Matyu 28:8 - Godigo dwagi yai po buku

⁸ Tama te we si wi homu dali elaluyu, tama wiegi yai homu pemene dali te geninama mu eyu, tama polo augwali sigo te gų page ola be tagalama, tama te ensel bidigo wali po te aga wali pali bidi dabebolo wagi painogo udulama polo palio.

Matyu 28:8 Referans Kwoze

Godigo Nogi Ugwaba Sabo Tęąbi Po Wabo Buku Dabe 2:11

Dagego Godide wi elama, tama agade midigi siąo.

Dwagi Yai Gesi Po Makgo Asęani 16:8

Tama te we dabe augwali te gų page tomoba pali te buluba solama, tama augwaligo te gų page tagalama wi soai. Augwali didibili elama, tama augwali homu te midigi siyu dwai noma sali. Tama augwaligo te bidi me deli dali te po deli me wabe, magi baso meni, te augwali wi yai.

Dwagi Yai Gesi Po Jongo Asęani 16:20

Eno mu po dage dali obao, dage genuai gela weyu, tama homu dene eyu, gela mu waibao. Tiali goli, enade konesiąwai we bidi augwali da dwagi yai homu yaibao. Tama dagego homu sęgę yaibao. Tiali goli dagego homu sęgę yali ma begelama, dwagi yai homu mu yaibao.

Dwagi Yai Gesi Po Jongo Asęani 16:22

Tama dage dali me te tiwai dao. Tama tiyu, megi dage homu sęgę ebao. Tiali goli, eno dage ma sueibao, tama dage dwagi yai homu ma yaibao. Tama niwai bidi mego dagego te dwagi yai homu ebo me sela sągobeo,” Jisasgo te po aga bidi dabe dali wai.

Matyu 28:7

Tama sulama, tama dage si polo pelama, aga wali pali bidi dabebolo te po wao, aga gų pagede ma hodalualio. Odiąo. Aga dage asabo madi polasa te Galili tǫ teba paibao, tama dagego aga tede sueibao, augwalibolo te po wao. Te eno po tama dao,” te ensel bidigo te po wai.

Matyu 28:9

Tama polo Jisasgo augwali si te tųde pobadi tiąba asai, tama te po wai, “Kigamu mu dao.” Tama te we si pąba pelama, tama aga sągą page tola selama, te we sigo agabolo lotu po walio.