tama Jisas aga Kaperneam buluba pai. Aga ida me, aga ama dede me, aga wali pabo bidi dabe me, augwali hodobo pai, tama augwali te bulu Kaperneamde osogo bidigi pai, si sela sogo bidai.

Matyu 17:24

Te nosali te sogo augwali te Kaperneam hanuba sabolama, tama te Moni Lotu Be tempel tau sabo takis mone sabo bidi augwali te Pita pageba aselama, agabolo te po wai, “Te dagego po ola mabo bidi agai te Moni Lotu Be tempelba te takis mone mubo dawe?” te po wai.

Dwagi Yai Gesi Po Lukgo Asęani 4:23

Te Jisasgo augwalibolo te po wali, “Mu tama, dagego enabolo hasia bolo te po waibao, ‘Dokta bidi, naga digi naga ma geseleyu yao. Nago bulu me nogi Kaperneamde yali sę po dago odai dao. Tama naga te yaligia nage e pesagede me ma tama tiao,’ dagego enabolo waibao.”

Matyu 4:14

Tama tiyu, te po me deli te Godigo po polobadu pusali profet bidi Aisaiago pedauwalide wali po usu nani, tama Aisaiago te po wali,

Matyu 4:15

“Tama te Sebulun hanigo moni tǫ badu, me te Naptali hanigo moni tǫ te badu me, te sigi węba pabo tų badu, te Jordan pabo ąį badu, te Juda hani isiąwai bidi dabe hauwa bidibo tǫ nogi Galili,

Matyu 9:1

Te Jisas te geba me deliba holama, tama te sigi wę e badu ma aselama, tama aga buluba ma pedelai.

Dwagi Yai Gesi Po Makgo Asęani 2:1

Te meba sogo hododolama bidali silama da, tama aga te Kaperneam hanuba ma pai. Tama Kaperneam hanuba sabolama, tama te we bidi augwaligo aga te bede bidibo po odali.

Dwagi Yai Gesi Po Lukgo Asęani 10:15

Tama dage Kaperneam hanude bidibo bage, te dagego homu te dagego nogi te we bidi augwaligo te sigiba dagaluba ugwanu mu holobao, te homu eba, agawe?. Tiali goli, mu menio. Te dage tigi dene ebo dwai sia dabo dedage pageba sąwaibao,” Jisasgo te po wali.